मुंबई: पाकिस्तानचं नागरिकत्व असताना २००३ मध्ये मुंबईत फ्लॅट्स आणि पार्किंग स्पेस खरेदी केल्याबद्दल गायक अदनान सामीला ५० लाख रुपयांचा दंड ठोठावण्यात आला आहे.
ईडीने याप्रकरणी याआधी केलेली कारवाई लक्षात घेता एका अर्थाने अदनान सामीला आता काहीसा दिलासाच मिळाला आहे. अदनान सामीचे मुंबईत ८ फ्लॅट्स आहेत व त्याने ५ पार्किंग स्पेस खरेदी केलेल्या आहेत. ईडीने या सर्व मालमत्तांवर जप्ती आणताना २० लाख रुपयांचा दंडही ठोठावला होता. ईडीचा हा आदेश लवादाने रद्द केला असून दंडाची रक्कम मात्र २० लाखांवरून ५० लाख रुपये केली आहे. त्यामुळे अदनानची मालमत्ता जप्तीच्या कारवाईतून मुक्त झाली आहे.
दरम्यान, २००३ मध्ये भारतीय नागरिकत्व नसताना अदनान सामीने मुंबईत ८ फ्लॅट्स व ५ पार्किंग स्पेस खरेदी केल्या होत्या. तो तेव्हा पाकिस्तानचा नागरिक होता. तेव्हा भारतात अशी मालमत्ता खरेदी करण्यापूर्वी आरबीआयला माहिती देण्याची गरज होती. मात्र, त्याने ती प्रक्रिया पूर्ण केली नव्हती. त्यामुळेच अदनान गोत्यात आला होता. याप्रकरणी फॉरेन एक्स्चेंज मैनेजमेंट अॅक्ट (फेमा) अंतर्गत कारवाई करत ईडीने २०१० मध्ये त्याला २० लाखांचा दंड ठोठावताना त्याची मालमत्ताही जप्त केली होती. या कारवाईला अदनानने लवादापुढे आव्हान दिले होते.
ईडीने याप्रकरणी याआधी केलेली कारवाई लक्षात घेता एका अर्थाने अदनान सामीला आता काहीसा दिलासाच मिळाला आहे. अदनान सामीचे मुंबईत ८ फ्लॅट्स आहेत व त्याने ५ पार्किंग स्पेस खरेदी केलेल्या आहेत. ईडीने या सर्व मालमत्तांवर जप्ती आणताना २० लाख रुपयांचा दंडही ठोठावला होता. ईडीचा हा आदेश लवादाने रद्द केला असून दंडाची रक्कम मात्र २० लाखांवरून ५० लाख रुपये केली आहे. त्यामुळे अदनानची मालमत्ता जप्तीच्या कारवाईतून मुक्त झाली आहे.
दरम्यान, २००३ मध्ये भारतीय नागरिकत्व नसताना अदनान सामीने मुंबईत ८ फ्लॅट्स व ५ पार्किंग स्पेस खरेदी केल्या होत्या. तो तेव्हा पाकिस्तानचा नागरिक होता. तेव्हा भारतात अशी मालमत्ता खरेदी करण्यापूर्वी आरबीआयला माहिती देण्याची गरज होती. मात्र, त्याने ती प्रक्रिया पूर्ण केली नव्हती. त्यामुळेच अदनान गोत्यात आला होता. याप्रकरणी फॉरेन एक्स्चेंज मैनेजमेंट अॅक्ट (फेमा) अंतर्गत कारवाई करत ईडीने २०१० मध्ये त्याला २० लाखांचा दंड ठोठावताना त्याची मालमत्ताही जप्त केली होती. या कारवाईला अदनानने लवादापुढे आव्हान दिले होते.