मटा ऑनलाइन वृत्त | मुंबई
'लैंगिक शोषण नेहमीच होत आलंय. आता फक्त त्यावर उघडपणं चर्चा होतेय. मलाही अनेकदा अशा प्रसंगांना सामोरं जावं लागलंय. कॉलेजच्या दिवसात भारतीय लष्करातील एका जवानाला मी हटकलं होतं. कारण, तो सतत माझ्या छातीकडं रोखून पाहत होता आणि मला त्यानं डोळाही मारला होता,' अशी धक्कादायक आठवण अभिनेत्री विद्या बालन हिनं सांगितली आहे.
विद्या बालनचा 'तुम्हारी सुलु' हा चित्रपट येत्या १७ नोव्हेंबरला प्रदर्शित होत आहे. या निमित्तानं 'नवभारत टाइम्स'ला दिलेल्या खास मुलाखतीत ती बोलत होती. महिलांच्या लैंगिक शोषणाविरोधात सध्या गाजत असलेल्या #metoo कॅम्पेनबद्दलही तिनं मतं मांडली. कॉलेजच्या दिवसांत सामोरं जावं लागलेल्या एका प्रसंगांबद्दल कुठलाही आडपडदा न ठेवता तिनं भाष्य केलं. 'कॉलेजच्या दिवसांत मी चेंबूरला राहायचे. माझं कॉलेज व्हीटीला (आताचं सीएसएमटी) होतं. त्यामुळं मी नेहमी ट्रेननंच प्रवास करायचे. प्रवासात अनेकदा मला छेडछाडीचा सामना करावा लागायचा. अतिरेक झाला की मी सरळ हात उचलायचे,' असं विद्या म्हणाली. 'एक दिवस कॉलेजला जाताना मी मैत्रिणीसह व्हीटी स्टेशनला उतरले. तेव्हा सैन्यातील एक जवान तिथं उभा होता. तो जवान माझ्या ब्रेस्टकडे टक लावून पाहत होता. थोडी पुढं गेल्यावर त्यानं मला डोळाही मारला. त्याच्या या वागण्याचा मला संताप आला. रागानं तणतणत मी तडक त्याच्याकडं गेले. तुम्ही माझ्याकडं असे का बघताय आणि तुम्ही मला डोळा का मारला? असा प्रश्न मी त्याला केला. 'तुमच्यावर देशाच्या सुरक्षेची जबाबदारी आहे आणि तुम्हीच असं वागताय? हा काय चावटपणा आहे? तुमच्याकडून अशी अपेक्षा नव्हती, असं मी त्याला सुनावलं. माझ्या बोलण्यामुळं तो जवान चांगलाच ओशाळला,' असंही विद्यानं सांगितलं.
'लैंगिक शोषणाची व्याख्या खूप व्यापक आहे. स्पर्श करणं, अश्लिल टोमणा मारणं किंवा विनयभंग करणं या गोष्टींपुरताच लैंगिक शोषण मर्यादित नाही. अनेकदा लोक डोळ्यांनीच तुमच्यावर बलात्कार करतात,' असं बेधडक मतही विद्यानं मांडलं.
'लैंगिक शोषण नेहमीच होत आलंय. आता फक्त त्यावर उघडपणं चर्चा होतेय. मलाही अनेकदा अशा प्रसंगांना सामोरं जावं लागलंय. कॉलेजच्या दिवसात भारतीय लष्करातील एका जवानाला मी हटकलं होतं. कारण, तो सतत माझ्या छातीकडं रोखून पाहत होता आणि मला त्यानं डोळाही मारला होता,' अशी धक्कादायक आठवण अभिनेत्री विद्या बालन हिनं सांगितली आहे.
विद्या बालनचा 'तुम्हारी सुलु' हा चित्रपट येत्या १७ नोव्हेंबरला प्रदर्शित होत आहे. या निमित्तानं 'नवभारत टाइम्स'ला दिलेल्या खास मुलाखतीत ती बोलत होती. महिलांच्या लैंगिक शोषणाविरोधात सध्या गाजत असलेल्या #metoo कॅम्पेनबद्दलही तिनं मतं मांडली. कॉलेजच्या दिवसांत सामोरं जावं लागलेल्या एका प्रसंगांबद्दल कुठलाही आडपडदा न ठेवता तिनं भाष्य केलं. 'कॉलेजच्या दिवसांत मी चेंबूरला राहायचे. माझं कॉलेज व्हीटीला (आताचं सीएसएमटी) होतं. त्यामुळं मी नेहमी ट्रेननंच प्रवास करायचे. प्रवासात अनेकदा मला छेडछाडीचा सामना करावा लागायचा. अतिरेक झाला की मी सरळ हात उचलायचे,' असं विद्या म्हणाली. 'एक दिवस कॉलेजला जाताना मी मैत्रिणीसह व्हीटी स्टेशनला उतरले. तेव्हा सैन्यातील एक जवान तिथं उभा होता. तो जवान माझ्या ब्रेस्टकडे टक लावून पाहत होता. थोडी पुढं गेल्यावर त्यानं मला डोळाही मारला. त्याच्या या वागण्याचा मला संताप आला. रागानं तणतणत मी तडक त्याच्याकडं गेले. तुम्ही माझ्याकडं असे का बघताय आणि तुम्ही मला डोळा का मारला? असा प्रश्न मी त्याला केला. 'तुमच्यावर देशाच्या सुरक्षेची जबाबदारी आहे आणि तुम्हीच असं वागताय? हा काय चावटपणा आहे? तुमच्याकडून अशी अपेक्षा नव्हती, असं मी त्याला सुनावलं. माझ्या बोलण्यामुळं तो जवान चांगलाच ओशाळला,' असंही विद्यानं सांगितलं.
'लैंगिक शोषणाची व्याख्या खूप व्यापक आहे. स्पर्श करणं, अश्लिल टोमणा मारणं किंवा विनयभंग करणं या गोष्टींपुरताच लैंगिक शोषण मर्यादित नाही. अनेकदा लोक डोळ्यांनीच तुमच्यावर बलात्कार करतात,' असं बेधडक मतही विद्यानं मांडलं.