अनिल कपूर यांच्या लेकीला बॉयफ्रेंडने दिल्या वाढदिवसाच्या हटके शुभेच्छा, सोशल मीडियावर रंगली चर्चा

मुंबई- लोकप्रिय बॉलिवूड अभिनेते अनिल कपूर यांची छोटी मुलगी रिया कपूरचा आज ५ मार्चला वाढदिवस आहे. याप्रसंगी बॉलिवूडमधील अनेक कलाकारांनी तिच्यावर शुभेच्छांचा वर्षाव केला. तिच्या चाहत्यांनी देखील तिला वाढदिवसाच्या शुभेच्छा दिल्या. महत्वाचं म्हणजे रियाच्या बॉयफ्रेंडने सोशल मीडियावर तिला खास पद्धतीने शुभेच्छा दिल्या आहेत. त्याचे फोटो सोशल मीडियावर वायरल झाले आहेत.'द मॅरीड वूमन' च्या यशासाठी एकता कपूरनं अजमेर शरीफ दर्ग्यावर चढवली चादर

अनिल यांची छोटी मुलगी असलेली रिया अभिनय क्षेत्रापासून थोडी दूरच असते. तिने अभिनयात तिचं नशिब आजमावलं नसलं तरी ती एक उत्तम निर्माती आहे. त्यासोबतच ती एक फॅशन डिझायनर देखील आहे. रियाचा जन्म ५ मार्च १९८७ साली झाला. ती आणि तिची मोठी बहीण सोनम कपूर यांनी मिळून एक फॅशन ब्रॅण्ड कंपनीची स्थापना केली. त्या दोघींमध्ये खूप चांगलं नातं आहे. रियाच्या वाढदिवसाच्या निमित्ताने तिचा बॉयफ्रेंड करण बूलानी याने इन्स्टाग्रामवर तिचा एक फोटो शेअर केला आणि त्याखाली अत्यंत प्रेमळ मेसेज लिहिला. त्याने लिहिलं, 'मी आशा करतो की, जेवढा आनंद तू माझ्या आयुष्यात घेऊन आली आहेस, तितकाच आनंद मी एक दिवस तुला देऊ शकेन. तुझा वाढदिवस प्रेम आणि आनंदाने भरलेला असुदे आणि येणारं वर्ष तुझ्या आयुष्यातील अत्यंत सुखाचं वर्ष असुदे.'



रियाच्या बॉयफ्रेंडने केलेल्या या पोस्टची सोशल मीडियावर चांगलीच चर्चा रंगली आहे. चाहत्यांनी त्यांना लग्न कधी करताय, असे प्रश्न विचारलेत. अनिल यांनी देखील त्यांच्या छोट्या मुलीला वाढदिवसाच्या शुभेच्छा दिल्या आहेत. त्यांनी सोनम आणि रियाच्या बालपणीचा फोटो शेअर करत तिला बर्थडे विश केला आहे. आई आणि सोनमने देखील रियाला वाढदिवसाच्या शुभेच्छा दिल्या आहेत.

https://www.instagram.com/p/CMBtOp8Bqtb/?utm_source=ig_web_copy_link

ट्रोल होण्याच्या भीतीने साराने भावाला असं केलं बर्थडे विश?