मुंबई टाइम्स टीम
देशभरातील चित्रपटगृहं गेल्या सहा महिन्यांपासून बंद असल्यामुळे चित्रपट ओटीटीवर प्रदर्शित होऊ लागले आहेत. सध्या तरी प्रेक्षकांना ओटीटीच्या मूळ सबस्क्रिप्शन शुल्कामध्ये नवे चित्रपट पाहता येतात. परंतु, ही पद्धती अशीच पुढे कायम राहील का याबद्दल साशंकता व्यक्त केली जातेय. कारण, ओटीटीवरील नव्या चित्रपटांसाठी वेगळं तिकीट ठेवण्याच्या हालचाली बड्या ओटीटी प्लॅटफॉम कंपन्यांमध्ये सुरू झाल्याचं कळतंय. त्यामुळे येत्या दिवसात कदाचित नवा चित्रपट पाहण्यासाठी प्रेक्षकांना सबस्क्रिप्शनव्यतिरिक्त तिकीट खरेदी करावं लागण्याची शक्यता आहे. 'पे पर व्ह्यू' हे हॉलिवूड चित्रपटांसाठी सुरू असलेलं मॉडेल इथेही राबवण्यात येऊ शकेल.
अनेक बॉलिवूड आणि दाक्षिणात्य सिनेनिर्मात्यांनी त्यांचे चित्रपट विविध ओटीटी प्लॅटफॉर्मवर गेल्या काही दिवसांत प्रदर्शित केले. या प्रदर्शनावेळी ओटीटी कंपनीकडून सिनेमांच्या प्रदर्शनाचे हक्क निर्मात्यांकडून विकत घेण्यात आले होते. परंतु, या कार्यप्रणालीत, अर्थात ओटीटी सिनेप्रदर्शनात सिनेनिर्माते आणि ओटीटी कंपन्यांचा फारसा आर्थिक फायदा होत नसल्याचं दिसतंय. त्यामुळेच कदाचित ही पद्धती बदलली जाणार आहे. येत्या काळात नव्या बड्या चित्रपटाच्या ओटीटी प्रदर्शनावेळी प्रेक्षकांना अधिकचे पैसे खर्च करुन चित्रपट पाहावा लागू शकतो. जी प्रणाली हॉलिवूडमध्ये 'मुलान' चित्रपटप्रदर्शनावेळी वापरण्यात आली, तीच ओटीटी तिकीट प्रणाली आता भारतातदेखील कार्यान्वित होऊ शकते. किंबहुना काही ओटीटी प्लॅटफॉर्म्सनी तशी सुरुवात देखील केली आहे.
तिकीट खरेदी करा!
मध्यंतरी दिग्दर्शक-निर्माते रामगोपाल वर्मा यांनी त्यांचे काही चित्रपट ओटीटी तिकीटप्रणाली अंतर्गतच प्रदर्शित केले. आता झीप्लेक्स या ओटीटी प्लॅटफॉर्मवर येत्या दिवसात अनन्या पांडे, ईशान खट्टर अभिनित 'खाली पीली' हा चित्रपट प्रदर्शित होणार आहे. पण, हा चित्रपट पाहण्यासाठी प्रेक्षकांना २९९ प्रति तिकीट खर्च करावे लागणार आहेत.
'हॉलिवूड'मध्ये सुरू
'मुलान' हा चित्रपट सप्टेंबरच्या पहिल्या आठवड्यात 'डिस्नी प्लस' या ओटीटी प्लॅटफॉर्मवर प्रदर्शित करण्यात आला. अमेरिका, कॅनडा, न्यूझीलँड, ऑस्ट्रेलिया आणि युरोपमधील काही देशांमध्ये हा चित्रपट प्रदर्शित झाला. परंतु, हा सिनेमा पाहण्यासाठी प्रेक्षकांना त्या ओटीटी अॅपच्या मासिक शुल्काव्यतिरिक्त अतिरिक्त रक्कम तिकिटासाठी मोजावी लागली. म्हणजे, 'डिस्नी प्लस'चं मासिक शुल्क हे साधारण ७ डॉलर्स इतकं आहे. परंतु, 'मुलान' चित्रपट पाहण्यासाठी प्रेक्षकांना अतिरिक्त ३० डॉलर्स खर्चून तिकीट खरेदी करावं लागलं. जवळपास दोनशे दशलक्ष डॉलर निर्मितीमूल्य असलेल्या 'मुलान' सिनेमाचा निर्मितीखर्च वसूल करण्यासाठी निर्मात्यांनी 'पे पर व्ह्यु' हा मार्ग निवडला.
उत्तम पर्याय
एखादा सिनेमा पाहण्यासाठी आम्ही अगोदरच प्रति उपभोक्ता प्रेक्षकांकडून शुल्क आकारात आहोत. त्याला प्रतिसाददेखील चांगला असून, प्रेक्षकांकडूनदेखील सकारात्मक प्रतिक्रिया येत आहेत.
- क्रांति गाडा, सीओओ, शेमारू एंटरटेन्मेन्ट
'सूर्यवंशी' आणि '८३'चं काय?
सध्या थिएटर मालक आणि मल्टिप्लेक्स असोसिएशनची मंडळी चित्रपटगृहं उघडण्यासाठी सोशल मीडियावर आंदोलन करत आहेत. परंतु, चित्रपटगृहं उघडण्याबाबत कुठलीही सकारात्मक चिन्हं दिसत नाहीयत. त्यातच रोहित शेट्टी दिग्दर्शित 'सूर्यवंशी' आणि कबीर खान दिग्दर्शित '८३' चित्रपटांचं निर्मितीमूल्य अनुक्रमे साधारण १३५ आणि १०० कोटी रुपये असल्याचं कळतंय. हे चित्रपट सध्या थिएटरप्रदर्शनासाठी राखून ठेवण्यात आले आहेत. परंतु, थिएटर बंदच राहिल्यास चित्रपटाचं निर्मितीमूल्य सिनेप्रदर्शनातून वसूल करून त्याव्यतिरिक्त अधिक नफा मिळवण्यासाठी निर्माते 'पे पर व्ह्यु' मॉडेल ओटीटीसाठी निवडू शकतात.
देशभरातील चित्रपटगृहं गेल्या सहा महिन्यांपासून बंद असल्यामुळे चित्रपट ओटीटीवर प्रदर्शित होऊ लागले आहेत. सध्या तरी प्रेक्षकांना ओटीटीच्या मूळ सबस्क्रिप्शन शुल्कामध्ये नवे चित्रपट पाहता येतात. परंतु, ही पद्धती अशीच पुढे कायम राहील का याबद्दल साशंकता व्यक्त केली जातेय. कारण, ओटीटीवरील नव्या चित्रपटांसाठी वेगळं तिकीट ठेवण्याच्या हालचाली बड्या ओटीटी प्लॅटफॉम कंपन्यांमध्ये सुरू झाल्याचं कळतंय. त्यामुळे येत्या दिवसात कदाचित नवा चित्रपट पाहण्यासाठी प्रेक्षकांना सबस्क्रिप्शनव्यतिरिक्त तिकीट खरेदी करावं लागण्याची शक्यता आहे. 'पे पर व्ह्यू' हे हॉलिवूड चित्रपटांसाठी सुरू असलेलं मॉडेल इथेही राबवण्यात येऊ शकेल.
अनेक बॉलिवूड आणि दाक्षिणात्य सिनेनिर्मात्यांनी त्यांचे चित्रपट विविध ओटीटी प्लॅटफॉर्मवर गेल्या काही दिवसांत प्रदर्शित केले. या प्रदर्शनावेळी ओटीटी कंपनीकडून सिनेमांच्या प्रदर्शनाचे हक्क निर्मात्यांकडून विकत घेण्यात आले होते. परंतु, या कार्यप्रणालीत, अर्थात ओटीटी सिनेप्रदर्शनात सिनेनिर्माते आणि ओटीटी कंपन्यांचा फारसा आर्थिक फायदा होत नसल्याचं दिसतंय. त्यामुळेच कदाचित ही पद्धती बदलली जाणार आहे. येत्या काळात नव्या बड्या चित्रपटाच्या ओटीटी प्रदर्शनावेळी प्रेक्षकांना अधिकचे पैसे खर्च करुन चित्रपट पाहावा लागू शकतो. जी प्रणाली हॉलिवूडमध्ये 'मुलान' चित्रपटप्रदर्शनावेळी वापरण्यात आली, तीच ओटीटी तिकीट प्रणाली आता भारतातदेखील कार्यान्वित होऊ शकते. किंबहुना काही ओटीटी प्लॅटफॉर्म्सनी तशी सुरुवात देखील केली आहे.
तिकीट खरेदी करा!
मध्यंतरी दिग्दर्शक-निर्माते रामगोपाल वर्मा यांनी त्यांचे काही चित्रपट ओटीटी तिकीटप्रणाली अंतर्गतच प्रदर्शित केले. आता झीप्लेक्स या ओटीटी प्लॅटफॉर्मवर येत्या दिवसात अनन्या पांडे, ईशान खट्टर अभिनित 'खाली पीली' हा चित्रपट प्रदर्शित होणार आहे. पण, हा चित्रपट पाहण्यासाठी प्रेक्षकांना २९९ प्रति तिकीट खर्च करावे लागणार आहेत.
'हॉलिवूड'मध्ये सुरू
'मुलान' हा चित्रपट सप्टेंबरच्या पहिल्या आठवड्यात 'डिस्नी प्लस' या ओटीटी प्लॅटफॉर्मवर प्रदर्शित करण्यात आला. अमेरिका, कॅनडा, न्यूझीलँड, ऑस्ट्रेलिया आणि युरोपमधील काही देशांमध्ये हा चित्रपट प्रदर्शित झाला. परंतु, हा सिनेमा पाहण्यासाठी प्रेक्षकांना त्या ओटीटी अॅपच्या मासिक शुल्काव्यतिरिक्त अतिरिक्त रक्कम तिकिटासाठी मोजावी लागली. म्हणजे, 'डिस्नी प्लस'चं मासिक शुल्क हे साधारण ७ डॉलर्स इतकं आहे. परंतु, 'मुलान' चित्रपट पाहण्यासाठी प्रेक्षकांना अतिरिक्त ३० डॉलर्स खर्चून तिकीट खरेदी करावं लागलं. जवळपास दोनशे दशलक्ष डॉलर निर्मितीमूल्य असलेल्या 'मुलान' सिनेमाचा निर्मितीखर्च वसूल करण्यासाठी निर्मात्यांनी 'पे पर व्ह्यु' हा मार्ग निवडला.
उत्तम पर्याय
एखादा सिनेमा पाहण्यासाठी आम्ही अगोदरच प्रति उपभोक्ता प्रेक्षकांकडून शुल्क आकारात आहोत. त्याला प्रतिसाददेखील चांगला असून, प्रेक्षकांकडूनदेखील सकारात्मक प्रतिक्रिया येत आहेत.
- क्रांति गाडा, सीओओ, शेमारू एंटरटेन्मेन्ट
'सूर्यवंशी' आणि '८३'चं काय?
सध्या थिएटर मालक आणि मल्टिप्लेक्स असोसिएशनची मंडळी चित्रपटगृहं उघडण्यासाठी सोशल मीडियावर आंदोलन करत आहेत. परंतु, चित्रपटगृहं उघडण्याबाबत कुठलीही सकारात्मक चिन्हं दिसत नाहीयत. त्यातच रोहित शेट्टी दिग्दर्शित 'सूर्यवंशी' आणि कबीर खान दिग्दर्शित '८३' चित्रपटांचं निर्मितीमूल्य अनुक्रमे साधारण १३५ आणि १०० कोटी रुपये असल्याचं कळतंय. हे चित्रपट सध्या थिएटरप्रदर्शनासाठी राखून ठेवण्यात आले आहेत. परंतु, थिएटर बंदच राहिल्यास चित्रपटाचं निर्मितीमूल्य सिनेप्रदर्शनातून वसूल करून त्याव्यतिरिक्त अधिक नफा मिळवण्यासाठी निर्माते 'पे पर व्ह्यु' मॉडेल ओटीटीसाठी निवडू शकतात.