अमिषा पटेलला दिला पॉर्नस्टार होण्याचा सल्ला

सोशल मीडियावर सेलिब्रिटींना 'ट्रोल' करण्याचा जणू ट्रेंडच सुरू झालाय. फातिमा सना शेख, प्रियंका चोप्रा, बिपाशा बासू यांच्यानंतर आता ट्रोलर्सनी आपला मोर्चा अभिनेत्री अमिषा पटेलकडे वळवलाय. अमिषानं इन्स्टाग्रामवर आणि ट्विटर अकाऊंटवर शेअर केलेल्या एका बोल्ड फोटोमुळं तिला ट्रोलर्सचा सामना करावा लागतोय. ट्विटर आणि इन्स्टा युजर्सनी अमिषाच्या फोटोवर आक्षेपार्ह आणि अश्लील प्रतिकिया तर दिल्या आहेतच पण, एका युजरनं तिला पॉर्नस्टार होण्याचा सल्ला दिलाय.

अमिषानं काळ्या ड्रेसमधील एक फोटो शेअर केला. काही नेटीझन्संना तिचा हा फोटो आवडला नसून त्यांनी तोकड्या कपड्यातील अंगप्रदर्शन फारचं ओंगळवाणं असल्याची टीका केली आहे. पण अमिषाच्या चाहत्यांनी मात्र ट्रोलर्सकडं दुर्लक्ष करत तिच्या फोटोचं कौतुक केलं आहे.

Have a lovely day tweethearts ❤️❤️💙💙 pic.twitter.com/Gcqe3smdxY — ameesha patel (@ameesha_patel) January 9, 2018 'कहो ना प्यार है' चित्रपटातून बॉलिवूडमध्ये पदार्पण करणारी अमिषा २०१३ मध्ये 'शॉर्टकट रोमियो’ या चित्रपटात दिसली होती. त्यानंतर ती मोठ्या पडद्यावर दिसली नाही. त्यामुळं बॉलिवूडच्या पेज थ्री पार्टीज आणि सोशल मीडियाच्या माध्यमातून ती चर्चेत राहण्याचा प्रयत्न करत असते. काही दिवसांपूर्वीच आमिषा याच कारणामुळं ट्रोल झाली होती तेव्हा नेटीझन्सनी 'तू' आता तू म्हातारी झाली आहेस त्यामुळं असे फोटो टाकून इतर अभिनेत्रींची कॉपी करणं बंद कर' असे उपदेशाचे डोसही पाजले होते.