alia bhatt: अभिनेत्री आलिया भट्ट बनली निर्माती

मुंबई:

अभिनेत्री आलिया भट्ट सध्या एकापाठोपाठ एक हिट चित्रपट देते आहे. चित्रपटात अभिनय करण्याशिवाय ती आता निर्मिती क्षेत्रात पदार्पण करणार आहे. आलियानं स्वत:ची 'इटर्नल सनशाइन प्रॉडक्शन्स' नावाची निर्मिती संस्था सुरू केली आहे.

आपल्या अभियाने आणि हास्यानं चाहत्यांना भूरळ पाडणारी आलिया एका मुलाखती दरम्यान तिच्या प्रॉडक्शन हाऊसबद्दल सांगत होती. 'होय, मी स्वत:च प्रॉडक्शन हाऊस सुरू केलंय. मी माझ्या ऑफिससाठी जागादेखील विकत घेतली आहे. मला आवडणारी प्रत्येक गोष्ट माझ्या ऑफिससाठी मी तयार करून घेतली आहे. मला जे चित्रपट प्रेक्षक म्हणून पाहायला आवडतील केवळ अशा चित्रपटांची निर्मिती मी करण्याचं ठरवलं आहे.' असं आलियानं सांगितलं.

सध्या आलिया तिच्या आगामी 'ब्रह्मास्त्र' आणि 'कलंक' चित्रपटांच्या चित्रिकरणात व्यग्र आहे.