मुंबई: गेल्या काही दिवसांपासून अभिनेता अक्षय कुमारचा आगामी चित्रपट 'लक्ष्मी बॉम्ब' जोरदार चर्चेत आहे. नवरात्रीचं निमित्त साधत अभिनेता अक्षय कुमारनं चित्रपटातील एक फोटो फॅन्ससोबत शेअर केला आहे. दुर्गेच्या मूर्तीपुढे अक्षय लालभडक साडी आणि ठसठशीत कुंकू लावून उभा आहे.
अक्षय कुमारनं त्याच्या ट्विटर अकाऊंटच्या माध्यमातून हा फोटो शेअर केला आहे. त्यानं लिहिलंय, 'नवरात्र म्हणजे तुमच्या आतल्या देवीला नमन करण्याचा आणि तुमच्यातील असीम शक्ती साजरी करण्याचा उत्सव...याच मंगलमय मुहूर्तावर 'लक्ष्मी बॉम्ब' या माझ्या आगामी चित्रपटातील माझा लुक शेअर करत आहे. या पात्रासाठी मी उत्साही पण आहे आणि नर्व्हस पण...परंतु, ज्या क्षणी तुम्ही तुमच्या आयुष्यातील कम्फर्ट झोन मोडता त्याच क्षणी तुमचं खरं आयुष्य सुरू होतं. नाही का? असं म्हणत त्यानं फोटो सोशल मीडियावर पोस्ट केला आहे. लाल रंगाची साडी, हातात बांगड्या आणि कपाळावर ठसठशीत कुंकू असा अक्षयचा हटके लुक पाहून चाहत्यांकडून त्याच्या कौतुकाला सुरुवात झाली आहे. आपल्या लाडक्या अभिनेत्याला अशा वेगळ्या अवतारात पाहणे अनेकांसाठी सुखद धक्का होता.
'लक्ष्मी बॉम्ब' या चित्रपटाचे दिग्दर्शन दाक्षिणात्य दिग्दर्शक राघव लॉरेन्स यांनी केले आहे. या चित्रपटाचे शूटिंग एप्रिल महिन्यातच सुरु झाले आहे. या चित्रपटात अक्षय कुमार आणि कियारा अडवाणी प्रमुख भूमिकेत दिसणार आहेत. हा चित्रपट तमिळ कॉमेडी भयपट ‘कंचना’चा रिमेक आहे. या चित्रपटात अक्षयच्या अंगात भूत शिरणार असल्याचे दाखवण्यात येणार आहे. ‘मुंबई मिरर’च्या वृत्तानुसार, या चित्रपटात खलनायकाच्या भूमिकेत अभिनेता तरुण अरोरा दिसणार आहे. तरुणने २००७ साली प्रदर्शित झालेल्या ‘जब वी मेट’ या चित्रपटात काम केले होते. या चित्रपटात त्याने करीनाच्या बॉयफ्रेंडची भूमिका साकारली होती.
'लक्ष्मी बॉम्ब' पुढच्या वर्षी ५ जूनला प्रदर्शित होणार आहे. सध्या अक्षय कुमार रोहित शेट्टी दिग्दर्शित 'सूर्यवंशी' च्या चित्रीकरणात आणि 'हाउसफुल ४' च्या प्रमोशनमध्ये व्यग्र आहे.
अक्षय कुमारनं त्याच्या ट्विटर अकाऊंटच्या माध्यमातून हा फोटो शेअर केला आहे. त्यानं लिहिलंय, 'नवरात्र म्हणजे तुमच्या आतल्या देवीला नमन करण्याचा आणि तुमच्यातील असीम शक्ती साजरी करण्याचा उत्सव...याच मंगलमय मुहूर्तावर 'लक्ष्मी बॉम्ब' या माझ्या आगामी चित्रपटातील माझा लुक शेअर करत आहे. या पात्रासाठी मी उत्साही पण आहे आणि नर्व्हस पण...परंतु, ज्या क्षणी तुम्ही तुमच्या आयुष्यातील कम्फर्ट झोन मोडता त्याच क्षणी तुमचं खरं आयुष्य सुरू होतं. नाही का? असं म्हणत त्यानं फोटो सोशल मीडियावर पोस्ट केला आहे. लाल रंगाची साडी, हातात बांगड्या आणि कपाळावर ठसठशीत कुंकू असा अक्षयचा हटके लुक पाहून चाहत्यांकडून त्याच्या कौतुकाला सुरुवात झाली आहे. आपल्या लाडक्या अभिनेत्याला अशा वेगळ्या अवतारात पाहणे अनेकांसाठी सुखद धक्का होता.
'लक्ष्मी बॉम्ब' या चित्रपटाचे दिग्दर्शन दाक्षिणात्य दिग्दर्शक राघव लॉरेन्स यांनी केले आहे. या चित्रपटाचे शूटिंग एप्रिल महिन्यातच सुरु झाले आहे. या चित्रपटात अक्षय कुमार आणि कियारा अडवाणी प्रमुख भूमिकेत दिसणार आहेत. हा चित्रपट तमिळ कॉमेडी भयपट ‘कंचना’चा रिमेक आहे. या चित्रपटात अक्षयच्या अंगात भूत शिरणार असल्याचे दाखवण्यात येणार आहे. ‘मुंबई मिरर’च्या वृत्तानुसार, या चित्रपटात खलनायकाच्या भूमिकेत अभिनेता तरुण अरोरा दिसणार आहे. तरुणने २००७ साली प्रदर्शित झालेल्या ‘जब वी मेट’ या चित्रपटात काम केले होते. या चित्रपटात त्याने करीनाच्या बॉयफ्रेंडची भूमिका साकारली होती.
'लक्ष्मी बॉम्ब' पुढच्या वर्षी ५ जूनला प्रदर्शित होणार आहे. सध्या अक्षय कुमार रोहित शेट्टी दिग्दर्शित 'सूर्यवंशी' च्या चित्रीकरणात आणि 'हाउसफुल ४' च्या प्रमोशनमध्ये व्यग्र आहे.