मटा ऑनलाइन वृत्त । मुंबई
'याड लागलं याड लागलं' म्हणत जो-तो 'सैराट'नं 'झिंगाट' झाला असतानाच, बॉलिवूडचा 'मिस्टर परफेक्शनिस्ट' आमीर खानही 'सैराट'मय होऊन गेलाय. या सिनेमाचा शेवट पाहून मी अक्षरशः सुन्न झालोय, अशा भावना ट्विटरवरून व्यक्त करत त्यानं सिनेमाला दाद दिली आहे.
तुम्ही अजून 'सैराट' पाहिला नसेल, तर तो आवर्जून पाहा, असं आवाहनही आमीरनं आपल्या चाहत्यांना केलं आहे.
गेले दोन आठवडे नागराज मंजुळेच्या 'सैराट'ची झिंग बॉक्स ऑफिसवर पाहायला मिळतेय. आर्ची आणि परश्याच्या प्रेमकथेतून जातीव्यवस्थेवर भाष्य करण्याचा नागराजचा प्रयत्न 'सुपरहिट' ठरलाय. सोशल मीडियावर 'सैराट'ची हवा असून जो-तो या सिनेमाबद्दल भरभरून बोलतोय. पहिल्या आठवड्यात या सिनेमानं २५ कोटींची कमाई केली होती आणि अजूनही अनेक थिएटरमध्ये 'सैराट' हाऊसफुल्ल गर्दी खेचतोय.
'सैराट'बद्दलची ही चर्चा ऐकून आमीर खाननंही काल रात्री हा सिनेमा पाहिला आणि तो पार हेलावून गेला. आत्ताच सैराट पाहिला आणि सुन्न झालो. शेवटाच्या धक्क्यातून अजून सावरतोय, असं ट्विट आमीरनं केलंय. नागराज मंजुळे, अजय-अतुलसह सगळ्या टीमचं त्यानं अभिनंदन केलं आहे आणि चाहत्यांना 'सैराट' बघण्याचं आवाहनही केलंय.
Just saw Sairat. I'm heartbroken, still recovering from the shock of the end. (1/3) — Aamir Khan (@aamir_khan) May 9, 2016 Congratulations to Nagraj, Ajay-Atul, Rinku Rajguru, Akash Thosar, Tanaji Galgunde, Arbaaz Shaikh, the entire cast and crew & to Zee. (2/3) — Aamir Khan (@aamir_khan) May 9, 2016 Please watch it if you haven't already. (3/3) — Aamir Khan (@aamir_khan) May 9, 2016 आमीरनंही याआधीही अनेक मराठी चित्रपट पाहिलेत आणि त्याला मनापासून दादही दिलीय. अलीकडेच, नव्या रंगरूपात आलेला व्ही शांताराम यांचा 'पिंजरा' हा चित्रपट पाहणार असल्याचं त्यानं ट्विटरवरून सांगितलं होतं. त्यानंतर आता त्यानं 'सैराट'चं कौतुक केलंय. त्याची दाद नागराज आणि टीमसाठी नक्कीच विशेष आहे.
'याड लागलं याड लागलं' म्हणत जो-तो 'सैराट'नं 'झिंगाट' झाला असतानाच, बॉलिवूडचा 'मिस्टर परफेक्शनिस्ट' आमीर खानही 'सैराट'मय होऊन गेलाय. या सिनेमाचा शेवट पाहून मी अक्षरशः सुन्न झालोय, अशा भावना ट्विटरवरून व्यक्त करत त्यानं सिनेमाला दाद दिली आहे.
तुम्ही अजून 'सैराट' पाहिला नसेल, तर तो आवर्जून पाहा, असं आवाहनही आमीरनं आपल्या चाहत्यांना केलं आहे.
गेले दोन आठवडे नागराज मंजुळेच्या 'सैराट'ची झिंग बॉक्स ऑफिसवर पाहायला मिळतेय. आर्ची आणि परश्याच्या प्रेमकथेतून जातीव्यवस्थेवर भाष्य करण्याचा नागराजचा प्रयत्न 'सुपरहिट' ठरलाय. सोशल मीडियावर 'सैराट'ची हवा असून जो-तो या सिनेमाबद्दल भरभरून बोलतोय. पहिल्या आठवड्यात या सिनेमानं २५ कोटींची कमाई केली होती आणि अजूनही अनेक थिएटरमध्ये 'सैराट' हाऊसफुल्ल गर्दी खेचतोय.
'सैराट'बद्दलची ही चर्चा ऐकून आमीर खाननंही काल रात्री हा सिनेमा पाहिला आणि तो पार हेलावून गेला. आत्ताच सैराट पाहिला आणि सुन्न झालो. शेवटाच्या धक्क्यातून अजून सावरतोय, असं ट्विट आमीरनं केलंय. नागराज मंजुळे, अजय-अतुलसह सगळ्या टीमचं त्यानं अभिनंदन केलं आहे आणि चाहत्यांना 'सैराट' बघण्याचं आवाहनही केलंय.
Just saw Sairat. I'm heartbroken, still recovering from the shock of the end. (1/3) — Aamir Khan (@aamir_khan) May 9, 2016 Congratulations to Nagraj, Ajay-Atul, Rinku Rajguru, Akash Thosar, Tanaji Galgunde, Arbaaz Shaikh, the entire cast and crew & to Zee. (2/3) — Aamir Khan (@aamir_khan) May 9, 2016 Please watch it if you haven't already. (3/3) — Aamir Khan (@aamir_khan) May 9, 2016 आमीरनंही याआधीही अनेक मराठी चित्रपट पाहिलेत आणि त्याला मनापासून दादही दिलीय. अलीकडेच, नव्या रंगरूपात आलेला व्ही शांताराम यांचा 'पिंजरा' हा चित्रपट पाहणार असल्याचं त्यानं ट्विटरवरून सांगितलं होतं. त्यानंतर आता त्यानं 'सैराट'चं कौतुक केलंय. त्याची दाद नागराज आणि टीमसाठी नक्कीच विशेष आहे.