आशुतोष राणा करोना पॉझिटिव्ह, आठवड्याभरापूर्वी घेतली होती लस

मुंबई: गेल्या काही दिवसांपासून मुंबईसह राज्यात करोनाचा फैलाव झपाट्याने होऊ लागला आहे. राज्यात अनेक ठिकाणी परिस्थिती चिंताजनक झाली असून दिवसागणिक करोना रुग्णांची संख्या वाढत चालली आहे. यामध्ये बॉलिवूडमधील कलाकारांचाही समावेश असून त्यात आता अभिनेता आशुतोष राणा यांची भर पडली आहे. खुद्द आशुतोष यांनी सोशल मीडियावरून ही माहिती दिली.

मलायका- अर्जुननं गुपचूप उरकला साखरपुडा? रिंगची होतेय चर्चा

आशुतोष राणा यांनी करोना पॉझिटिव्ह झाल्याची माहिती देताना सांगितले, 'आपले शरीर देवी दुर्गासारखे असते. या दुर्गेला नऊ द्वार असतात. या ठिकाणी असलेली परमचेतना, रक्षणकर्त्या शक्तीला दुर्गा म्हटले जाते. आज हिंदू नववर्षाला सुरुवात होत आहे याला चैत्र नवरात्र असेही म्हणतात. आजपासून पुढचे नऊ दिवस भारतामध्ये जगतजननी दुर्गा मातेचे पूजन, हवन आणि तिचे स्मरण केले जाते.

ती आपल्या शरीराला, मनाला अधर्मापासून वाचवत धर्माकडे घेऊन जाते, स्वार्थाकडून परमार्थाकडे घेऊन जाते आणि विष शक्तिकडून ब्रह्मशक्तिकडे, विकाराकडून संस्काराकडे घेऊन जाण्यासाठी मदत करते... आजच्या शुभ दिवशी तुमच्या शरीराला झालेल्या रोगाबद्दल माहिती मिळाली तर याहून चांगली गोष्ट कोणती असूच शकत नाही. या जगतजननीची माझ्यावर विशेष कृपा आहे त्यामुळेच मला करोना झाल्याची माहिती समजली आहे.
'घरात कोणी पॉझिटिव्ह आल्यावर कळेल', महेश कोठारेंवर नेटकरी भडकले

हे समजल्यावर मी तत्काळ या आजारातून मुक्त होण्याच्या दिशेने पाऊले टाकायला सुरुवात केली आहे. माझा परमपूज्य गुरुदेव दद्दाजी यांची कृपा असून त्यांच्यावर माझा अखंड विश्वास असल्याने मी यातून लवकरच बरा होणार आहे. माझ्या संपूर्ण कुटुंबाची टेस्ट केली असून त्याचा रिपोर्ट लवकरच येईल. परंतु सात एप्रिलनंतर जे माझ्या संपर्कात आले होते त्यांनी सर्वांनी टेस्ट करून घ्यावी ही विनंती... '