VIDEO: सून भाजपात पण सासरे करतायत काँग्रेसचा प्रचार; रवींद्र जडेजाच्या घरात चाललंय तरी काय?

अहमदाबाद: गुजरात विधानसभा निवडणुकीचा पहिल्या टप्प्यातील प्रचार २९ नोव्हेंबर मंगळवारी ५ वाजता संपला. पण गुजरात विधानसभा निवडणुकीचा विषय आला कि रवींद्र जडेजाच्या कुटुंबाचे नाव समोर येत आहे. क्रिकेटर रवींद्र जडेजाच्या घरी सध्या कौटुंबिक युद्ध सुरु असल्याचे पाहायला मिळत आहे. पत्नी रिवाबा भाजपच्या तिकिटावर निवडणुकीच्या रिंगणात उतरली आहे. तर दुसरीकडे त्याची बहीण काँग्रेसच्या उमेदवारासाठी प्रचार करत आहे. एवढेच नव्हे तर तिच्या बहिणीकडून जडेजाची पत्नी रिवाबा हिच्यावर आरोप देखील, तिच्या विरोधात तक्रारदेखील त्याच्या बहिणीने केली. पण आता खुद्द जडेजाचे वडील लोकांना आवाहन करत आहेत की काँग्रेसला मतदान करा. नेमकं यामागे काय कारण आहे, जाणून घेऊया.

मंगळवारी अनिरुद्ध सिंग जडेजा यांचा एक व्हिडिओ व्हायरल होताना दिसत होता. या व्हिडिओमध्ये रवींद्र जडेजाचे वडील जामनगर उत्तर मतदारसंघातील लोकांना काँग्रेसला मतदान करण्याचे आवाहन करत आहेत. कारण जामनगर उत्तरमधून रवींद्र जडेजाच्या पत्नी रिवाबा जडेजा भाजपच्या तिकिटावर निवडणूक लढवत आहेत. अशा परिस्थितीत सुनेच्या विरोधात मतांचे आवाहन करणारा हा व्हिडिओ चर्चेचा विषय ठरत आहे.

वाचा: गुजरातमध्ये निवडणूक रोख्यांमधून सर्वाधिक निधी भाजपलाच, ADR ची आकडेवारी काय सांगते?

जडेजाच्या वडिलांचे विशेषतः राजपूत मतदारांना आवाहन

रवींद्र जडेजाचे वडील अनिरुद्धसिंह जडेजाच्या वडिलांनी काँग्रेसला मतदान करण्यासाठी व्हिडिओ संदेश शेअर केला आहे. मंगळवारी व्हायरल झालेल्या या व्हिडिओमध्ये रिवाबाचे सासरे जामनगर उत्तर मतदारसंघातील लोकांना काँग्रेसला मतदान करण्याचे आवाहन करत आहेत. काही वेळातच राजकीय पक्षांच्या अनेक व्हॉट्सअॅप ग्रुपवर हा व्हिडिओ फिरू लागला.

हेही वाचा: भाजपनं ४२ आमदारांना घरी पाठवलं, पहिल्या टप्प्यात ७ नेत्यांची बंडखोरी,

व्हिडिओमध्ये अनिरुद्ध सिंह जामनगरच्या लोकांना आणि विशेषतः राजपूत समाजाच्या मतदारांना आवाहन करत आहेत. जामनगर उत्तर जागेवर जास्तीत जास्त लोकांनी काँग्रेसला मतदान करावे, असे त्यांचे म्हणणे आहे. निवडणुकीच्या पहिल्या टप्प्यात जामनगर उत्तर विधानसभेच्या जागेवर १ डिसेंबरला मतदान होणार आहे.


वाचा: नरेंद्र मोदींच्या होम ग्राऊंडवर भाजपची परीक्षा, एका मुख्यमंत्रिपदासाठी तीन सीएम प्रचाराच्या रिंगणा

रवींद्र जडेजाच्या वडिलांनी एक व्हिडिओ संदेश जारी केला की, 'विपेंद्रसिंह जडेजा जामनगर उत्तर मतदारसंघातून काँग्रेसकडून निवडणूक लढवत आहेत. तो माझ्या धाकट्या भावासारखा आहे. मी राजपूत समाजाच्या सदस्यांना आवाहन करतो की त्यांना मोठ्या मतांनी विजयी करण्यात मदत करावी. मात्र, या टिप्पणीनंतर त्यांच्याशी संपर्क होऊ शकला नाही.