Bigg Boss Marathi 2 August 23 2019 Day 91 : ...आणि बिग बॉसने बक्षिसाची रक्कम कमी केली!

मुंबई: बिग बॉसच्या घरामध्ये काल सदस्यांना स्वत:चं मूल्यांकन ठरवणारा टास्क दिला होता. या टास्कमध्ये किशोरी शहाणे, शिव ठाकरे आणि वीणा जगताप यांनी स्वत:चे मूल्यांकन ६ लाख ठरवलं. यावर घरातल्या सदस्यांचं एकमत झालं नाही.

मुद्रांवर सहा लाख, पाच लाख, साडेचार लाख, चार लाख, साडेतीन लाख, दोन लाख अशी किंमत लिहिलेली होती. शिवानी सुर्वेवर ही संधी येताच तिनं स्वत:ची घरातील किंमत २ लाख अशी ठरवली... आणि त्यावर तिनं स्पष्टीकरण दिलं.

शेवटी वीणा आणि किशोरी यांच्या मुल्यांकानाची वेळ आली. या दोघींपैकी एकीला ग्रॅन्ड फिनालेमध्ये पोहोचण्याची संधी मिळणार होती. मात्र घरातील सदस्यांचं एक मत झालं नाही. घरातील शिवानी सोडून सर्व सदस्य वीणाच्या बाजूनं होते. त्यामुळं कोणताच निर्णय घेण्यात आला नाही. ही गोष्ट बिग बॉस यांना पटली नाही. त्यांनी सर्वच सदस्यांची शाळा घेतली. प्रेक्षकांनी आजपर्यंत जे पाहिलं नव्हतं ते घरातील सदस्यांनी प्रेक्षकांना दाखवलं. त्यामुळं विजेता सदस्याला मिळणारी रक्कम बिग बॉस यांनी कमी केली.