Bigg Boss Marathi 2 August 29 2019 Day 97: बिग बॉसमध्ये खडतर आयुष्य जगले: किशोरी

मुंबई: बिग बॉसच्या घरातील सहा सदस्य आता अंतिम फेरीत दाखल झाले आहेत. या सहापैकी कुणीतरी एक सदस्य हातात ट्रॉफी घेऊन विजेता बनण्याचा क्षणही आता जवळ आला आहे. घरातील या सगळ्याच सदस्यांसाठी कालचा दिवस अतिशय खास ठरला. घरातील सहा सदस्यांना बिग बॉस त्यांचा १०० दिवसांचा प्रवास उलगडून सांगितला.

शीव ठाकरे , नेहा शितोळे आणि किशोरी शहाणे यांचा प्रवास कालच्या भागात दाखवण्यात आला. बिग बॉसच्या घरात प्रथम प्रवेश केला एका ग्लॅमरस, उत्तम अभिनेत्रीनं… ती संवेदनशील, हरहुन्नरी व्यक्ती म्हणजेच किशोरी शहाणे असं म्हणत किशोरी शहाणे यांचा व्हिडिओ सुरू झाला. बिग बॉसच्या घरातील आजपर्यंतचा प्रवास पाहून किशोरी यांच्या डोळ्यात पाणी आलं. त्यांनी बिग बॉसला धन्यवाद देत ही ट्रॉफी मलाच जिंकायची आहे असा हट्टही केला. बिग बॉसमध्ये येऊन खूप काही शिकायला मिळालं. आजपर्यंत जी कामं केली नव्हती ती मी इथं केली त्याचा मला आनंद आहे असंही त्या म्हणाल्या.
या घरातील जगलेला प्रत्येक क्षण या व्हिडिओमुळं जिवंत झाला म्हणत किशोरी शहाणेंनी बिग बॉसचे आभार मानले. नव्वदहून अधिक दिवस या बिग बॉसच्या घरात ही मंडळी राहिली, एकमेकांशी मैत्री केली, एकमेकांशी भांडलीसुद्धा...पण या प्रवासाकडं मागे वळून पाहताना मात्र हे सगळेच भावुक झाले.

'बिग बॉस' विषयी सर्व काही जाणून घेण्यासाठी इथं क्लिक करा