ऑलराउंडर रविंद्र जडेजाची पत्नी झाली आमदार; विद्यमान आमदाराचा पत्ता कट करून दिले होते तिकीट

अहमदाबाद: गुजरात विधानसभा निवडणुकीचे निकाल जाहीर झाले आहेत. राज्यात सत्ताधारी भाजपने पुन्हा एकदा दणदणीत असा विजय मिळवला आहे. भारतीय संघातील स्टार ऑलराउंडर रविंद्र जडेजाची पत्नी रिवाबा जडेजा देखील निवडणुकीच्या रिंगणात होती.

रिवाबा जडेजाने भाजपकडून जामनगर उत्तर विधानसभा मतदारसंघातून निवडणूक लढवली होती. गुरुवारी झालेल्या मतमोजणीत रिवाबाने काँग्रेसचे उमेदवार बिपेंद्रसिंह चतुरसिंह जडेजा यांचा ४० हजार ९६३ इतक्या मोठ्या मत फरकाने पराभव केला. या मतदारसंघात ६५.५ टक्के मतदान झाले होते.

वाचा- महाराष्ट्रात सापडला जगातील सर्वात दुर्मिळातील दुर्मिळ धातू; कोणालाच पत्ता नाही!

रिवाबा हा भाजपमध्ये येण्याआधी करणी सेनेचे सदस्य होत्या. २०१८ साली त्या करणी सेनेच्या महिला विंगच्या अध्यक्ष होत्या. रिवाबा यांना यांना तिकीट देण्यासाठी भाजपने आमदार धर्मेंद्रसिंह एम जडेजा यांचे तिकीट कापले होते. या विजयानंतर पक्षाचा निर्णय योग्य असल्याचे सिद्ध झाले.

क्रिकेटपटू जडेजाची पत्नी असलेल्या रिवाबाने २०१९ साली भाजपमध्ये प्रवेश केला होता. तेव्हा रिवाबा आणि रविंद्र जडेजा यांचा पंतप्रधान नरेंद्र मोदी यांच्या सोबतचा फोटो देखील व्हायरल झाला होता. भाजपमध्ये दाखल होताच त्या जामनगर उत्तर या मतदारसंघातून सक्रीय झाल्या होत्या. त्यांनी या मतदारसंघात महिलांसाठी फार काम केले आहे.

वाचा- संघाच्या पराभवात रोहित शर्माने इतिहास घडवला; आंतरराष्ट्रीय क्रिकेटमध्ये अशी कामगिरी करणारा पहिला...

रिवाबा आणि रविंद्र यांचा विवाह २०१६ साली झाला होता. १९९० साली राजकोट येथे जन्मलेल्या रिवाबाचे वडील गुजरातमधील मोठे उद्योगपती आहेत. रविंद्र जडेजा यांची बहिण नैना या जिल्हा महिला काँग्रेस अध्यक्ष आहेत.