मुंबई:
बॉलिवूडमध्ये अक्षय कुमार आणि स्टंट्स हे जणू समीकरणच झालंय. अक्षयला मोठ्या पडद्यावर स्टंट करताना पाहून प्रेक्षक नेहमीच अवाक् होतात त्यात आता या खिलाडी कुमारनं चक्क आगीशी खेळ करत एका कार्यक्रमात एन्ट्री घेतली आणि उपस्थित सगळ्यांना आश्चर्याचा धक्का दिला.
अभिनेता अक्षय कुमार अॅमेझॉन प्राइमद्वारे डिजीटल विश्वात पदार्पण करत आहे. अॅमेझॉन प्राइम ओरिजीनलच्या 'द एंड' या सीरिजद्वारे तो प्रेक्षकांच्या भेटीला येणार आहे. या सीरिजचे प्रमोशन करण्यासाठी अक्षय एका कार्यक्रमात पोहोचला. या कार्यक्रमात स्टेजवर एन्ट्री करताना अक्षय चक्क कपड्यांना आग लावून आला. इतकेच नव्हे, तर त्यानं चक्क रॅम्प वॉकही केला. अक्षयचा हा 'जलवा' पाहून कार्यक्रमाला उपस्थित त्याचे चाहते थक्क झाले. 'ही तर केवळ सुरुवात आहे...पुढे तर अजून बरचं काही पाहायला मिळणार आहे' असं म्हणत त्यानं आपल्या 'द एंड' या सीरिजबद्दल माहिती आणि फोटो सोशल मीडियावर शेअर केले.
अक्षयच्या या स्टंटनं त्याच्या चाहत्यांनाप्रमाणे त्याची पत्नी ट्विंकल खन्नादेखील अचंबित झाली आहे. बॉलिवूडच्या 'मिस फनीबोन्स'नं लगेच याबाबत ट्विट करत अक्षयला कानपिचक्या दिल्या. 'तू बाहेर असे काही जीवघेणे स्टंट्स करत आहेस हे मला फोटो पाहून समजतंय. जर या सगळ्या प्रकारातून तू सुखरुपणे आज घरी आलास तर मी मात्र तुझा जीव घेतल्याशिवाय राहणार नाही हे नक्की आहे. देवा माझी मदत कर रे!' असं ट्विट तिनं केलं आहे.
बॉलिवूडमध्ये अक्षय कुमार आणि स्टंट्स हे जणू समीकरणच झालंय. अक्षयला मोठ्या पडद्यावर स्टंट करताना पाहून प्रेक्षक नेहमीच अवाक् होतात त्यात आता या खिलाडी कुमारनं चक्क आगीशी खेळ करत एका कार्यक्रमात एन्ट्री घेतली आणि उपस्थित सगळ्यांना आश्चर्याचा धक्का दिला.
अभिनेता अक्षय कुमार अॅमेझॉन प्राइमद्वारे डिजीटल विश्वात पदार्पण करत आहे. अॅमेझॉन प्राइम ओरिजीनलच्या 'द एंड' या सीरिजद्वारे तो प्रेक्षकांच्या भेटीला येणार आहे. या सीरिजचे प्रमोशन करण्यासाठी अक्षय एका कार्यक्रमात पोहोचला. या कार्यक्रमात स्टेजवर एन्ट्री करताना अक्षय चक्क कपड्यांना आग लावून आला. इतकेच नव्हे, तर त्यानं चक्क रॅम्प वॉकही केला. अक्षयचा हा 'जलवा' पाहून कार्यक्रमाला उपस्थित त्याचे चाहते थक्क झाले. 'ही तर केवळ सुरुवात आहे...पुढे तर अजून बरचं काही पाहायला मिळणार आहे' असं म्हणत त्यानं आपल्या 'द एंड' या सीरिजबद्दल माहिती आणि फोटो सोशल मीडियावर शेअर केले.