पुणे टाइम्स टीम
बॉलिवुडचे शहेनशहा आणि मि. परफेक्शिनिस्ट यांना एकाच फ्रेममध्ये पाहणं हा चाहत्यांसाठी जबरदस्त अनुभव ठरणार आहे आणि हे दोघंही त्याच्याच तयारीला लागले आहेत. लवकरच या सिनेमाचं शूटिंग सुरू होणार आहे. सूत्रांच्या माहितीनुसार, येत्या पंधरा दिवसांत चोप्रा बॅनरच्या ‘ठग्ज ऑफ हिंदोस्ता’ या सिनेमाचं शूटिंग सुरू होणार आहे. साहजिकच त्यासाठी अमिताभ बच्चन, आमिर खान आणि सिनेमाचे लेखक- दिग्दर्शक विजय आचार्य कसून तयारीला लागले आहेत.
पटकथेचं वाचन, भूमिकेतले बारकावे समजून घेणं, एकत्र सीन्सची तयारी यावर चर्चा करतानाचा त्यांचा फोटो नुकताच सोशल मीडियावर पाहायला मिळाला. त्यांच्याशिवाय या सिनेमात कतरिना कैफ आणि फातिमा सना शेख यांच्याही महत्त्वाच्या भूमिका आहेत. या सिनेमात आमिर आणि बिग बी हे दोघं एकत्र आहेत त्यामुळे अभिनेत्रींना कितपत वाव असणार आहे, हे वेगळं बोलायलाच नको. मात्र या सिनेमात दोन मोठे अभिनेते आमने-सामने येणार आहेत त्यामुळे एक वेगळी जुगलबंदी रंगणार आहे एवढं निश्चित. सूत्रांनीच दिलेल्या माहितीनुसार, हा सिनेमा स्वीकारण्यापूर्वी आमिरनं सिनेमातली प्रत्येक फ्रेम जाणून घेतली. एवढंच नाही तर अमिताभ यांच्यासमोर असताना आपल्या भूमिकेचे संवाद, पेहराव आणि कॅमेरा कितीवेळ आपल्यावर असणार असे लहान-सहान तपशीलही निर्माता-दिग्दर्शकाकडून जाणून घेतले. एकीकडे बीग बी याच गोष्टींसाठी ओळखले जातात, तसाच कित्ता या परफेक्शनिस्ट म्हणवल्या जाणाऱ्या अभिनेत्यानंही गिरवला आहे. शेवटी आमिर ज्या सिनेमात काम करतो त्या सिनेमाच्या टीमला हा अनुभव नवा नाही. कारण कुठल्याच फ्रेममध्ये आपण मागे असावं, असं आमिरला वाटत नाही. त्यात बीग बी समोर असल्यावर तो आणखी काळजी घेणार याची अटकळ सिनेमाच्या टीमनं आधीच बांधलेली होती. आता हा सिनेमा प्रदर्शित झाल्यावर यात कोण भाव खातंय, हे आपल्याला कळेलच.
बॉलिवुडचे शहेनशहा आणि मि. परफेक्शिनिस्ट यांना एकाच फ्रेममध्ये पाहणं हा चाहत्यांसाठी जबरदस्त अनुभव ठरणार आहे आणि हे दोघंही त्याच्याच तयारीला लागले आहेत. लवकरच या सिनेमाचं शूटिंग सुरू होणार आहे. सूत्रांच्या माहितीनुसार, येत्या पंधरा दिवसांत चोप्रा बॅनरच्या ‘ठग्ज ऑफ हिंदोस्ता’ या सिनेमाचं शूटिंग सुरू होणार आहे. साहजिकच त्यासाठी अमिताभ बच्चन, आमिर खान आणि सिनेमाचे लेखक- दिग्दर्शक विजय आचार्य कसून तयारीला लागले आहेत.
पटकथेचं वाचन, भूमिकेतले बारकावे समजून घेणं, एकत्र सीन्सची तयारी यावर चर्चा करतानाचा त्यांचा फोटो नुकताच सोशल मीडियावर पाहायला मिळाला. त्यांच्याशिवाय या सिनेमात कतरिना कैफ आणि फातिमा सना शेख यांच्याही महत्त्वाच्या भूमिका आहेत. या सिनेमात आमिर आणि बिग बी हे दोघं एकत्र आहेत त्यामुळे अभिनेत्रींना कितपत वाव असणार आहे, हे वेगळं बोलायलाच नको. मात्र या सिनेमात दोन मोठे अभिनेते आमने-सामने येणार आहेत त्यामुळे एक वेगळी जुगलबंदी रंगणार आहे एवढं निश्चित. सूत्रांनीच दिलेल्या माहितीनुसार, हा सिनेमा स्वीकारण्यापूर्वी आमिरनं सिनेमातली प्रत्येक फ्रेम जाणून घेतली. एवढंच नाही तर अमिताभ यांच्यासमोर असताना आपल्या भूमिकेचे संवाद, पेहराव आणि कॅमेरा कितीवेळ आपल्यावर असणार असे लहान-सहान तपशीलही निर्माता-दिग्दर्शकाकडून जाणून घेतले. एकीकडे बीग बी याच गोष्टींसाठी ओळखले जातात, तसाच कित्ता या परफेक्शनिस्ट म्हणवल्या जाणाऱ्या अभिनेत्यानंही गिरवला आहे. शेवटी आमिर ज्या सिनेमात काम करतो त्या सिनेमाच्या टीमला हा अनुभव नवा नाही. कारण कुठल्याच फ्रेममध्ये आपण मागे असावं, असं आमिरला वाटत नाही. त्यात बीग बी समोर असल्यावर तो आणखी काळजी घेणार याची अटकळ सिनेमाच्या टीमनं आधीच बांधलेली होती. आता हा सिनेमा प्रदर्शित झाल्यावर यात कोण भाव खातंय, हे आपल्याला कळेलच.