Bigg Boss Marathi 2 August 27 2019 Day 95 episode update: शिव आणि वीणाचं असं आहे लग्नाचं प्लॅनींग

मुंबई: बिग बॉसच्या घरात नेहमीच शिव आणि वीणा यांच्या नात्याची चर्चा होते. यांचं नात घराबाहेरही टिकणार का असा प्रश्न प्रत्येकाला पडलेला असताना वीणानं मोठा खुलासा केलाय. माझं आणि शिवचं नातं केवळ या शोसाठी नव्हतं, आम्ही घराबाहेर पडून लग्नाची बोलणी करू असं वीणा बिग बॉसच्या घरी झालेल्या पत्रकार परिषदेत म्हणाली.

बिग बॉसच्या घरात मंगळवारी पत्रकार परिषद रंगली. बिग बॉसच्या टॉप ६ सदस्यांना पत्रकारांनी बरेच प्रश्न विचारले. शिव आणि वीणाच्या नात्याविषयी या पत्रकार परिषदेत त्यांच्यावर प्रश्नांची सरबत्ती करण्यात आली. 'तुमचं हे नातं घराबाहेरही टिकणार का?' असा प्रश्न या दोघांनाही विचारण्यात आला. 'आमचं नातं केवळ या गेमसाठी नाहीए. आम्ही घराबाहेर पडल्यावर आमच्या घरी सांगणार आहोत. मग लग्नाची बोलणी होतील आणि लग्न कुठे, कधी होईल ते ठरेल' असं उत्तर वीणानं दिलं. तर लग्न उल्हासनगरमध्ये होणार की विदर्भात होणार या प्रश्नानर वीणानं हसत हसत आम्ही दोन्ही ठिकाणीं लग्न करू असं सांगितलं.

'बिग बॉस' विषयी सर्व काही जाणून घेण्यासाठी इथं क्लिक करा

वीणाच्या या उत्तरानं उपस्थित सगळेच चकित झाले. शिव- वीणा यांचं नातं घराबाहेरही खरंच टिकेल का आणि त्यांचं लग्नही होईल का हे शो संपल्यावर काही दिवसांत स्पष्ट होईल.