Bigg boss marathi, day 34: 'ही' आहे मांजरेकरांची आवडती स्पर्धक

मुंबई: बिग बॉसच्या घरातील सदस्य ज्या दिवसाची वाट पाहत असतात तो म्हणजे 'विकेंडचा डाव'. या दिवशी सूत्रसंचालक महेश मांजरेकर स्पर्धकांशी बोलतात. आठवड्याभरात बिग बॉसच्या घरात घडलेल्या चांगल्या-वाईट गोष्टींचा आढावा घेतात. कालच्या भागातही मांजरेकरांनी सर्व स्पर्धकांची शाळा घेतली. जे स्पर्धक खिलाडू वृत्तीने खेळत टास्क पूर्ण करतात त्यांचे कौतुकही मांजरेकर करतात.

ऋतुजा धर्माधिकारी ही दोन्ही टास्क चांगल्या प्रकारे खेळली. हाताला दुखापत होऊन देखील ती टास्क खेळत होती, असं म्हणत मांजरेकरांनी तिच्या खिलाडूवृत्तीला दाद दिली व ऋतुजा ही त्यांची आवडती स्पर्धक असल्याचंही त्यांनी सांगितलं.

ऋतुजा ही सर्वात लहान स्पर्धक असून ती बिग बॉसच्या घरात येण्यासाठी योग्य नाही, असं अनेक स्पर्धकांचं म्हणणं होतं. मात्र, मांजरेकर हे नेहमीच ऋतुजाची बाजू घेताना दिसून येतात.