मुंबई:
इतर स्पर्धकांवर कुरघोडी करत त्यांना मात देणे, वेगवेगळे टास्क जिंकून स्वत:ला सुरक्षित करणे किंवा आपल्या विरोधात खलबत होऊ नये याची काळजी घेणे... 'बिग बॉस'च्या घरात शेवटपर्यंत टिकून राहणे ही एक मोठी कसोटीच असते. त्यात आता 'बिग बॉस' मराठीच्या पहिल्या आठवड्यातील असुरक्षित स्पर्धकांची नावं जाहीर झाली आहेत. त्यामुळे घरातील वातावरण अधिकच तापलंय.
'बिग बॉस'च्या घरात होणाऱ्या या पहिल्याच व्होट आउटसाठी घरातील इतर स्पर्धकांनी ६ जणांना नॉमिनेट केलंय. आपल्या आगळ्यावेगळ्या 'फॅशन'मुळे चर्चेत असणारे अनिल थत्ते, स्पष्टवक्तेपणासाठी प्रसिद्ध असलेल्या उषा नाडकर्णी, विनोदवीर भूषण कडू, 'पप्पी दे पारुला'फेम स्मिता गोंदकर, रात्रीस खेळ चाले' मालिकेतील 'सुसल्या' अर्थात ऋतुजा धर्माधिकारी आणि सर्वांना खळखळून हसवणारी आरती सोळंकी अशी या सहा स्पर्धकांची नावं आहेत.
येत्या आठवड्यात या सहापैकी एका स्पर्धकाला 'बिग बॉस'च्या घराला रामराम करावा लागणार आहे. परंतु, आपल्या लाडक्या कलाकाराला घराबाहेर जाण्यापासून वाचवणे सर्वस्वी प्रेक्षकांच्या हातात असणार आहे. प्रेक्षकांची सर्वात कमी मतं मिळालेला स्पर्धक येत्या आठवड्यात कायमचा घराबाहेर जाईल.
इतर स्पर्धकांवर कुरघोडी करत त्यांना मात देणे, वेगवेगळे टास्क जिंकून स्वत:ला सुरक्षित करणे किंवा आपल्या विरोधात खलबत होऊ नये याची काळजी घेणे... 'बिग बॉस'च्या घरात शेवटपर्यंत टिकून राहणे ही एक मोठी कसोटीच असते. त्यात आता 'बिग बॉस' मराठीच्या पहिल्या आठवड्यातील असुरक्षित स्पर्धकांची नावं जाहीर झाली आहेत. त्यामुळे घरातील वातावरण अधिकच तापलंय.
'बिग बॉस'च्या घरात होणाऱ्या या पहिल्याच व्होट आउटसाठी घरातील इतर स्पर्धकांनी ६ जणांना नॉमिनेट केलंय. आपल्या आगळ्यावेगळ्या 'फॅशन'मुळे चर्चेत असणारे अनिल थत्ते, स्पष्टवक्तेपणासाठी प्रसिद्ध असलेल्या उषा नाडकर्णी, विनोदवीर भूषण कडू, 'पप्पी दे पारुला'फेम स्मिता गोंदकर, रात्रीस खेळ चाले' मालिकेतील 'सुसल्या' अर्थात ऋतुजा धर्माधिकारी आणि सर्वांना खळखळून हसवणारी आरती सोळंकी अशी या सहा स्पर्धकांची नावं आहेत.
येत्या आठवड्यात या सहापैकी एका स्पर्धकाला 'बिग बॉस'च्या घराला रामराम करावा लागणार आहे. परंतु, आपल्या लाडक्या कलाकाराला घराबाहेर जाण्यापासून वाचवणे सर्वस्वी प्रेक्षकांच्या हातात असणार आहे. प्रेक्षकांची सर्वात कमी मतं मिळालेला स्पर्धक येत्या आठवड्यात कायमचा घराबाहेर जाईल.