उत्कृष्ट अभिनय आणि स्मित हास्यानं प्रेक्षकांच्या मनात स्थान निर्माण करणाऱ्या अभिनेत्री गिरीजा ओकचा आज वाढदिवस आहे. यानिमित्तानं तिची मैत्रीण आणि सहकलाकार अभिनेत्री उर्मिला कानेटकरनं तिच्या काही खास गोष्टी 'मुंटा'ला सांगितल्या.
००००
तुम्हा दोघींची पहिल्यांदा भेट कधी आणि कशी झाली?
पहिली भेट आठवत नाही, पण आमची मैत्री एकापेक्षा एकच्या सेटवर झाली होती.
गिरीजाला तू कोणत्या नावानं हाक मारतेस?
गिगी
गिरीजाची एखादी चांगली सवय कोणती?
ती हसतमुख आहे.
तिला काय सल्ला देशील?
सल्ला असा काही नाही. ती सर्वगुणसंपन्न आहे. तिच्याकडून शिकण्यासारखं खूप आहे.
गिरीजाची तुला खटकणारी एखादी गोष्ट कोणती?
ती तिचे प्रॉब्लेम्स कधीच बोलून दाखवत नाही. तिनं ते शेअर करावेत, असं मला वाटतं.
गिरीजाच्या स्वभावातील कोणती गोष्ट तिला तशीच कायम ठेवायला सांगशील?
गिरीजामध्ये प्रचंड एनर्जी आहे. ती सतत कोणत्या ना कोणत्या कामात व्यग्र असते. एका वेळेस अनेक कामं करण्याची कला तिच्याकडे आहे. ही सवय तिनं कायम ठेवावी.
गिरीजा आणि तुझ्यात काय साम्य आहे?
आम्ही दोघी शांत स्वभावाच्या आहोत. एकमेकींना आम्ही बरीच स्पेस देतो.
तुम्ही भेटल्यावर कोणत्या विषयावर गप्पा मारता?
सध्या तरी आम्ही मुलांचं संगोपन या विषयावर गप्पा मारतो. त्यांच्या सवयी, कसं वाढवायचं? अशा सगळ्या विषयांवर चर्चा होतात.
तुझा गिरीजासोबतचा एक खास किस्सा किंवा आठवण कोणती?
गिरीजानं माझ्यासाठी खूप वर्षांपूर्वी काही ड्रेस मटेरियल घेतले होते. त्या सगळ्यांच्या मी प्रेमात पडले होते. तिचा फॅशन सेन्स खूप छान आहे. तिनं फॅशन डिझायनिंग सुरू करावं असं मला वाटतं.
शब्दांकन- देविका जोशी, एसएनडीटी