कल्पेशराज कुबल
बॉलिवूड स्टार आणि रंगभूमीवर मनापासून प्रेम करणारा अभिनेता शर्मन जोशी मराठी नाट्यवर्तुळात प्रवेश करतोय. सुप्रसिद्ध नाट्यलेखक-दिग्दर्शक केदार शिंदे नवं मराठी नाटक घेऊन येत असून, त्याची निर्मिती शर्मन करणार आहे. ‘वाजले की बारा’ असं या नवीन नाटकाचं नाव आहे. ‘द प्ले दॅट गोज राँग’ या लंडन-अमेरिकेत गाजलेल्या नाटकाचा हा अधिकृत रिमेक असल्याचं शर्मननं ‘पुणे टाइम्स’ला सांगितलं. केदार शिंदे दिग्दर्शित हे नाटक जुलै-ऑगस्टदरम्यान प्रेक्षकांच्या भेटीस येणार आहे.
या नाटकाच्या कास्टिंगचं काम सध्या सुरू आहे. यापूर्वी केदार-शर्मन या जोडीनं भारतामध्ये गुजराती आणि इंग्रजी भाषेत हे नाटक सादर करण्याची यशस्वी कामगिरी करून दाखवली आहे. शर्मनची ही पहिलीच मराठी नाट्यनिर्मिती आहे. ‘तू तू मी मी’, ‘सही रे सही’, ‘लोचा झाला रे’, ‘श्रीमंत दामोदर पंत’, ‘गेला उडत’ यांसारखी दर्जेदार नाटकं दिल्यानंतर केदारनं हिंदी आणि गुजराती नाटकांकडे मोर्चा वळवला होता. ‘वाजले कि बारा’च्या निमित्तानं केदार शिंदे तीन वर्षांनंतर पुन्हा एकदा मराठी रंगभूमीकडे परतला आहे.
‘गेल्या वर्षभरापासून शर्मनला मराठीत नाटक करायचं होतं. मी जेव्हा ‘द प्ले दॅट गोज राँग’ मराठीत आणायचं ठरवलं, तेव्हा त्यानं स्वतःहून याची निर्मिती करायचा निर्णय घेतला. त्याला नाटकाविषयी खूप प्रेम आहे. ब्रॉडवेच्या धर्तीवरचं नाटक मराठी प्रेक्षकांसमोर यावं म्हणून तो उत्सुक आहे. मराठी प्रेक्षक हा नाटकवेडा आहे हे त्याला माहीत आहे. ब्रॉडवेचं नाटक मराठीत करताना मी त्यात काहीही मराठीकरण केलेलं नाही. त्याचा आत्मा हा ब्रॉडवेचा आहे, केवळ बोलीभाषा मराठी आहे,’ असं केदारनं सांगितलं.
माझे वडील अरविंद जोशी, काका प्रवीण जोशी यांनी रंगभूमीवर जे काम करून ठेवलंय, त्यातूनच मला या क्षेत्रात येण्याची प्रेरणा मिळाली. नाटक, रंगभूमीची एक वेगळीच जादू आहे. केदारच्या अनेक मराठी नाटकांची प्रोसेस मी ऐकली आहे. रंगमंच कामगारांची मेहनत, त्यांचं वेळेचं नियोजन याविषयी खूप कुतूहल होतं. मराठी नाट्यनिर्मिती करत असताना हे सर्व अनुभवायला मिळेल. मराठी नाट्यरसिकांचं प्रेम मला हवंय.
- शर्मन जोशी, अभिनेता
बॉलिवूड स्टार आणि रंगभूमीवर मनापासून प्रेम करणारा अभिनेता शर्मन जोशी मराठी नाट्यवर्तुळात प्रवेश करतोय. सुप्रसिद्ध नाट्यलेखक-दिग्दर्शक केदार शिंदे नवं मराठी नाटक घेऊन येत असून, त्याची निर्मिती शर्मन करणार आहे. ‘वाजले की बारा’ असं या नवीन नाटकाचं नाव आहे. ‘द प्ले दॅट गोज राँग’ या लंडन-अमेरिकेत गाजलेल्या नाटकाचा हा अधिकृत रिमेक असल्याचं शर्मननं ‘पुणे टाइम्स’ला सांगितलं. केदार शिंदे दिग्दर्शित हे नाटक जुलै-ऑगस्टदरम्यान प्रेक्षकांच्या भेटीस येणार आहे.
या नाटकाच्या कास्टिंगचं काम सध्या सुरू आहे. यापूर्वी केदार-शर्मन या जोडीनं भारतामध्ये गुजराती आणि इंग्रजी भाषेत हे नाटक सादर करण्याची यशस्वी कामगिरी करून दाखवली आहे. शर्मनची ही पहिलीच मराठी नाट्यनिर्मिती आहे. ‘तू तू मी मी’, ‘सही रे सही’, ‘लोचा झाला रे’, ‘श्रीमंत दामोदर पंत’, ‘गेला उडत’ यांसारखी दर्जेदार नाटकं दिल्यानंतर केदारनं हिंदी आणि गुजराती नाटकांकडे मोर्चा वळवला होता. ‘वाजले कि बारा’च्या निमित्तानं केदार शिंदे तीन वर्षांनंतर पुन्हा एकदा मराठी रंगभूमीकडे परतला आहे.
‘गेल्या वर्षभरापासून शर्मनला मराठीत नाटक करायचं होतं. मी जेव्हा ‘द प्ले दॅट गोज राँग’ मराठीत आणायचं ठरवलं, तेव्हा त्यानं स्वतःहून याची निर्मिती करायचा निर्णय घेतला. त्याला नाटकाविषयी खूप प्रेम आहे. ब्रॉडवेच्या धर्तीवरचं नाटक मराठी प्रेक्षकांसमोर यावं म्हणून तो उत्सुक आहे. मराठी प्रेक्षक हा नाटकवेडा आहे हे त्याला माहीत आहे. ब्रॉडवेचं नाटक मराठीत करताना मी त्यात काहीही मराठीकरण केलेलं नाही. त्याचा आत्मा हा ब्रॉडवेचा आहे, केवळ बोलीभाषा मराठी आहे,’ असं केदारनं सांगितलं.
माझे वडील अरविंद जोशी, काका प्रवीण जोशी यांनी रंगभूमीवर जे काम करून ठेवलंय, त्यातूनच मला या क्षेत्रात येण्याची प्रेरणा मिळाली. नाटक, रंगभूमीची एक वेगळीच जादू आहे. केदारच्या अनेक मराठी नाटकांची प्रोसेस मी ऐकली आहे. रंगमंच कामगारांची मेहनत, त्यांचं वेळेचं नियोजन याविषयी खूप कुतूहल होतं. मराठी नाट्यनिर्मिती करत असताना हे सर्व अनुभवायला मिळेल. मराठी नाट्यरसिकांचं प्रेम मला हवंय.
- शर्मन जोशी, अभिनेता