अभिनेता अर्जुन रामपालच्या डोळ्याला दुखापत

मटा ऑनलाइन वृत्त । मुंबई

बॉलिवूड अभिनेता अर्जुन रामपाल याच्या चाहत्यांसाठी वाईट बातमी आहे. अर्जुन रामपालच्या एका डोळ्याला दुखापत झाली असून त्याला सध्या एका डोळ्याने नीट दिसत नाहीय असं त्यानं स्वतः म्हटलं आहे.

अर्जुन रामपालने सोशल साइट असलेल्या इंस्टाग्रामवर डोळ्याला झालेल्या दुखापतीचा फोटो अपलोड केला आहे. त्यात त्यानं म्हटलंय, 'आता मला माहित झालंय की, एका डोळ्यावर पट्टी लावणारे समुद्री डाकू कसे दिसत असतील'. डोळ्याला झालेली दुखापत ही साधारण असून जेव्हढी दिसतेय तितकी ती गंभीर दुखापत नाही. केवळ एका डोळ्याने पाहण्यास अडचण येत आहे, बस्स इतंकच असं सांगायलाही अर्जुन विसरला नाही.

अर्जुन रामपाल विद्या बालनसोबतच्या 'कहानी २' मध्ये दिसला होता. तो सध्या आगामी 'डॅडी' या चित्रपटाच्या तयारीत आहे. हा चित्रपट गॅंगस्टर अरुण गवळीच्या जीवनावर आधारीत आहे.