सीझन ४ फुल टू राडा ... बिग बॉस मराठीच्या नव्या प्रोमोनं वाढवली उत्सुकता

मुंबई: वादग्रस्त ठरूनही तितक्याच आवडीनं जे कार्यक्रम पाहिले जातात त्यात बिग बॉसचा समावेश आहे. छोट्या पडद्यावरील लोकप्रिय कार्यक्रमांच्या यादीमध्ये बिग बॉसचं स्थान कायम आघाडीवर असतं. मराठीमध्ये देखील हा कार्यक्रम प्रेक्षक आवडीनं बघतात. आता देखील बिग बॉस मराठीच्या चौथ्या पर्वाची प्रेक्षक आतुरतेनं वाट बघत आहेत.

२०२० मध्येकरोनामुळं 'बिग बॉस मराठी'चा तिसरा सीझन लांबणीवर गेला होता. त्यानंतर आता चौथा सीझन लवकरच प्रेक्षकांच्या भेटीला येत आहे. या चौथ्या सीझनचा टीझर काही दिवसांपूर्वी शेअर करण्यात आला होता. आता या सीझनचा नवीन प्रोमो व्हायरल होत आहे.
भारती सिंगने फोटोग्राफर्सना एअरपोर्टवरच दिली धमकी,म्हणाली माझा मुलगा ...
हा प्रोमो शेअर करताना कलर्स वाहिनीकडू शेअर करताना एक हटके कॅप्शन लिहिण्यात आलं आहे. आता फुल टू धमाल, राडा एंटरटेन्मेंट आणि महेश सरांची शाळा... सीझन ४ फुल टू राडा असणार बॉस! या प्रोमोमुळं प्रेक्षकांमध्ये या नव्या सीझनबद्दल उत्सुकता निर्माण झाली आहे.
इंदर कुमारच्या मृत्यूनंतर त्या व्हिडिओमुळे उडाली होती खळबळ…असं काय होतं त्यात?


मांजरेकरच 'बॉस'
बिग बॉस मराठीचे पहिले तीनही सीझन महेश मांजरेकर यांच्या सूत्रसंचालनामुळे गाजले. पण असं म्हटलं जात होतं की, आता महेश मांजरेकर या नव्या पर्वाचे सूत्रसंचालन करणार नाही आहेत. असंही समोर आले होते वाहिनीकडून नव्या होस्टचा शोध घेतला जात आहे. पण मांजरेकरांनी चौथ्या सीझनचा प्रोमो शेअर केला आणि सर्व प्रश्नांची उत्तरं प्रेक्षकांना मिळाली.

स्पर्धक कोण?
चौथ्या सीझनची घोषणा झाल्यापासून प्रेक्षकांची या कार्यक्रमाबाबतची उत्सुकता शिगेला पोहोचली आहे. आता कार्यक्रमात स्पर्धक म्हणून कोण सहभागी होतात, याची चर्चा सोशल मीडियावर सुरू झाली आहे. तसंच हा कार्यक्रम कधीपासून सुरू होणार याचीही उत्सुकता निर्माण झाली आहे.