इंडियन आयडल १२ : गायिकेच्या टीकेनंतर परीक्षकपदावरून अनु मलिक यांची गच्छंती?

मुंबई: सोनी टीव्हीवरील सर्वात लोकप्रिय रिअॅलिटी शो असलेल्या 'इंडियन आयडल १२' या कार्यक्रमात संगीतकार अनु मलिक यांना पुन्हा परीक्षक म्हणून बोलावण्यात आले आहे. परंतु सोनी टीव्हीने घेतलेल्या या निर्णयावर गायिका सोना मोहापात्रासहित अनेकांनी जोरदार टीका केली. त्यामुळे अनु मलिक यांना पुन्हा परीक्षक पदावरून काढून टाकण्याची नामुष्की चॅनेलवर येण्याची शक्यता असल्याचे वृत्त सूत्रांनी दिले आहे.

जेव्हा लेडी गागानं शाहरुख खानला डेट करण्यास दिला होता नकार

सुत्रांनी दिलेल्या माहितीनुसार, इंडियन आयडल १२ या कार्यक्रमाचे चित्रीकरण मुंबई बाहेर होत आहे. त्या ठिकाणी जाण्यास या कार्यक्रमाचे मूळ परीक्षक विशाल दादलानी आणि हिमेश रेशमिया यांना शक्य नव्हते. चित्रीकरणाचे ठिकाण बदलण्याआधीच या कार्यक्रमाची आणखी एक परीक्षक गायिका नेहा कक्कर काही दिवसांच्या सुट्टीवर गेली आहे. हे तीनही परीक्षक उपलब्ध नसल्याने सोनी टीव्हीने परीक्षक म्हणून पुन्हा अनु मलिक यांना बोलावले.


याआधी अनु मलिक या कार्यक्रमाचे परीक्षक होते, परंतु त्यांच्यावर 'मी टू' प्रकरणी आरोप झाल्यामुळे त्यांना या पदावरून हटवण्याची मागणी सर्वच स्तरांतून करण्याती आली. यानंतर वाहिनीने त्यांना कार्यक्रमातून काढून टाकले होते. परंतु करोनाच्या संकटकाळात परीक्षक म्हणून पुन्हा अनु मलिक यांना बोलावले गेले. दरम्यान, या आठवड्याचे कार्यक्रमाचे चित्रीकरण पूर्ण झाले आहे, त्यामुळे आता पुढच्या आठवड्यासाठी होणाऱ्या चित्रीकरणात अनु मलिक यांना सहभागी करून घेतले जाणार नसल्याचे सुत्रांनी सांगितले.

बॉयफ्रेंडवर बलात्काराचा आरोप, वादग्रस्त राहिलं पूजाचं आयुष्य

गायिका सोना मोहापात्राची कडाडून टीका

इंडियन आयडल १२ या कार्यक्रमात परीक्षक म्हणून अनु मलिक यांना घेत असल्याची बातमी आल्यानंतर गायिका सोना मोहापात्राने एक पोस्ट केली. या पोस्टमध्ये तिने सोनी चॅनेलच्या या निर्णयावर कठोर शब्दांत टीका करत ती म्हणाली, 'करोनाविरुद्ध सुरू असलेली लढाई सर्वजण एकत्रितपणे लढत आहेत. या परिस्थितीचा गैरफायदा घेत काही वाहिन्या लैंगिक अत्याचारांचा आरोप असलेल्या व्यक्तींना पुन्हा परीक्षकपदी बसवत आहेत. हा निर्णय केवळ माझ्यासाठीच नाही तर राष्ट्रीय महिला आयोगासाठीही लज्जास्पद आहे.' त्यानंतर सोना मोहापात्राने तिच्या तीन-चार ट्वीटमध्ये काही कायदेशीर कागदपत्रे पोस्ट केली आहेत.



त्यात तिने काही मुलींबद्दल सांगितले आहे. तसेच संगीतकारांवरही गंभीर आरोप केले आहेत. इंडियन आयडल १२ या कार्यक्रमाव्यतिरीक्त अनु मलिक इतर काही कार्यक्रमांतही दिसले आहेत.

लवकरच येणार सुखविंदर सिंग

इंडियन आयडल १२ कार्यक्रमात पंजाबी गायक सुखविंदर सिंग सहभागी होणार आहेत. या कार्यक्रमातील नऊ स्पर्धकांसोबत ते काही गाणी सादर करणार आहेत. यामुळे या स्पर्धकांचा उत्साह वाढणार आहे. याच कार्यक्रमाच्या नवव्या सिझनमध्ये सुखविंदर सिंग सहभागी झाले होते.

इंडियन आयडल १२ मधून अनु मलिक यांना डच्चू

गायिका सोना मोहापात्राने चॅनेलवर केली टीका

परीक्षकपदी पुन्हा दिसणार विशाल दादलानी