aishwarya rai bachchan: प्रेग्नन्सीच्या चर्चेबद्दल ऐश्वर्या म्हणते...

मुंबई:

अभिनेत्री ऐश्वर्या राय-बच्चन पुन्हा एकदा प्रेग्नंट असल्याची चर्चा तिच्या एका व्हायरल झालेल्या फोटोमुळे रंगली आहे. परंतु, या सगळ्या अफवा असल्याचे स्पष्टीकरण ऐश्वर्याच्या प्रवक्त्यानं दिलं आहे.

ऐश्वर्या आणि अभिषेक सध्या सुट्टीसाठी गोवाला गेले आहेत. तिथल्या बीचवर हे दोघं फिरत असताना त्यांचा एक फोटो व्हायरल झाला. या फोटोत ऐश्वर्याचा 'बेबी बम्प' दिसत आहे, त्यामुळे ती प्रेग्नंट असल्याच्या चर्चांना उधाण आलं. मात्र, ऐश्वर्याच्या प्रवक्तानं दिलेल्या माहितीनुसार, 'ऐश्वर्या प्रेग्नंट असल्याच्या चर्चांमध्ये काहीही तथ्य नाही. तिचा हा फोटो चुकीच्या अँगलनं क्लिक केल्यामुळे तिचं पोट बाहेर आल्यासारखं दिसतं आहे. परंतु, ती दुसऱ्यांदा प्रेग्नंट नाही.'

ऐश्वर्या आणि अभिषेक यांनी २००७ साली विवाहगाठ बांधली. २०११ मध्ये ऐश्वर्यानं मुलीला आराध्याला जन्म दिला.