ऐश्वर्याच्या 'बोल्ड सीन'मुळे अमिताभ नाराज?

मटा ऑनलाइन वृत्त । मुंबई

बच्चन परिवारातील सून अभिनेत्री ऐश्वर्या राय बच्चनने रणबीर कपूरसोबत दिलेल्या 'बोल्ड सीन'मुळे अमिताभ बच्चन नाराज झाल्याचे वृत्त एका मॅगझीनने दिले आहे. 'ऐ दिल है मुश्कील' या करण जोहरच्या आगामी चित्रपटात ऐश्वर्या-रणबीरची नवी जोडी दिसणार आहे.

'ऐ दिल है मुश्कील'मध्ये ऐश्वर्याने रणबीरसोबत बोल्ड सीन दिला आहे. चित्रपटात बोल्ड सीन दिल्याने ऐश्वर्यावर बच्चन परिवार नाराज झाला असून चित्रपटातील या सीनचे एडिट करण्यासाठी अमिताभ बच्चन यांनी थेट करण जोहरसोबत चर्चा केल्याचे मॅगझीनच्या वृत्तात म्हटले आहे. दरम्यान, काही वेबसाईटच्या सूत्रांकडून मिळालेल्या माहितीनुसार, हे वृत्त निराधार असून अमिताभ बच्चन हे ऐश्वर्याच्या कामात कधीच दखल देत नाहीत. त्यामुळे नाराज होण्याचा प्रश्नच येत नाही, असे म्हटले आहे.

आई झाल्यानंतर ऐश्वर्याने 'जज्बा' या चित्रपटातून बॉलिवूडमध्ये पुनरागमन केले होते. त्यानंतर 'सरबजीत'मध्येही ऐश्वर्या दिसली होती. करण जोहरच्या 'ऐ दिल है मुश्कील'मधील बोल्ड सीनमुळे ती पुन्हा एकदा चर्चेत आली आहे.