स्लग - अस्सल पाच
...
स्लिम-ट्रीमच्या सध्याच्या युगात चमचमीत आणि मसालेदार खाण्याला सलाड हा उत्तम पर्याय आहे. सलाड म्हणजे फक्त भाज्या, त्यात काय खायचं... हा दृष्टिकोन आता मागे पडला आहे. कारण सध्या जिभेला आकर्षित करणारे सलाडचे विविध प्रकार उपलब्ध आहेत. त्यामध्ये प्रोटीन, कार्बोहायड्रेट्स असतातच, शिवाय चवही फर्मास असते... अशाच अस्सल पाच सलाड जॉइण्ट्सची ही माहिती...
...
पॅटी सलाड
विविध ठिकाणी आऊटलेट्स असलेल्या सबवेच्या आऊटलेट्समध्ये वेगवेगळ्या प्रकारचे पॅटी सलाड्स मिळतात. काकडी, टॉमेटो, जलपिनोस, ऑलिव्ह्ज, कांदा, सॅट्यूस यांचा बेस लावून त्यामध्ये आलू पॅटी, हराभरा पॅटी, शमी पॅटी आणि वरून विविध चवदार सॉस घालून हे सलाड केलं जातं. हे सलाड खाऊन पोट भरतंच, शिवाय वजन वाढण्याचा धोकाही नसतो.
...
बीट द हीट सलाड
भुलाभाई देसाई रोडवरील 'मिनिस्ट्री ऑफ सलाड' हे सलाडसाठीच प्रसिद्ध आहे. इथे सलाडप्रेमी खवय्यांना आपल्या आवडीनुसार सलाड बनवून मिळतं. आपल्या आवडत्या भाज्या आणि पदार्थ निवडून आपल्याला याची चव चाखता येते. येथे कलिंगड, भाजलेलं बीट, चीज एकत्र करून मिळणारे शब्दकोश सलाड प्रसिद्ध आहे. तसेच प्रोटीन्ससाठी इथली सलाड खाण्यासाठी खूप लोक येतात.
...
प्रोटीन प्रो सलाड
मालाड पश्चिमेला असणाऱ्या 'पिशु'मध्ये मिळणारे टोफू, सोया चंक्स, ब्रोकोली, मशरूम यांचे मिश्रण असणारे 'प्रोटीन प्रो सलाड' आरोग्याला योग्य असणाऱ्या प्रोटीनसाठी अतिशय पोषक आहे. या ठिकाणी खवय्यांच्या प्रकृतीचा विचार करूनच सलाडच्या कृती तयार करण्यात आल्या आहेत. लोकांना परवडणारी आणि चवीची अशी सलाड्सची चव खवय्यांना इथे चाखता येते.
...
बुर्रीटो पॉवरहाऊस सलाड
जेव्हीएलआर अंधेरी येथील 'दुकान क्र. 4'मध्ये जेवण आणि नाश्ता या दोन्ही स्वरुपामध्ये सलाड्स मिळतात. ब्राऊन राइस, भाज्या, टॉमेटो, मका, कांद्यांची पात आणि भोपळी मिरची अशा स्वरुपाच्या मिश्रणाच्या 'बुर्रीटो पॉवरहाऊस सलाड'मध्ये प्रोटीन्स, फायबर आणि आरोग्याला पोषक सर्व गोष्टी एकत्र करून मिळतात. आरोग्याची काळजी घेणाऱ्या आणि चवीचे खाणाऱ्या प्रत्येकालाच इथली सलाड्स नक्कीच आवडतील.
...
मेक्सिकन बीन सलाड
'सलाड स्टेशन'मध्ये २० पेक्षा अधिक प्रकारची सलाड्स मिळतात. यामध्ये वेगवेगळ्या प्रकारची सलाड्स असून मेक्सिकन बीन सलाड हे थोडं वेगळं सलाड आहे. यामधून हाय प्रोटीन मिळतं आणि त्याची चव वेगळी असल्यामुळे सलाड स्टेशनमध्ये बऱ्याच प्रमाणात हे सलाड खाल्लं जातं. सलाडमधील विविधता इथे जास्त प्रमाणात खवय्यांना चाखायला मिळते.
संकलन - सौरभ शर्मा, sourabh.sharma1@timesgroup.com