bigg boss marathi 2 august 19 2019 day 87: अभिजित बिचुकलेंचा 'साकी साकी रे' डान्स

मुंबई: हीना पांचाळ काल बिग बॉसच्या घरातून बाहेर पडली. तसंच या भागात राशिचक्रकार शरद उपाध्ये यांनीही हजेरी लावली स्पर्धकांच्या राशीनुसार त्यांचे स्वभाव वैशिष्ट्ये उपाध्ये सांगितली.शरद उपाध्ये यांनी मंचावर महेश मांजरेकर व घरातील इतर सदस्यांसोबत संवाद साधला. सदस्यांच्या राशीनुसार त्यांचा स्वभावही सांगितला.

शिव आणि वीणा यांचा स्वभाव त्यांच्या राशीच्या विरुद्ध आहे असं उपाध्ये म्हणाले. तर नेहा आणि शिवानी यांच्या मकर राशीनुसार त्यांचा स्वभाव बरोबर आहे असंही उपाध्ये म्हणाले. तर अभिजीत बिचुकले यांच्या स्वभावाबद्दल बोलताना अनेक विनोदही केले. यावर मांजरेकर म्हणाले बिचुकलेंची तेरावी रास असावी त्यामुळं त्यांचा स्वभाव असा आहे. यावर सर्वानाच हसू आलं. 'टॉप-३' मध्ये कोणते स्पर्धक असतील असं विचाल्यानंतर ' सर्वच स्पर्धक वरचढ आहेत. एकमेकांना पुरून उरतील असेच आहेत. त्यामुळं हे सांगता येणार नाही' असं उपाध्ये म्हणाले.

बिग बॉस हा कार्यक्रम उत्तम आहे, हे १५ स्पर्धक १०० दिवस या घरामध्ये रहाणार. बाहेरच्या जगाशी कुठल्याही प्रकारचा संपर्क नसताना इतके दिवस एका घरात राहायला खुप मोठे मानसिक बळ लागते… मी हा कार्यक्रम नियमित बघतो अशी प्रतिक्रिया उपाध्ये यांनी दिली. स्पर्धकांच्या मनात असलेल्या अनेक शंकांचं त्यांनी निरसन केलं. कोणी घरामध्ये कसे वागावं, घरामध्ये नक्की टिकण्यासाठी काय करावं, कोणाची राशी काय सांगते, त्यांचा बिग बॉसच्या घरामध्ये कसा निभाव लागेल? घरामध्ये टिकण्यासाठी त्यांनी कोणती काळजी घेणे आवश्यक आहे अशा अनेक गोष्टी उपाध्ये यांनी सांगितल्या.

तसंच घरामध्ये एक खेळ खेळण्यात आला ज्यामध्ये सदस्यांना गाणं ओळखून डान्स सादर करायचा होता. वीणा आणि बिचुकले यांनी तू ''चिझ बडी है मस्त'' या गाण्यावर तर किशोरी शहाणे आणि अभिजित बिचुकलेने ''साकी साकी रे'' या गाण्यावर डान्स केला.