मुंबई- मराठी मालिका विश्वात सध्या आनंदाचं वातावरण आहे. करोनामुळे मागील वर्ष वाईट गेलं असलं तरी २०२१ मात्र अनेकांसाठी चांगलं सिद्ध होतंय. मराठी सिनेसृष्टीतून प्रेक्षकांना एकामागून एक आनंदाच्या बातम्या मिळत आहेत. लॉकडाउन उघडल्यानंतर अनेक कलाकारांनी लग्नाचा निर्णय घेतला. अभिज्ञा भावे, सई लोकूर, मिताली मयेकर, सिद्धार्थ चांदेकर व मानसी नाईक यांसारख्या कलाकारांनी त्यांचे लग्नसोहळे उरकून घेतले तर धनश्री काडगावकर, शशांक केतकर व सचिन देशपांडे यासारख्या कलाकारांनी त्यांच्या घरी पाळणा हलल्याच्या सुखद वार्ता प्रेक्षकांना दिल्या. आता या कलाकारांमध्ये अजून एका कलाकाराचा समावेश झाला आहे. झी मराठीवरील 'लाडाची लेक गं' या मालिकेतील मुख्य कलाकार असलेला आरोह वेलणकर बाबा झाला आहे. त्याने सोशल मीडियावर ही बातमी देत आनंद व्यक्त केला आहे.
श्रद्धाने वडिलांकडे मागितलं अनोखं बर्थ डे गिफ्ट; शक्ती कपूर करणार का लेकीची इच्छा पूर्ण?
मराठी चित्रपटसृष्टीवर आपल्या अभिनयाची छाप सोडलेला अभिनेता आरोहला २ मार्च रोजी पुत्ररत्नाची प्राप्ती झाली. इन्स्टाग्राम अकाउंटवर एक पोस्ट शेअर करत त्याने ही आनंदाची बातमी चाहत्यांसोबत शेअर केली. त्याने 'इट्स अ बॉय' असं लिहिलेला एक फोटो पोस्ट केला आणि त्याखाली 'येस्स' असं कॅप्शन देत त्याने त्याच्या भावना व्यक्त केल्या. त्याच्या या फोटोवर चाहत्यांनी शुभेच्छांचा वर्षाव केला. अनेक मराठी कलाकारांनी कमेंट करत त्याचं अभिनंदन केलं आहे. काही दिवसांपूर्वी आरोहने त्याच्या पत्नीसोबत डोहाळे जेवणाचं खास फोटोशूटही केलं होतं. ते फोटो त्याने सोशल मीडियावर शेअर केले होते. त्यात दोघेही अत्यंत सुंदर दिसत होते. हे फोटोदेखील प्रेक्षकांना प्रचंड आवडले होते. आताही सर्व स्तरांतून त्याचं अभिनंदन करण्यात येतंय.
आरोहने 'रेगे' या चित्रपटातून सिनेसृष्टीत पदार्पण केलं. त्यानंतर तो 'हॉस्टेल डेज', 'ते आठ दिवस' आणि 'घंटा' या चित्रपटांमध्ये झळकला होता. तसेच कलर्स मराठीवरील 'बिग बॉस' च्या दुसऱ्या सीजनमध्येही आरोह स्पर्धक म्हणून सहभागी झाला होता. ११ डिसेंबर २०१७ रोजी आरोह लग्नबंधनात अडकला होता.
तापसी पन्नू , अनुराग कश्यपसह अनेक बॉलिवूड सेलिब्रिटींच्या घरावर आयकर विभागाचा छापा
श्रद्धाने वडिलांकडे मागितलं अनोखं बर्थ डे गिफ्ट; शक्ती कपूर करणार का लेकीची इच्छा पूर्ण?
मराठी चित्रपटसृष्टीवर आपल्या अभिनयाची छाप सोडलेला अभिनेता आरोहला २ मार्च रोजी पुत्ररत्नाची प्राप्ती झाली. इन्स्टाग्राम अकाउंटवर एक पोस्ट शेअर करत त्याने ही आनंदाची बातमी चाहत्यांसोबत शेअर केली. त्याने 'इट्स अ बॉय' असं लिहिलेला एक फोटो पोस्ट केला आणि त्याखाली 'येस्स' असं कॅप्शन देत त्याने त्याच्या भावना व्यक्त केल्या. त्याच्या या फोटोवर चाहत्यांनी शुभेच्छांचा वर्षाव केला. अनेक मराठी कलाकारांनी कमेंट करत त्याचं अभिनंदन केलं आहे. काही दिवसांपूर्वी आरोहने त्याच्या पत्नीसोबत डोहाळे जेवणाचं खास फोटोशूटही केलं होतं. ते फोटो त्याने सोशल मीडियावर शेअर केले होते. त्यात दोघेही अत्यंत सुंदर दिसत होते. हे फोटोदेखील प्रेक्षकांना प्रचंड आवडले होते. आताही सर्व स्तरांतून त्याचं अभिनंदन करण्यात येतंय.
आरोहने 'रेगे' या चित्रपटातून सिनेसृष्टीत पदार्पण केलं. त्यानंतर तो 'हॉस्टेल डेज', 'ते आठ दिवस' आणि 'घंटा' या चित्रपटांमध्ये झळकला होता. तसेच कलर्स मराठीवरील 'बिग बॉस' च्या दुसऱ्या सीजनमध्येही आरोह स्पर्धक म्हणून सहभागी झाला होता. ११ डिसेंबर २०१७ रोजी आरोह लग्नबंधनात अडकला होता.
तापसी पन्नू , अनुराग कश्यपसह अनेक बॉलिवूड सेलिब्रिटींच्या घरावर आयकर विभागाचा छापा