मुंबई: जवळपास एक महिन्यांच्या उपचारानंतर गानसम्राज्ञी लता मंगेशकर यांना रुग्णालयातून डिस्चार्ज मिळाल्यानंतर चाहत्यांसह लतादीदींची बहीण आणि ज्येष्ठ गायिका आशा भोसले यांनाही आनंद झाला. लता मंगेशकर रुग्णालयातून घरी आल्यानंतर आशा भोसले भावुक झाल्या होत्या.
मनोरंजन विषयक बातम्या देणाऱ्या एका वेबसाइटनुसार, आशा भोसलेंनी सांगितले की, लतादीदी घरी आल्यानंतर त्यांची प्रकृती उत्तम वाटत होती. घरी परतल्यामुळे त्यांच्या चेहऱ्यावर आनंदही दिसत होता. त्या रात्री मी फक्त लतादीदींकडे पाहत होती. त्यांनी गायलेली अनेक गाणी आठवली असल्याचे आशा भोसले यांनी सांगितले.
लता मंगेशकरांचे रुग्णालयातील फोटो व्हायरल, तुम्हीही व्हाल चिंताग्रस्त
लता मंगेशकरांना बरं करणं कठीण होतं, डॉक्टरांनी सांगितली अवस्था
लता मंगेशकर यांना श्वसनाचा त्रास झाल्याने रुग्णालयात दाखल करण्यात आले होते. त्यांच्यावर अतिदक्षता विभागात उपचार सुरू होते. सुरुवातीला त्यांना व्हेंटिलेटरवरही ठेवण्यात आलं होतं. त्यांना न्यूमोनिया झाल्याचं निदान करण्यात आलं होतं. त्यामुळे त्यांच्यावर तब्बल २८ दिवस उपचार सुरू होते. रुग्णालयातून डिस्चार्ज देण्यात आल्यानंतर लतादीदींनी चाहत्यांचे आभार मानणारे ट्विट केले होते. 'गेल्या २८ दिवसांपासून मी न्यूमोनियाने आजारी होते. पूर्णपणे बरी झाल्याशिवाय मला डिस्चार्ज द्यायला डॉक्टर तयार नव्हते. परमेश्वर, माई आणि बाबांच्या आशीर्वादाने आणि तुमच्या प्रेमामुळे मी बरी झाले असून रुग्णालयातून घरी परतले आहे. तुमच्या सर्वांचे मी आभारी आहे. माझ्यावर उपचार करणाऱ्या डॉक्टर आणि रुग्णालयीन कर्मचारी वर्गाचेही मी आभारी आहे. तुमचं प्रेम आणि आशीर्वाद असेच राहू द्या,' असं लतादीदींनी ट्विटमध्ये म्हटले.
सर्वांच्या प्रार्थनेमुळे लतादीदींच्या प्रकृतीत सुधारणा; कुटुंबीयांनी मानले आभार