मुंबई टाइम्स टीम
गणपती विसर्जनाच्यावेळी कपूर कुटुंबीयांनी चाहत्यांना मारहाण केल्याचा व्हिडिओ नुकताच व्हायरल झाला. पण स्टार्सनी चाहत्यांवर हात उगारण्याची ही काही पहिली वेळ नाही. सेलिब्रिटींचा पारा चढण्याच्या अनेक घटना यापूर्वीही घडल्या आहेत. अशाच काही चिडक्या कलाकारांविषयी...
सलमान खान
बॉलिवूडच्या या बॅड बॉयनं अनेकदा असले पंगे घेतलेत. चाहते जवळ आल्यावर सलमानची चिडचिड होते. रागाच्या भरात भाईनं काही चाहत्यांना थोबाडीत ठेवून दिल्याचे प्रसंग घडले आहेत. अलीकडेच सल्लूनं, फोटो काढायचा प्रयत्न करत असलेल्या एका चाहत्याचा फोन हिसकावून घेत तो जमिनीवर फेकून दिल्याचं समजतं.
प्रियांका चोप्रा
‘अंजाना अंजानी’च्या शूटिंगवेळी या देशी गर्लनं एकाला थोबडवल्याचं समोर आलं. खुद्द प्रियांकानं हे कबूल केलंय. 'अचानक एका माणसानं माझा हात धरला आणि फोटोसाठी तो जबरदस्ती करायला लागला. त्याक्षणी मी घाबरल्यानं त्याची कॉलर धरली आणि एक कानाखाली लावली होती' असं ती सांगते.
गोविंदा
गोविंदानं आठ वर्षांपूर्वी ‘मनी है तो हनी है’च्या शूटिंगवेळी संतोष राय नावाच्या चाहत्याच्या थोबाडीत लगावली होती. त्याच्या या चाहत्यानं हे भांडण सर्वोच्च न्यायालयापर्यंत नेलं होतं. या प्रकरणी गोविंदाला जाहीर माफी मागावी लागली होती.
अक्षय कुमार
‘गब्बर’च्या वेळी शूटिंग झोनच्या आत आलेल्या एकाला अक्षयनं चांगलाच प्रसाद दिला होता. खिलाडी कुमारच्या जवळ जाण्याचा प्रयत्न करणाऱ्यांना त्याच्या चाहत्यांनी धक्काबुक्की केली आहे. अक्षयच्या एका अंगरक्षकानं गैरवर्तन केल्याची तक्रार एका डेंटिस्टनं पोलिसांकडे नोंदवली होती.
आयुषमान खुराना
एका चाहत्यानं गमतीत 'रणविजयचं लग्न आणि आयुषमानला दुसरं मूल झाल्यानं आता एमटीव्ही चॅनेल बुडणार' अशी ट्विपण्णी ट्विटरवर केल्यानं या हवाईजाद्याला राग आला. 'तुझ्या वडिलांची कंपनी बुडाली जेव्हा तुझा जन्म झाला असेल' असं प्रत्युत्तर आयुषमाननं त्याला दिलं होतं.
मानसिकता काय?
स्टार्सच्या अंगाला कुणी हात लावण्याचा प्रयत्न केला तर ते त्यांना आवडत नाही. सगळ्या गोष्टींबाबत सर्वसामान्यांच्या तुलनेत स्टार्सना एक्स्ट्रा प्रायव्हसीची सवय असते. त्यामुळे लोकांमध्ये वावरताना त्यांची चिडचिड होताना दिसते. त्यातच प्रतिमा जपायची असल्यानं शक्यतो ते झोपलेले असतानाचे किंवा काही खात असतानाचे फोटो काढू दिले जात नाही. अशा वेळी चाहत्यांनी फोटोसाठी आग्रह धरल्यास त्यांचा पारा चढतो. चाहतेच हल्ली पापाराझीचं काम करू लागल्यानं स्टार्सच्या डोक्याचा ताप आणखीन वाढला आहे.
कलाकार असे का वागतात?
कलाकारांना स्टारडमचा माज हा असतोच. पण आजकाल चाहतेही मर्यादा सोडून वागतात. कलाकाराला चावणं, त्याचे कपडे फाडणं अशा विचित्र घटना यापूर्वी समोर आल्या आहेत. त्यामुळे वैतागलेले स्टार्स हात उचलताना दिसतात. अनेकदा न बोलावताही मीडिया त्यांच्या मागेमागे जात असतो.
अमेरिका-स्पेनच्या तुलनेत भारतीय मीडिया खूप संवेदनशील आहे. उगाचच खोलात जाऊन स्टार्सच्या खासगी गोष्टींबद्दल लिहिलं जातं. माझ्याबद्दलही पहिल्या दिवसापासून लिहिलं गेलंय. पण अफवांकडे मी दुर्लक्ष करणंच पसंत करतो.
- जॉन अब्राहम
गणपती विसर्जनाच्यावेळी कपूर कुटुंबीयांनी चाहत्यांना मारहाण केल्याचा व्हिडिओ नुकताच व्हायरल झाला. पण स्टार्सनी चाहत्यांवर हात उगारण्याची ही काही पहिली वेळ नाही. सेलिब्रिटींचा पारा चढण्याच्या अनेक घटना यापूर्वीही घडल्या आहेत. अशाच काही चिडक्या कलाकारांविषयी...
सलमान खान
बॉलिवूडच्या या बॅड बॉयनं अनेकदा असले पंगे घेतलेत. चाहते जवळ आल्यावर सलमानची चिडचिड होते. रागाच्या भरात भाईनं काही चाहत्यांना थोबाडीत ठेवून दिल्याचे प्रसंग घडले आहेत. अलीकडेच सल्लूनं, फोटो काढायचा प्रयत्न करत असलेल्या एका चाहत्याचा फोन हिसकावून घेत तो जमिनीवर फेकून दिल्याचं समजतं.
प्रियांका चोप्रा
‘अंजाना अंजानी’च्या शूटिंगवेळी या देशी गर्लनं एकाला थोबडवल्याचं समोर आलं. खुद्द प्रियांकानं हे कबूल केलंय. 'अचानक एका माणसानं माझा हात धरला आणि फोटोसाठी तो जबरदस्ती करायला लागला. त्याक्षणी मी घाबरल्यानं त्याची कॉलर धरली आणि एक कानाखाली लावली होती' असं ती सांगते.
गोविंदा
गोविंदानं आठ वर्षांपूर्वी ‘मनी है तो हनी है’च्या शूटिंगवेळी संतोष राय नावाच्या चाहत्याच्या थोबाडीत लगावली होती. त्याच्या या चाहत्यानं हे भांडण सर्वोच्च न्यायालयापर्यंत नेलं होतं. या प्रकरणी गोविंदाला जाहीर माफी मागावी लागली होती.
अक्षय कुमार
‘गब्बर’च्या वेळी शूटिंग झोनच्या आत आलेल्या एकाला अक्षयनं चांगलाच प्रसाद दिला होता. खिलाडी कुमारच्या जवळ जाण्याचा प्रयत्न करणाऱ्यांना त्याच्या चाहत्यांनी धक्काबुक्की केली आहे. अक्षयच्या एका अंगरक्षकानं गैरवर्तन केल्याची तक्रार एका डेंटिस्टनं पोलिसांकडे नोंदवली होती.
आयुषमान खुराना
एका चाहत्यानं गमतीत 'रणविजयचं लग्न आणि आयुषमानला दुसरं मूल झाल्यानं आता एमटीव्ही चॅनेल बुडणार' अशी ट्विपण्णी ट्विटरवर केल्यानं या हवाईजाद्याला राग आला. 'तुझ्या वडिलांची कंपनी बुडाली जेव्हा तुझा जन्म झाला असेल' असं प्रत्युत्तर आयुषमाननं त्याला दिलं होतं.
मानसिकता काय?
स्टार्सच्या अंगाला कुणी हात लावण्याचा प्रयत्न केला तर ते त्यांना आवडत नाही. सगळ्या गोष्टींबाबत सर्वसामान्यांच्या तुलनेत स्टार्सना एक्स्ट्रा प्रायव्हसीची सवय असते. त्यामुळे लोकांमध्ये वावरताना त्यांची चिडचिड होताना दिसते. त्यातच प्रतिमा जपायची असल्यानं शक्यतो ते झोपलेले असतानाचे किंवा काही खात असतानाचे फोटो काढू दिले जात नाही. अशा वेळी चाहत्यांनी फोटोसाठी आग्रह धरल्यास त्यांचा पारा चढतो. चाहतेच हल्ली पापाराझीचं काम करू लागल्यानं स्टार्सच्या डोक्याचा ताप आणखीन वाढला आहे.
कलाकार असे का वागतात?
कलाकारांना स्टारडमचा माज हा असतोच. पण आजकाल चाहतेही मर्यादा सोडून वागतात. कलाकाराला चावणं, त्याचे कपडे फाडणं अशा विचित्र घटना यापूर्वी समोर आल्या आहेत. त्यामुळे वैतागलेले स्टार्स हात उचलताना दिसतात. अनेकदा न बोलावताही मीडिया त्यांच्या मागेमागे जात असतो.
अमेरिका-स्पेनच्या तुलनेत भारतीय मीडिया खूप संवेदनशील आहे. उगाचच खोलात जाऊन स्टार्सच्या खासगी गोष्टींबद्दल लिहिलं जातं. माझ्याबद्दलही पहिल्या दिवसापासून लिहिलं गेलंय. पण अफवांकडे मी दुर्लक्ष करणंच पसंत करतो.
- जॉन अब्राहम