सुधन्वा कुलकर्णी
इंग्लंडच्या प्रिन्स हॅरी आणि अभिनेत्री मेगन मर्केल यांचा शाही विवाहसोहळा आपल्या देशात चवीने चर्चिला गेला. मात्र हे केवळ आपल्या देशात झाले असे समजू नका. संपूर्ण जगभर त्या विवाहाची अशीच उत्सुकता होती. अर्थात याचे एक कारण, इंग्लंडने एकेकाळी निम्म्या जगावर राज्य केले हेही असू शकते.
मुकेश अंबानीसारखा उद्योगपती आपल्या बायकोला वाढदिवसाची गिफ्ट म्हणून जिथे अडीचशे-तीनशे कोटींचं विमान विकत घेऊन देतो, त्या देशातल्या लोकांना खरे तर इंग्लंडच्या राणीच्या घरातल्या लग्नाला ३००-४०० कोटी रुपये खर्च आला ही बातमी विशेष वाटण्याचे कारण नाही. परंतु आपल्याकडे अजूनही एखादी स्त्री 'जरा जास्तच' करते आहे असं पुरूषाला वाटतं तेव्हा तो तिला 'तू स्वतःला इंग्लंडची राणी समजतेस की काय?' असं म्हणतो आणि पुरूष जरा 'अतिच करतो' असं दिसतं तेव्हा स्त्री त्याला 'आलाय मोठ्ठा हैदराबादचा नवाब' असा टोमणा हमखास मारते. याचं कारण लोकशाही स्वीकारून ७० वर्षं होऊन गेल्यावरही राजेशाहीचा प्रभाव भारतीयांच्या मनातून गेलेला नाही. म्हणूनच आपल्या देशातही इंग्लंडच्या प्रिन्स हॅरी आणि अभिनेत्री मेगन मर्केल यांचा शाही विवाहसोहळा चवीने चर्चिला गेला. मात्र हे केवळ आपल्या देशात झालं असं समजू नका. संपूर्ण जगभर त्या विवाहाची अशीच उत्सुकता होती. अर्थात याचं एक कारण, इंग्लंडने एकेकाळी निम्म्या जगावर राज्य केलेलं असल्याने, सर्व राष्ट्रकुल देशांशी, राजघराण्याचा आलेला बरा-वाईट संबंध, हेही असू शकतं.
खुद्द इंग्लंड, जिथे लोकशाहीचा स्वीकार होऊन तब्बल तीनशे वर्षं झाली, तिथेही राणी आणि राजघराणं यांची परमेश्वरासमान पूजा होते. आज राणी ही ग्रेट ब्रिटनची फक्त नामधारी प्रमुख असली तरी तिला प्रचंड मान आहे. ब्रिटिश जनतेची राजघराण्याविषयी निष्ठा कमालीची कडवी आहे. वास्तविक आजच्या व्यक्तिस्वातंत्र्याच्या काळात हे असंभव वाटतं. मात्र राणी आणि तिच्या कुटुंबाने आपल्या सार्वजनिक वागण्यामुळे ही किमया साधली आहे, असं तेथील समाजशास्त्रज्ञ म्हणतात. राजघराण्याचा आब राखूनही (अनेकदा तोडूनही) रॉयल फॅमिली सामान्य माणसासारखं वर्तन करते. सार्वजनिक ठिकाणी जाते. त्यामुळे सामान्यांचा त्यांच्याशी थेट 'कनेक्ट' आढळतो. म्हणूनच राजघराणं असूनही हे भलं मोठं कुटुंब इंग्लंडच्या परिपक्व लोकशाहीत आजही कौतुकाचं, आकर्षणाचं आणि अभिमानाचं केंद्र राहिलं आहे. राजघराण्यातल्या व्यक्तींच्या भानगडी, त्यांची 'प्रकरणं' यांना तेथील जनता 'नॉर्मल' समजते. 'आपल्या सारखेच ते आहेत' हे लोकांनी स्वीकारलं आहे. आता परवा लग्न होऊन राजघराण्यात आलेली मेगन मर्केल ही ३६ वर्षांची हॉलीवूड अभिनेत्री असून तिचा पहिला विवाह मोडला आहे. २०१३ साली तिने घटस्फोट घेतला. मात्र या गोष्टीचा बाऊ न करण्याची मॅच्युरिटी त्या समाजात आली आहे. राणी एलिझाबेथ दुसरी हिचा मुलगा प्रिन्स चार्ल्स आणि सौदर्य सम्राज्ञी लेडी डायना यांचा विवाह (१९८१) असाच गाजला होता. १९९७ साली कारच्या भीषण अपघातात अंत झालेली डायना सगळ्यांना आठवत असेल. आताच्या लग्नातला वर म्हणजे ३३ वर्षांचा प्रिन्स हॅरी, हा त्याच डायनाचा धाकटा मुलगा.
१९ मे २०१८ रोजी संपन्न झालेला प्रिन्स हॅरी आणि मेगन मार्केल यांचा हा विवाहसोहळा रिवाजाप्रमाणे विंडसर कॅसल येथील सेंट जॉर्ज चॅपल चर्चमध्येच पार पडला. याअगोदर राजघराण्यातली १५ लग्नं याच ठिकाणी लागली होती आणि आता हे सोळावं. राजघराणं असल्याने या लग्नातील अगदी बारीक सारीक गोष्टींची चर्चा झाली. कुणी म्हणतं मेगनचा वेडिंग ड्रेस ९० लाखांचा होता. कुणी म्हणतं अडीच कोटींचा होता. खरंखोटं मेगनचा टेलरच जाणे. कुणी सांगतं की हा विवाह सोहळा झालेला हॉल, जो संपूर्णपणे फुलांनी सजवला होता, त्या फुलांची किंमतच म्हणे १ कोटी रुपये होती.
आपल्या सामान्यांच्या लग्नांत सर्वाधिक खर्च जेवणावर होत असतो. पण अशा रॉयल लग्नात खाण्यापिण्याचा खर्च म्हणजे चणे-फुटाणे ठरतो. कारण या लग्नाची हाय प्रोफाइल सुरक्षा आणि त्यावर आलेला खर्चच मुळी ४३ मिलियन डॉलर होता. म्हणजे तब्बल २९० कोटी भारतीय रुपये. मग आता भोजनावळी आणि मद्य इत्यादीवर मिळून झालेल्या जेमतेम एखाद कोटी रुपयाची त्यासमोर काय मिजास!
केवळ खर्चाचीच नव्हे तर या रॉयल जोडप्याच्या बारीक सारीक हालचालींची नोंद लोक घेत होते. सोहळ्यादरम्यान मेगनची बॉडी लँग्वेज कशी कॉन्फिडंट होती, तिचा पॉइज कसा इलीगन्ट होता, याची दखल जाणकारांनी घेतली. नर्व्हस असलेल्या प्रिन्स हॅरीला तिने नकळत थोपटून कशाप्रकारे दिलासा दिला, याकडेही त्यांचे लक्ष होते. स्वतःचे लग्न नसूनही पांढराच ड्रेस घालून आलेल्या मेगनच्या मोठ्या जावेवर, केट मिडल्टनवर लोकांनी टीका केली. वास्तविक तिने हलकासा पिवळा (लाइट यलो) ड्रेस घातला होता, पण काही फोटोत तो पांढरा दिसल्याने लोकांचा गैरसमज झाला. गंमत म्हणजे पांढरा शुभ्र ड्रेस घालून काकाच्या लग्नाला आलेली तिचीच तीन वर्षांची गोड मुलगी शार्लोट हिने सर्वांचं लक्ष वेधून घेतलं आणि ती शो-स्टीलर ठरली. गंमत म्हणजे, चेल्सी डेव्ही ही झिम्बाब्वीयन सुंदरी म्हणजेच प्रिन्स हॅरीची एकेकाळची गर्लफ्रेंड, जिच्याशी त्याचं ७ वर्षं नातं होतं, ती या लग्नाला खास आमंत्रित होती. हाच तो ब्रिटिश मनमोकळेपणा. नववधू मेगनने तिची खास गळाभेट घेतली, तेव्हा तिने राजघराण्याच्या 'परंपरा' मोडल्याने तिथे अनेक भुवया वर गेल्या.
मोठ्या लोकांची आमंत्रणं सुद्धा सुनिश्चित आणि सुनियोजित असतात. ज्या जॉर्ज चॅपल चर्चमध्ये हे लग्न लागलं, तिथे केवळ ८०० लोक आमंत्रित होते. त्यानंतर पाठोपाठ विंडसर कॅसलच्या मैदानावर झालेल्या विवाह सोहळ्याला २६४० लोकांना बोलावलं होतं, ज्यात समाजातील प्रतिष्ठित नागरिक, समाजसेवक, समाजप्रेरक इत्यादी सहभागी होते. आणि संध्याकाळी जी पार्टी होती तिला फक्त २०० अतिविशेष व निकटचे पाहुणेच आमंत्रित होते.
मैदानावर झालेल्या सोहळ्यात पाहुण्यांसाठी सॉसेजेस रोल आणि हॉट टी असा मेन्यू होता. संध्याकाळच्या पार्टीत अर्थातच मद्य हे आकर्षण होतं. रम आणि जिंजर यांचं कॉकटेल सर्वत्र ओसंडून वाहत होतं, असं म्हणतात. फ्रॉग्मोर हाऊस या तीनशे वर्षे जुन्या हवेलीत झालेली ही पार्टी रात्री उशिरापर्यंत चालूच होती. तिथे खास बनवलेल्या काचेच्या दालनात भोजनाची व्यवस्था केली होती. शाही उत्सवांमध्ये असतात तसे पदार्थांचे स्टॉल्स तिथे लावले होते. बाहेरच्या बाजूला बार्स होते, जिथे थीम बेस्ड ड्रिंक्स सर्व्ह केली जात होती. वरपिता असलेला प्रिन्स चार्ल्स आणि त्याची दुसरी बायको कॅमिला, जे मद्याचे शौकीन समजले जातात, यांच्यासाठी खास जिन बेस्ड कॉकटेल बनवले गेले होते, अशी खबर आहे. 'डर्टी बर्गर्स' जे लंडनचे विख्यात चेन-रेस्टॉरंट आहे, त्यांच्याकडील खास पदार्थ मेजवानीसाठी ठेवलेले होते. लंडनचा सेलिब्रिटी शेफ क्लेअर स्मिथ याच्याकडे अन्य पदार्थांची व्यवस्था सोपवली गेली होती. कॅन्डीफ्लॉस हेही मेजवानीतील एक आकर्षण होतं म्हणे. कॅन्डीफ्लॉस म्हणजे आपले 'बुढ्ढी के बाल'. कुणाला कशाचं आकर्षण असेल हे सांगता येत नाही. मेजवानी दरम्यान लोक 'बियर पॉन्ग' हा गेमही खेळले. यात टेबल टेनिसचे बॉल बियरच्या ग्लासात फेकायचे असतात आणि ग्लासात अचूक बॉल पडल्यास विरुद्ध टीमच्या मेंबरने ती बियर पिणे बंधनकारक असतं म्हणे. खास आमंत्रित टेनिसपटू सेरेना विलियम्सने या खेळात विशेष चमक दाखवली असं सूत्रांकडून समजलं. शेवटी 'बडे लोग, बडी बातें' हेच खरं!
हॅरी आणि मेगन या जोडप्याने परंपरा मोडून व्हिटनी ह्युस्टनच्या 'आय वॉन्ना डान्स विथ समबडी' या गाण्यावर नृत्य केलं. हॅरीच्या खास विनंतीवरून प्रख्यात गायक-वादक एल्टन जॉन याने पियानो-वादन केलं. या प्रसंगी प्रिन्स हॅरी अर्थातच खूश होता. इतकी चांगली पत्नी मिळाल्याबद्दल त्याने परमेश्वराचे आभार मानले आणि 'आम्ही आयुष्यभर एकत्र राहू' अशी आशा व्यक्त केली. हॅरीचा मोठा भाऊ विलियम्स याने आई लेडी डायना हिची आठवण काढल्याने पाहुणे भावूक झाले. तिला मुलांचा खूप अभिमान वाटला असता अशी भावना त्याने व्यक्त केली. मध्यरात्रीच्या सुमारास नवीन जोडप्याने पाहुण्यांची रजा घेतली खरी, परंतु त्यानंतर लंडनच्याच चेल्सी विभागात एका साऊंडप्रूफ वास्तूमध्ये एक पार्टी-आफ्टरपार्टी आयोजित करण्यात आली होती. आधीच्या पार्टीतले काही निवडक पाहुणे नंतर तिकडे रवाना झाले. ती बहुदा उजाडेपर्यंत चालली असावी.
भारतासाठी विशेष सांगण्याजोग्या दोन गोष्टी. एकतर आपली हिंदी चित्रसृष्टीतली अभिनेत्री आणि हल्ली हॉलीवूडमधेच जिचा अधिकाधिक वावर असतो, अशी प्रियांका चोप्रा या संपूर्ण सोहळ्यासाठी अतिविशेष निमंत्रित होती. वधू मेगन हिची ती लाडकी मैत्रीण असल्याने पूर्णवेळ प्रियांका चोप्रा तिथे उपस्थित होती.
दुसरे विशेष म्हणजे आपले मुंबईचे डबेवाले. वरपिता प्रिन्स चार्ल्स याने बऱ्याच वर्षांपूर्वी मुंबईच्या डबेवाल्यांची खास भेट घेतल्यापासून इंग्लंडच्या राजघराण्याशी डबेवाला संघटनेचे विशेष नाते जोडले गेले आहे. प्रिन्स चार्ल्सने काही वर्षांपूर्वी कॅमिलाशी केलेल्या लग्नासाठी विशेष आमंत्रित म्हणून या संघटनेचे दोन सभासद इंग्लंडला गेले होते.
यावेळी कुणी इंग्लंडला गेले नसले तरी या नव्या जोडप्यासाठी आपला भारतीय शाही पोषाख डबेवाल्यांच्या संघटनेने त्यांना गिफ्ट पाठवला होता. या लग्नाच्या दिवशी आनंदाप्रीत्यर्थ टाटा मेमोरियल हॉस्पिटल, वाडिया हॉस्पिटल आणि केइएम हॉस्पिटलमध्ये रुग्णांना डबेवाल्यांच्या संघटनेतर्फे मिठाईही वाटण्यात आली. लंडनमधला हा विवाह सोहळा मुंबईत डबेवाल्यांनी अशा अनोख्या पद्धतीने साजरा केला.
असो... म्हटलं तर लग्नासारखं लग्न. शिवाय आपल्याकडेही बड्या श्रीमंत लोकांच्या लग्नाचे असेच दिमाखदार सोहळे, असेच अवाढव्य खर्च असतात. त्यांची वर्णनं अशीच डोळे विस्फारून टाकणारी असतात आणि यापुढेही असतील. पण लग्न जेव्हा ब्रिटनच्या राणीच्या वंशातले असते तेव्हा त्याची जगभर बातमी होतेच होते आणि माध्यमं त्याकडे कॅमेऱ्यातून डोळा लावून बसलेली असतात. त्याच्या आठवणी पुढेही वर्षानुवर्षं तपशिलांसह काढल्या जातात. कारण राजेशाही आणि राजघराणं यांच्याबद्दल असलेलं सुप्त आकर्षण हे जागतिक सत्य आहे, ते नाकारून चालणार नाही!
इंग्लंडच्या प्रिन्स हॅरी आणि अभिनेत्री मेगन मर्केल यांचा शाही विवाहसोहळा आपल्या देशात चवीने चर्चिला गेला. मात्र हे केवळ आपल्या देशात झाले असे समजू नका. संपूर्ण जगभर त्या विवाहाची अशीच उत्सुकता होती. अर्थात याचे एक कारण, इंग्लंडने एकेकाळी निम्म्या जगावर राज्य केले हेही असू शकते.
मुकेश अंबानीसारखा उद्योगपती आपल्या बायकोला वाढदिवसाची गिफ्ट म्हणून जिथे अडीचशे-तीनशे कोटींचं विमान विकत घेऊन देतो, त्या देशातल्या लोकांना खरे तर इंग्लंडच्या राणीच्या घरातल्या लग्नाला ३००-४०० कोटी रुपये खर्च आला ही बातमी विशेष वाटण्याचे कारण नाही. परंतु आपल्याकडे अजूनही एखादी स्त्री 'जरा जास्तच' करते आहे असं पुरूषाला वाटतं तेव्हा तो तिला 'तू स्वतःला इंग्लंडची राणी समजतेस की काय?' असं म्हणतो आणि पुरूष जरा 'अतिच करतो' असं दिसतं तेव्हा स्त्री त्याला 'आलाय मोठ्ठा हैदराबादचा नवाब' असा टोमणा हमखास मारते. याचं कारण लोकशाही स्वीकारून ७० वर्षं होऊन गेल्यावरही राजेशाहीचा प्रभाव भारतीयांच्या मनातून गेलेला नाही. म्हणूनच आपल्या देशातही इंग्लंडच्या प्रिन्स हॅरी आणि अभिनेत्री मेगन मर्केल यांचा शाही विवाहसोहळा चवीने चर्चिला गेला. मात्र हे केवळ आपल्या देशात झालं असं समजू नका. संपूर्ण जगभर त्या विवाहाची अशीच उत्सुकता होती. अर्थात याचं एक कारण, इंग्लंडने एकेकाळी निम्म्या जगावर राज्य केलेलं असल्याने, सर्व राष्ट्रकुल देशांशी, राजघराण्याचा आलेला बरा-वाईट संबंध, हेही असू शकतं.
खुद्द इंग्लंड, जिथे लोकशाहीचा स्वीकार होऊन तब्बल तीनशे वर्षं झाली, तिथेही राणी आणि राजघराणं यांची परमेश्वरासमान पूजा होते. आज राणी ही ग्रेट ब्रिटनची फक्त नामधारी प्रमुख असली तरी तिला प्रचंड मान आहे. ब्रिटिश जनतेची राजघराण्याविषयी निष्ठा कमालीची कडवी आहे. वास्तविक आजच्या व्यक्तिस्वातंत्र्याच्या काळात हे असंभव वाटतं. मात्र राणी आणि तिच्या कुटुंबाने आपल्या सार्वजनिक वागण्यामुळे ही किमया साधली आहे, असं तेथील समाजशास्त्रज्ञ म्हणतात. राजघराण्याचा आब राखूनही (अनेकदा तोडूनही) रॉयल फॅमिली सामान्य माणसासारखं वर्तन करते. सार्वजनिक ठिकाणी जाते. त्यामुळे सामान्यांचा त्यांच्याशी थेट 'कनेक्ट' आढळतो. म्हणूनच राजघराणं असूनही हे भलं मोठं कुटुंब इंग्लंडच्या परिपक्व लोकशाहीत आजही कौतुकाचं, आकर्षणाचं आणि अभिमानाचं केंद्र राहिलं आहे. राजघराण्यातल्या व्यक्तींच्या भानगडी, त्यांची 'प्रकरणं' यांना तेथील जनता 'नॉर्मल' समजते. 'आपल्या सारखेच ते आहेत' हे लोकांनी स्वीकारलं आहे. आता परवा लग्न होऊन राजघराण्यात आलेली मेगन मर्केल ही ३६ वर्षांची हॉलीवूड अभिनेत्री असून तिचा पहिला विवाह मोडला आहे. २०१३ साली तिने घटस्फोट घेतला. मात्र या गोष्टीचा बाऊ न करण्याची मॅच्युरिटी त्या समाजात आली आहे. राणी एलिझाबेथ दुसरी हिचा मुलगा प्रिन्स चार्ल्स आणि सौदर्य सम्राज्ञी लेडी डायना यांचा विवाह (१९८१) असाच गाजला होता. १९९७ साली कारच्या भीषण अपघातात अंत झालेली डायना सगळ्यांना आठवत असेल. आताच्या लग्नातला वर म्हणजे ३३ वर्षांचा प्रिन्स हॅरी, हा त्याच डायनाचा धाकटा मुलगा.
१९ मे २०१८ रोजी संपन्न झालेला प्रिन्स हॅरी आणि मेगन मार्केल यांचा हा विवाहसोहळा रिवाजाप्रमाणे विंडसर कॅसल येथील सेंट जॉर्ज चॅपल चर्चमध्येच पार पडला. याअगोदर राजघराण्यातली १५ लग्नं याच ठिकाणी लागली होती आणि आता हे सोळावं. राजघराणं असल्याने या लग्नातील अगदी बारीक सारीक गोष्टींची चर्चा झाली. कुणी म्हणतं मेगनचा वेडिंग ड्रेस ९० लाखांचा होता. कुणी म्हणतं अडीच कोटींचा होता. खरंखोटं मेगनचा टेलरच जाणे. कुणी सांगतं की हा विवाह सोहळा झालेला हॉल, जो संपूर्णपणे फुलांनी सजवला होता, त्या फुलांची किंमतच म्हणे १ कोटी रुपये होती.
आपल्या सामान्यांच्या लग्नांत सर्वाधिक खर्च जेवणावर होत असतो. पण अशा रॉयल लग्नात खाण्यापिण्याचा खर्च म्हणजे चणे-फुटाणे ठरतो. कारण या लग्नाची हाय प्रोफाइल सुरक्षा आणि त्यावर आलेला खर्चच मुळी ४३ मिलियन डॉलर होता. म्हणजे तब्बल २९० कोटी भारतीय रुपये. मग आता भोजनावळी आणि मद्य इत्यादीवर मिळून झालेल्या जेमतेम एखाद कोटी रुपयाची त्यासमोर काय मिजास!
केवळ खर्चाचीच नव्हे तर या रॉयल जोडप्याच्या बारीक सारीक हालचालींची नोंद लोक घेत होते. सोहळ्यादरम्यान मेगनची बॉडी लँग्वेज कशी कॉन्फिडंट होती, तिचा पॉइज कसा इलीगन्ट होता, याची दखल जाणकारांनी घेतली. नर्व्हस असलेल्या प्रिन्स हॅरीला तिने नकळत थोपटून कशाप्रकारे दिलासा दिला, याकडेही त्यांचे लक्ष होते. स्वतःचे लग्न नसूनही पांढराच ड्रेस घालून आलेल्या मेगनच्या मोठ्या जावेवर, केट मिडल्टनवर लोकांनी टीका केली. वास्तविक तिने हलकासा पिवळा (लाइट यलो) ड्रेस घातला होता, पण काही फोटोत तो पांढरा दिसल्याने लोकांचा गैरसमज झाला. गंमत म्हणजे पांढरा शुभ्र ड्रेस घालून काकाच्या लग्नाला आलेली तिचीच तीन वर्षांची गोड मुलगी शार्लोट हिने सर्वांचं लक्ष वेधून घेतलं आणि ती शो-स्टीलर ठरली. गंमत म्हणजे, चेल्सी डेव्ही ही झिम्बाब्वीयन सुंदरी म्हणजेच प्रिन्स हॅरीची एकेकाळची गर्लफ्रेंड, जिच्याशी त्याचं ७ वर्षं नातं होतं, ती या लग्नाला खास आमंत्रित होती. हाच तो ब्रिटिश मनमोकळेपणा. नववधू मेगनने तिची खास गळाभेट घेतली, तेव्हा तिने राजघराण्याच्या 'परंपरा' मोडल्याने तिथे अनेक भुवया वर गेल्या.
मोठ्या लोकांची आमंत्रणं सुद्धा सुनिश्चित आणि सुनियोजित असतात. ज्या जॉर्ज चॅपल चर्चमध्ये हे लग्न लागलं, तिथे केवळ ८०० लोक आमंत्रित होते. त्यानंतर पाठोपाठ विंडसर कॅसलच्या मैदानावर झालेल्या विवाह सोहळ्याला २६४० लोकांना बोलावलं होतं, ज्यात समाजातील प्रतिष्ठित नागरिक, समाजसेवक, समाजप्रेरक इत्यादी सहभागी होते. आणि संध्याकाळी जी पार्टी होती तिला फक्त २०० अतिविशेष व निकटचे पाहुणेच आमंत्रित होते.
मैदानावर झालेल्या सोहळ्यात पाहुण्यांसाठी सॉसेजेस रोल आणि हॉट टी असा मेन्यू होता. संध्याकाळच्या पार्टीत अर्थातच मद्य हे आकर्षण होतं. रम आणि जिंजर यांचं कॉकटेल सर्वत्र ओसंडून वाहत होतं, असं म्हणतात. फ्रॉग्मोर हाऊस या तीनशे वर्षे जुन्या हवेलीत झालेली ही पार्टी रात्री उशिरापर्यंत चालूच होती. तिथे खास बनवलेल्या काचेच्या दालनात भोजनाची व्यवस्था केली होती. शाही उत्सवांमध्ये असतात तसे पदार्थांचे स्टॉल्स तिथे लावले होते. बाहेरच्या बाजूला बार्स होते, जिथे थीम बेस्ड ड्रिंक्स सर्व्ह केली जात होती. वरपिता असलेला प्रिन्स चार्ल्स आणि त्याची दुसरी बायको कॅमिला, जे मद्याचे शौकीन समजले जातात, यांच्यासाठी खास जिन बेस्ड कॉकटेल बनवले गेले होते, अशी खबर आहे. 'डर्टी बर्गर्स' जे लंडनचे विख्यात चेन-रेस्टॉरंट आहे, त्यांच्याकडील खास पदार्थ मेजवानीसाठी ठेवलेले होते. लंडनचा सेलिब्रिटी शेफ क्लेअर स्मिथ याच्याकडे अन्य पदार्थांची व्यवस्था सोपवली गेली होती. कॅन्डीफ्लॉस हेही मेजवानीतील एक आकर्षण होतं म्हणे. कॅन्डीफ्लॉस म्हणजे आपले 'बुढ्ढी के बाल'. कुणाला कशाचं आकर्षण असेल हे सांगता येत नाही. मेजवानी दरम्यान लोक 'बियर पॉन्ग' हा गेमही खेळले. यात टेबल टेनिसचे बॉल बियरच्या ग्लासात फेकायचे असतात आणि ग्लासात अचूक बॉल पडल्यास विरुद्ध टीमच्या मेंबरने ती बियर पिणे बंधनकारक असतं म्हणे. खास आमंत्रित टेनिसपटू सेरेना विलियम्सने या खेळात विशेष चमक दाखवली असं सूत्रांकडून समजलं. शेवटी 'बडे लोग, बडी बातें' हेच खरं!
हॅरी आणि मेगन या जोडप्याने परंपरा मोडून व्हिटनी ह्युस्टनच्या 'आय वॉन्ना डान्स विथ समबडी' या गाण्यावर नृत्य केलं. हॅरीच्या खास विनंतीवरून प्रख्यात गायक-वादक एल्टन जॉन याने पियानो-वादन केलं. या प्रसंगी प्रिन्स हॅरी अर्थातच खूश होता. इतकी चांगली पत्नी मिळाल्याबद्दल त्याने परमेश्वराचे आभार मानले आणि 'आम्ही आयुष्यभर एकत्र राहू' अशी आशा व्यक्त केली. हॅरीचा मोठा भाऊ विलियम्स याने आई लेडी डायना हिची आठवण काढल्याने पाहुणे भावूक झाले. तिला मुलांचा खूप अभिमान वाटला असता अशी भावना त्याने व्यक्त केली. मध्यरात्रीच्या सुमारास नवीन जोडप्याने पाहुण्यांची रजा घेतली खरी, परंतु त्यानंतर लंडनच्याच चेल्सी विभागात एका साऊंडप्रूफ वास्तूमध्ये एक पार्टी-आफ्टरपार्टी आयोजित करण्यात आली होती. आधीच्या पार्टीतले काही निवडक पाहुणे नंतर तिकडे रवाना झाले. ती बहुदा उजाडेपर्यंत चालली असावी.
भारतासाठी विशेष सांगण्याजोग्या दोन गोष्टी. एकतर आपली हिंदी चित्रसृष्टीतली अभिनेत्री आणि हल्ली हॉलीवूडमधेच जिचा अधिकाधिक वावर असतो, अशी प्रियांका चोप्रा या संपूर्ण सोहळ्यासाठी अतिविशेष निमंत्रित होती. वधू मेगन हिची ती लाडकी मैत्रीण असल्याने पूर्णवेळ प्रियांका चोप्रा तिथे उपस्थित होती.
दुसरे विशेष म्हणजे आपले मुंबईचे डबेवाले. वरपिता प्रिन्स चार्ल्स याने बऱ्याच वर्षांपूर्वी मुंबईच्या डबेवाल्यांची खास भेट घेतल्यापासून इंग्लंडच्या राजघराण्याशी डबेवाला संघटनेचे विशेष नाते जोडले गेले आहे. प्रिन्स चार्ल्सने काही वर्षांपूर्वी कॅमिलाशी केलेल्या लग्नासाठी विशेष आमंत्रित म्हणून या संघटनेचे दोन सभासद इंग्लंडला गेले होते.
यावेळी कुणी इंग्लंडला गेले नसले तरी या नव्या जोडप्यासाठी आपला भारतीय शाही पोषाख डबेवाल्यांच्या संघटनेने त्यांना गिफ्ट पाठवला होता. या लग्नाच्या दिवशी आनंदाप्रीत्यर्थ टाटा मेमोरियल हॉस्पिटल, वाडिया हॉस्पिटल आणि केइएम हॉस्पिटलमध्ये रुग्णांना डबेवाल्यांच्या संघटनेतर्फे मिठाईही वाटण्यात आली. लंडनमधला हा विवाह सोहळा मुंबईत डबेवाल्यांनी अशा अनोख्या पद्धतीने साजरा केला.
असो... म्हटलं तर लग्नासारखं लग्न. शिवाय आपल्याकडेही बड्या श्रीमंत लोकांच्या लग्नाचे असेच दिमाखदार सोहळे, असेच अवाढव्य खर्च असतात. त्यांची वर्णनं अशीच डोळे विस्फारून टाकणारी असतात आणि यापुढेही असतील. पण लग्न जेव्हा ब्रिटनच्या राणीच्या वंशातले असते तेव्हा त्याची जगभर बातमी होतेच होते आणि माध्यमं त्याकडे कॅमेऱ्यातून डोळा लावून बसलेली असतात. त्याच्या आठवणी पुढेही वर्षानुवर्षं तपशिलांसह काढल्या जातात. कारण राजेशाही आणि राजघराणं यांच्याबद्दल असलेलं सुप्त आकर्षण हे जागतिक सत्य आहे, ते नाकारून चालणार नाही!