मुंबई: छोट्या पडद्यावरील लोकप्रिय कार्यक्रम बिग बॉस मधील कलाकार अर्शी खानचा सोमवारी दिल्लीमध्ये अपघात झाला. अर्शीच्या गाडीला दिल्लीतील मालवीय नगर भागात अपघात झाला असून त्यात अभिनेत्री गंभीर जखमी झाली आहे. अर्शीला दिल्लीतील एका रुग्णालयात दाखल करण्यात आले आहे. दरम्यान, या अपघाताची पोलिस चौकशी करत आहेत. ई टाइम्सने दिलेल्या वृत्तानुसार अर्शीचे वास्तव्य दिल्लीत आहे. तिथे तिचे काम सुरू आहे. अर्शीच्या जवळच्या मित्रांनी दिलेल्या माहितीनुसार अपघात झाला तेव्हा अर्शी काडीमध्येच होती. हा अपघात दिल्लीतील मालवीय नगर, शिवालिक रस्त्यावर झाला. हा अपघात कसा झाला, याची माहिती अद्याप मिळालेली नाही. दरम्यान, या अपघातामध्ये अर्शी जखमी झाली असून तिच्यावर रुग्णालयात उपचार सुरू आहेत. अर्शीच्या कुटुंबियांनीही अपघाताच्या वृत्ताला दुजोरा दिला आहे.
कुस्तीचे प्रशिक्षण घेतेय
अर्शी खान 'विश' आणि 'सावित्री देवी कॉलेज अँड हॉस्पिटल'मध्ये दिसणार आहे. तसेच तिच्याकडे काही बॉलिवूड सिनेमांच्याही ऑफर आहेत. तर दुसरीकडे अर्शी गेल्या काही दिवसांपासून प्रसिद्ध मल्ल द ग्रेट खली यांच्याकडून कुस्तीचे प्रशिक्षण घेत आहे. ती ट्रेनिंगच्या वेळचे अनेक व्हिडिओ तिच्या इन्स्टाग्राम अकाऊंटवर शेअर करत आहे. काही दिवसांपूर्वीच अर्शीने खली यांच्यासोबत केलेल्या डान्सचा व्हिडिओ शेअर केला होता.
कुस्तीचे प्रशिक्षण घेत असल्याचा अभिमान वाटत असल्याचे मत तिने व्यक्त केले होते. तिने पुढे सांगितले की, 'कुस्ती हा क्रीडा प्रकार मी मन लावून शिकत आहे. मला आंतरराष्ट्रीय पातळीवर जाऊन कुस्ती खेळायची आहे. कुस्ती खेळताना महिला अथवा पुरुष स्पर्धक हा भेद माझ्यासाठी नाही. कारणआजच्या काळात हे दोघेही समान पातळीवर आहेत. महिला देखील पुरुषांइतक्याच सक्षम आहेत.'
अर्शी खानने बिग बॉस १४ मध्ये वाईल्ड कार्डद्वारे प्रवेश केला होता. त्याआधी ती बिग बॉस ११ मध्ये सहभागी झाली होती. बिग बॉसच्या घरात असताना अर्शीला तिच्या वर्तणुकीमुळे अनेकदा सलमान खानचा ओरडा खावा लागला होता.
कुस्तीचे प्रशिक्षण घेतेय
अर्शी खान 'विश' आणि 'सावित्री देवी कॉलेज अँड हॉस्पिटल'मध्ये दिसणार आहे. तसेच तिच्याकडे काही बॉलिवूड सिनेमांच्याही ऑफर आहेत. तर दुसरीकडे अर्शी गेल्या काही दिवसांपासून प्रसिद्ध मल्ल द ग्रेट खली यांच्याकडून कुस्तीचे प्रशिक्षण घेत आहे. ती ट्रेनिंगच्या वेळचे अनेक व्हिडिओ तिच्या इन्स्टाग्राम अकाऊंटवर शेअर करत आहे. काही दिवसांपूर्वीच अर्शीने खली यांच्यासोबत केलेल्या डान्सचा व्हिडिओ शेअर केला होता.
कुस्तीचे प्रशिक्षण घेत असल्याचा अभिमान वाटत असल्याचे मत तिने व्यक्त केले होते. तिने पुढे सांगितले की, 'कुस्ती हा क्रीडा प्रकार मी मन लावून शिकत आहे. मला आंतरराष्ट्रीय पातळीवर जाऊन कुस्ती खेळायची आहे. कुस्ती खेळताना महिला अथवा पुरुष स्पर्धक हा भेद माझ्यासाठी नाही. कारणआजच्या काळात हे दोघेही समान पातळीवर आहेत. महिला देखील पुरुषांइतक्याच सक्षम आहेत.'
अर्शी खानने बिग बॉस १४ मध्ये वाईल्ड कार्डद्वारे प्रवेश केला होता. त्याआधी ती बिग बॉस ११ मध्ये सहभागी झाली होती. बिग बॉसच्या घरात असताना अर्शीला तिच्या वर्तणुकीमुळे अनेकदा सलमान खानचा ओरडा खावा लागला होता.