कुठलीही मराठी मालिका घ्या, त्यातल्या आजी-आजोबांनी प्रेक्षकांना आपलंसं केलंय. कुणाचा मालवणी ठसका तर कुणाचा खमकेपणा पाहायला लोकांना आवडतो. कुठल्याही तरुण कलाकारांना हेवा वाटेल इतकं त्यांचं फॅन फॉलोइंग आहे. प्रेक्षकांच्या आवडत्या कलाकारांनी त्यांचे काही धमाल किस्से मुंटाशी शेअर केले आहेत…
‘बोक्या’ची हाक!
आमच्या सेटवर नेहमी धमाल वातावरण असतं. सुकन्या मोने आमच्यासाठी घरून जेवण बनवून आणते. ते जेवतानाही जणू मालिकेतलं एखादं दृश्य आहे असं समजून आमची डायलॉगबाजी होत असते. एकदा माझ्या नाटकाचा प्रयोग सुरू होता. मी एंट्री घेतली आणि तेवढ्यात प्रेक्षकांमधून ‘ऐ बोक्या’ असं कुणीतरी जोरात ओरडलं. ते ऐकलं आणि मला हसू फुटलं.
-नयना आपटे,
नानी (चूकभूल द्यावी घ्यावी)
बम्बईया हिंदी
आमच्या मालिकेत मराठीबरोबरच काही हिंदी संवादही असतात. माझं हिंदीवर तेवढं प्रभुत्व नसल्यानं हिंदी संवाद म्हणताना माझी तारांबळ उडते. एकदा असाच एक सीन होता, ज्यात मला एक संपूर्ण वाक्य हिंदीमध्ये बोलायचं होतं. मी आपल्या बम्बईया हिंदीमध्ये ते बोलले. डायलॉग होऊनही दिग्दर्शक ‘कट’ म्हणेना आणि सेटवर शांतता पसरली. पण थोड्याच वेळात संपूर्ण युनिट खो-खो हसायला लागलं. तेव्हा मला कळलं की, आपण काहीतरी चुकीचं बोललोय.
-शुभांगी जोशी,
सावंत आजी (काहे दिया परदेस)
बोलू की नको?
शूटिंगला जाण्यासाठी मालाडहून माझी दररोजची ठरलेली बस असते. त्या बसमधल्या कंडक्टरपासून काही नेहमीचे प्रवासी माझ्या ओळखीचे झालेत. एखादा डायलॉग म्हणा किंवा कोणाची तरी नक्कल करुन दाखवा अशी त्यांची फर्माईश असते. ती मी नेहमीच पूर्ण करतो. एके दिवशी बसमध्ये समोर उभं राहून माझं नकला करणं सुरू होतं. सगळे मस्त हसत होते. पण एक तरुणी मात्र शांतपणे, गंभीर चेहऱ्यानं माझ्याकडे बघत होती. मी तिला विचारलं की, ‘तुला हे आवडलं नाही का?’ त्यावर ती म्हणाली की, ‘नानू मामा, तुम्ही मालिकेतल्या एखाद्या पात्रावर रागावता ना, तसं मला पटकन रागवाल. म्हणून मी विचारात पडले की, बोलू की नाही?’ ते ऐकताच बसमध्ये एकच हशा पिकला.
- सुनिल गोडबोले, नानू मामा
(खुलता कळी खुलेना)
सोशल मीडियावर रमते
अलीकडे मी फेसबुक, इन्स्टाग्रामसारख्या सोशल मीडियावर रमायला लागलेय. सोशल मीडियामुळे कामाची पोचपावती मिळते. महिनाभर मी फेसबुक बंद केलं होतं तर प्रेक्षकांकडून सतत विचारणा होत होती. चांगल्या प्रतिक्रिया मिळतात, तशाच थोड्या तिखट प्रतिक्रियाही मिळतात. यामुळे प्रेक्षक आणि माझ्यात लव्ह-हेट असं नातं तयार झालंय. एक मात्र नक्की की, हे सोशल मीडियामुळे एक नवीन ऊर्जा मिळते.
- नीलकांती पाटेकर, बयो आजी (गोठ)
मेकअपरुममधल्या गप्पा
प्रत्येक सीन सुरू करण्याआधी आम्ही त्याचा सराव करतो. एखादा संवाद कसा व्हायला पाहिजे किंवा तो अधिक चांगल्याप्रकारे कसा खुलवू शकतो यावर चर्चा चालू असते. एकूणच काय, सेटवर अभिनयाची शाळा भरते. तसंच आम्ही काही सहकलाकार मेकअप रुम शेअर करतो. तेव्हा खरी धम्माल असते. एकमेकांच्या नक्कला करणं, मस्करी करणं चालू असतं. यामुळे पुढे काम करायला एक ऊर्जा मिळते.
- अरूण होर्णेकर,
छब्बू काका-(नकुशी)
‘बोक्या’ची हाक!
आमच्या सेटवर नेहमी धमाल वातावरण असतं. सुकन्या मोने आमच्यासाठी घरून जेवण बनवून आणते. ते जेवतानाही जणू मालिकेतलं एखादं दृश्य आहे असं समजून आमची डायलॉगबाजी होत असते. एकदा माझ्या नाटकाचा प्रयोग सुरू होता. मी एंट्री घेतली आणि तेवढ्यात प्रेक्षकांमधून ‘ऐ बोक्या’ असं कुणीतरी जोरात ओरडलं. ते ऐकलं आणि मला हसू फुटलं.
-नयना आपटे,
नानी (चूकभूल द्यावी घ्यावी)
बम्बईया हिंदी
आमच्या मालिकेत मराठीबरोबरच काही हिंदी संवादही असतात. माझं हिंदीवर तेवढं प्रभुत्व नसल्यानं हिंदी संवाद म्हणताना माझी तारांबळ उडते. एकदा असाच एक सीन होता, ज्यात मला एक संपूर्ण वाक्य हिंदीमध्ये बोलायचं होतं. मी आपल्या बम्बईया हिंदीमध्ये ते बोलले. डायलॉग होऊनही दिग्दर्शक ‘कट’ म्हणेना आणि सेटवर शांतता पसरली. पण थोड्याच वेळात संपूर्ण युनिट खो-खो हसायला लागलं. तेव्हा मला कळलं की, आपण काहीतरी चुकीचं बोललोय.
-शुभांगी जोशी,
सावंत आजी (काहे दिया परदेस)
बोलू की नको?
शूटिंगला जाण्यासाठी मालाडहून माझी दररोजची ठरलेली बस असते. त्या बसमधल्या कंडक्टरपासून काही नेहमीचे प्रवासी माझ्या ओळखीचे झालेत. एखादा डायलॉग म्हणा किंवा कोणाची तरी नक्कल करुन दाखवा अशी त्यांची फर्माईश असते. ती मी नेहमीच पूर्ण करतो. एके दिवशी बसमध्ये समोर उभं राहून माझं नकला करणं सुरू होतं. सगळे मस्त हसत होते. पण एक तरुणी मात्र शांतपणे, गंभीर चेहऱ्यानं माझ्याकडे बघत होती. मी तिला विचारलं की, ‘तुला हे आवडलं नाही का?’ त्यावर ती म्हणाली की, ‘नानू मामा, तुम्ही मालिकेतल्या एखाद्या पात्रावर रागावता ना, तसं मला पटकन रागवाल. म्हणून मी विचारात पडले की, बोलू की नाही?’ ते ऐकताच बसमध्ये एकच हशा पिकला.
- सुनिल गोडबोले, नानू मामा
(खुलता कळी खुलेना)
सोशल मीडियावर रमते
अलीकडे मी फेसबुक, इन्स्टाग्रामसारख्या सोशल मीडियावर रमायला लागलेय. सोशल मीडियामुळे कामाची पोचपावती मिळते. महिनाभर मी फेसबुक बंद केलं होतं तर प्रेक्षकांकडून सतत विचारणा होत होती. चांगल्या प्रतिक्रिया मिळतात, तशाच थोड्या तिखट प्रतिक्रियाही मिळतात. यामुळे प्रेक्षक आणि माझ्यात लव्ह-हेट असं नातं तयार झालंय. एक मात्र नक्की की, हे सोशल मीडियामुळे एक नवीन ऊर्जा मिळते.
- नीलकांती पाटेकर, बयो आजी (गोठ)
मेकअपरुममधल्या गप्पा
प्रत्येक सीन सुरू करण्याआधी आम्ही त्याचा सराव करतो. एखादा संवाद कसा व्हायला पाहिजे किंवा तो अधिक चांगल्याप्रकारे कसा खुलवू शकतो यावर चर्चा चालू असते. एकूणच काय, सेटवर अभिनयाची शाळा भरते. तसंच आम्ही काही सहकलाकार मेकअप रुम शेअर करतो. तेव्हा खरी धम्माल असते. एकमेकांच्या नक्कला करणं, मस्करी करणं चालू असतं. यामुळे पुढे काम करायला एक ऊर्जा मिळते.
- अरूण होर्णेकर,
छब्बू काका-(नकुशी)