मटा ऑनलाइन वृत्त । मुंबई
'सैराट'च्या प्रचंड यशानंतर आता दिग्दर्शक नागराज मंजुळे बॉलिवूडमध्ये पदार्पण करणार आहे. नागराजच्या नव्या हिंदी सिनेमात दस्तुरखुद्द बॉलिवूडचे शहेनशहा अमिताभ बच्चन भूमिका साकारणार आहेत. विशेष म्हणजे या सिनेमात 'बिग बी' खलनायक साकारणार असल्याने या सिनेमाबद्दल प्रचंड उत्सुकता आहे.
'सैराट'नंतर नागराज पुन्हा एकदा एखादा हटके मराठी सिनेमा बनवतील, असा सगळ्यांचाच कयास होता. पण बॉलिवूडमध्ये पदार्पण करणार असल्याचं सांगत त्यांनी सर्वांनाच सुखद धक्का दिला. अमिताभ बच्चन हे त्यांचे आवडते नट आहेत. त्यामुळे मंजुळे त्यांचा पहिला हिंदी चित्रपट अमिताभ यांच्यासोबत करणार आहेत.
नागराज यांचा हा हिंदी चित्रपट सामाजिक विषयावरचाच असणार आहे. तब्बल दीड वर्षे ते या सिनेमाच्या पटकथेवर काम करत होते. पटकथा पूर्ण झाल्यावर त्यांनी ती अमिताभ यांना ऐकवली. अमिताभ यांनी नागराज मंजुळेंचा 'सैराट' सिनेमा पाहिला होता. तो त्यांना आवडलाही होता. नव्या सिनेमासाठी नागराज यांनी लिहिलेली पटकथा त्यांना भावल्यानं त्यांनी सिनेमात काम करण्यास तात्काळ होकार दिल्याचं सूत्रांनी सांगितलं. मात्र, सिनेमाचा विषय आणि नाव हे अजूनही गुलदस्त्यात असल्याने या नव्या सिनेमाबाबतची उत्सुकता ताणली गेली आहे. लवकरच या सिनेमाची अधिकृत घोषणा करण्यात येणार असल्याचंही सूत्रांनी सांगितलं.
'सैराट'च्या प्रचंड यशानंतर आता दिग्दर्शक नागराज मंजुळे बॉलिवूडमध्ये पदार्पण करणार आहे. नागराजच्या नव्या हिंदी सिनेमात दस्तुरखुद्द बॉलिवूडचे शहेनशहा अमिताभ बच्चन भूमिका साकारणार आहेत. विशेष म्हणजे या सिनेमात 'बिग बी' खलनायक साकारणार असल्याने या सिनेमाबद्दल प्रचंड उत्सुकता आहे.
'सैराट'नंतर नागराज पुन्हा एकदा एखादा हटके मराठी सिनेमा बनवतील, असा सगळ्यांचाच कयास होता. पण बॉलिवूडमध्ये पदार्पण करणार असल्याचं सांगत त्यांनी सर्वांनाच सुखद धक्का दिला. अमिताभ बच्चन हे त्यांचे आवडते नट आहेत. त्यामुळे मंजुळे त्यांचा पहिला हिंदी चित्रपट अमिताभ यांच्यासोबत करणार आहेत.
नागराज यांचा हा हिंदी चित्रपट सामाजिक विषयावरचाच असणार आहे. तब्बल दीड वर्षे ते या सिनेमाच्या पटकथेवर काम करत होते. पटकथा पूर्ण झाल्यावर त्यांनी ती अमिताभ यांना ऐकवली. अमिताभ यांनी नागराज मंजुळेंचा 'सैराट' सिनेमा पाहिला होता. तो त्यांना आवडलाही होता. नव्या सिनेमासाठी नागराज यांनी लिहिलेली पटकथा त्यांना भावल्यानं त्यांनी सिनेमात काम करण्यास तात्काळ होकार दिल्याचं सूत्रांनी सांगितलं. मात्र, सिनेमाचा विषय आणि नाव हे अजूनही गुलदस्त्यात असल्याने या नव्या सिनेमाबाबतची उत्सुकता ताणली गेली आहे. लवकरच या सिनेमाची अधिकृत घोषणा करण्यात येणार असल्याचंही सूत्रांनी सांगितलं.