विराट आता वाट पाहतोय 'परी'ची!

'न्यू सेलिब्रिटी कपल' विराट-अनुष्का एकमेकांच्या करिअरबाबत किती 'सपोर्टिव्ह' आहेत, हे पुन्हा एकदा समोर आलंय. नुकताच अनुष्काचा 'परी' या चित्रपटाचा ट्रेलर प्रदर्शित झालाय. या ट्रेलरने अनेकांचा थरकाप उडविलेला असताना अनुष्काचा 'प्रेमवेडा' विराट मात्र आपल्या आयुष्यातल्या या खऱ्याखुऱ्या परीला पडद्यावर 'हॉरर' अवतारात पाहण्यासाठी खूप उत्सुक असल्याचं त्याने म्हटलंय.

विराटने 'परी'चा ट्रेलर पाहिल्यानंतर पत्नी अनुष्काचं कौतुक करण्याची संधी न दवडता लगेचच ट्वीट केलं. ट्विटमध्ये अनुष्काचा वन अॅण्ड ओन्ली' असा प्रेमळ उल्लेख करत विराटने म्हटलंय, ''मी तिचा हा अवतार पाहण्यासाठी आणखी वाट पाहू शकत नाही.''

आतापर्यंत बॉलिवूडमध्ये 'बबली गर्ल' म्हणून प्रसिद्ध असलेली अनुष्का प्रथमच 'परी'च्या निमित्ताने 'हॉरर' लूकमध्ये प्रेक्षकांच्या समोर येणार असल्याने मीही तिला अशा अवतारात पाहण्यासाठी उत्सुक असल्याचं विराट सांगतो. त्याने ट्वीटसोबत 'परी'च्या ट्रेलरची लिंकही पोस्ट केली आहे.
Can’t wait to watch my one and only in an avatar never seen before and I’m blown away already ❤. Can’t wait 😃❤ @anushkasharma @officialcsfilms #PariTrailerhttps://t.co/6zbPAbzlFD — Virat Kohli (@imVkohli) February 15, 2018