मराठी बिग बॉसची उत्सुकता शिगेला

मुंबईः

सर्वाधिक वादग्रस्त अशी ओळख असलेला बिग बॉस हा टीव्हीवरील रिअॅलीटी शो मराठीमध्ये येतोय. यामुळे या शोची सर्वांना उत्सुकता आहे. एवढचं नव्हे तर या बिग बॉसच्या घरात कोण-कोण असेल याची चर्चाही रंगली आहे. हा शो आजपासून सुरू होतोय. अभिनेते आणि दिग्दर्शक महेश मांजरेकर हे या बिग बॉसचे सूत्रसंचालन करत आहे. आज संध्याकाळी सात वाजता या शोला सुरूवात होणार आहे. सोमवार ते शनिवार रात्री साडेनऊ वाजता हा शो कलर्स मराठी वाहिनीवर दाखवण्यात येणार आहे.

कलर्स मराठी वाहिनीवर होत असलेल्या या बिग बॉसच्या घरात दोन कलाकारांची नावं उघड झाली आहेत आणि त्यांनी त्याला दुजोराही दिला आहे. एक आहेत उषा नाडकर्णी आणि दुसरा शिव ठाकरे. बिग बॉसच्या घरात एकूण १० स्पर्धक असणार आहेत. पुष्कर जोग, राजेश शृंगारपुरे, रेशम टिपणीस, आस्ताद काळे, देवदत्त नागे, प्रथमेश परब, सुशांत शेलार, शेफ विष्णु मनोहर आणि शेफ पराग कान्हेरे यांची नावं चर्चेत आहेत.