अमिताभ यांनी केलं संपत्तीचं जाहीर वाटप

मटा ऑनलाइन वृत्त । मुंबई

हिंदी चित्रपटसृष्टीतील महानायक अमिताभ बच्चन यांनी आपल्या लाखोंच्या संपत्तीचं वाटप करून टाकलं आहे. 'माझ्यानंतर माझी जी काही संपत्ती असेल, ती माझा मुलगा अभिषेक आणि मुलगी श्वेता यांच्यात समसमान वाटली जाईल,' असं अमिताभ यांनी जाहीर केलं आहे.

अमिताभ यांनी या संदर्भात एक ट्विटच केलं आहे. ट्विटसोबत त्यांनी एक फोटोही शेअर केला आहे. त्या फोटोमध्ये अमिताभ एक फलक हातात घेऊन उभे आहेत. #weareequal व #genderequality हे हॅशटॅग वापरून त्यांनी या फलकावर लिहिलं आहे की, 'माझ्या मृत्यूनंतर माझ्यामागे जी काही संपत्ती असेल, ती माझा मुलगा आणि मुलगी यांना समसमान मिळेल.'
T 2449 - #WeAreEqual .. and #genderequality ... the picture says it all !! pic.twitter.com/QSAsmVx0Jt — Amitabh Bachchan (@SrBachchan) March 1, 2017 मुलगा आणि मुलगी असा भेद मी मानत नाही, हेच अमिताभ यांनी या निर्णयातून दाखवून दिलं आहे. अमिताभ यांच्या या ट्विटमुळं लिंगभेदाच्या मुद्द्यावर पुन्हा एकदा सकारात्मक चर्चेला तोंड फुटेल आणि मुलगा-मुलगी हा भेद कमी होण्यास मदत होईल, अशी आशा आहे.