कल्पेशराज कुबल
राष्ट्रीय पुरस्कार पटकावणारा 'भोंगा' बहुचर्चित 'मामि' चित्रपट महोत्सवामध्ये मात्र वाजणार नाहीय. हा दर्जेदार सिनेमा पाहण्याची संधी हुकणार असल्यानं सिनेरसिकांमध्ये नाराजी आहे. नेमकं काय कारण आहे त्यामागे?
सध्या चर्चेत असणारा, राष्ट्रीय पुरस्कारविजेता 'भोंगा' हा मराठी चित्रपट 'मुंबई अकॅडमी ऑफ मूव्हिंग इमेजेस', अर्थात 'मामि' चित्रपट महोत्सवात मात्र पाहायला मिळणार नाही. १७ ऑक्टोबरपासून 'मामि' सुरू होत असून, त्यातून 'भोंगा' सिनेमाला वगळण्यात आलं आहे. काही तांत्रिक कारणामुळे तो दाखवला जाणार नसल्याचं कळतंय. पण, एक दर्जेदार, बहुचर्चित सिनेमा पाहता येणार नसल्यानं सिनेरसिकांमधून नाराजी व्यक्त होत आहे.
राष्ट्रीय पुरस्कारासह यापूर्वी 'पुणे आंतरराष्ट्रीय चित्रपट महोत्सवा'मध्ये 'भोंगा' नावाजला गेलाय. त्याचप्रमाणे आगामी 'इफ्फी', अर्थात 'इंटरनॅशनल फिल्म फेस्टिव्हल ऑफ इंडिया'मध्येदेखील या सिनेमाची निवड झाली आहे. असं असूनही 'मामि'त तो पाहायला मिळणार नसल्यानं आश्चर्य व्यक्त केलं जातंय. खरं तर 'मामि'तील 'मराठी टॉकीज' विभागात 'भोंगा' सिनेमा दाखवला जाणार होता. त्यासंबंधीची माहिती 'मामि'कडून महोत्सवाच्या माहितीपत्रकामध्ये प्रसिद्ध करण्यात आली होती. राष्ट्रीय पुरस्कार विजेता मराठी सिनेमा पाहायला मिळणार असल्यानं सिनेरसिकांमध्ये त्याविषयी खूप उत्सुकता होती. परंतु, महोत्सवाच्या वेळापत्रकामध्ये मात्र 'भोंगा'चा उल्लेख नसल्यामुळे सर्वांच्याच भुवया उंचावल्या.
सिनेमा वगळण्याचं कारण आयोजकांकडून सांगण्यात आलेलं नाही. पण, याबाबत सूत्रांकडून मिळालेल्या माहितीनुसार, 'भोंगा' हा चित्रपट 'मामि'ला महोत्सवात प्रदर्शित करायचा होता. परंतु, स्क्रीनिंग करण्यातल्या काही तांत्रिक कारणामुळे हा सिनेमा प्रदर्शित होणार नाहीय. 'भोंगा' अद्याप चित्रपटगृहांमध्ये प्रदर्शित झालेला नाही. त्यामुळे सिनेमाची पायरसी होऊ नये यासाठी सिनेमाच्या स्क्रीनिंग कॉपीवर 'फॉर फेस्टिव्हल प्रीव्ह्यू' असा वॉटरमार्क दर्शवण्याचा आग्रह सिनेमाच्या टीमनं धरला आहे. पण, तसं करण्यास आयोजक तयार नाहीत असं कळतंय. त्यामुळे वॉटरमार्कच्या कारणास्तव सिनेमा 'मामि'मध्ये दिसणार नाही. याबाबत 'मामि'च्या टीमशी संपर्क साधला असता त्यांनी काहीही सांगण्यास नकार दिला.
आमचा सिनेमा व्यावसायिकदृष्ट्या अद्याप प्रदर्शित झालेला नाही. त्यामुळे सिनेमाची पायरसी होऊ शकते. जगभरातल्या फिल्म फेस्टिव्हलमध्ये सिनेमा पाठवताना त्यावर 'फॉर फेस्टिव्हल प्रीव्ह्यू' असा वॉटरमार्क असतो. जेणेकरून त्या सिनेमाची नक्कल होऊ नये. तसा वॉटरमार्क 'मामि'साठी पाठवण्यात येणाऱ्या माझ्या सिनेमावरदेखील असावा असा आमचा आग्रह होता. परंतु, 'मामि'च्या आयोजकांना असा वॉटरमार्क असलेला सिनेमा महोत्सवात प्रदर्शित करायचा नाही. कान फिल्म फेस्टिव्हलपासून 'इफ्फी'पर्यंत बहुतांश महोत्सवांना मी हा वॉटरमार्क असलेलाच सिनेमा पाठवला आहे.
- शिवाजी लोटन पाटील, दिग्दर्शक (भोंगा)
राष्ट्रीय पुरस्कार पटकावणारा 'भोंगा' बहुचर्चित 'मामि' चित्रपट महोत्सवामध्ये मात्र वाजणार नाहीय. हा दर्जेदार सिनेमा पाहण्याची संधी हुकणार असल्यानं सिनेरसिकांमध्ये नाराजी आहे. नेमकं काय कारण आहे त्यामागे?
सध्या चर्चेत असणारा, राष्ट्रीय पुरस्कारविजेता 'भोंगा' हा मराठी चित्रपट 'मुंबई अकॅडमी ऑफ मूव्हिंग इमेजेस', अर्थात 'मामि' चित्रपट महोत्सवात मात्र पाहायला मिळणार नाही. १७ ऑक्टोबरपासून 'मामि' सुरू होत असून, त्यातून 'भोंगा' सिनेमाला वगळण्यात आलं आहे. काही तांत्रिक कारणामुळे तो दाखवला जाणार नसल्याचं कळतंय. पण, एक दर्जेदार, बहुचर्चित सिनेमा पाहता येणार नसल्यानं सिनेरसिकांमधून नाराजी व्यक्त होत आहे.
राष्ट्रीय पुरस्कारासह यापूर्वी 'पुणे आंतरराष्ट्रीय चित्रपट महोत्सवा'मध्ये 'भोंगा' नावाजला गेलाय. त्याचप्रमाणे आगामी 'इफ्फी', अर्थात 'इंटरनॅशनल फिल्म फेस्टिव्हल ऑफ इंडिया'मध्येदेखील या सिनेमाची निवड झाली आहे. असं असूनही 'मामि'त तो पाहायला मिळणार नसल्यानं आश्चर्य व्यक्त केलं जातंय. खरं तर 'मामि'तील 'मराठी टॉकीज' विभागात 'भोंगा' सिनेमा दाखवला जाणार होता. त्यासंबंधीची माहिती 'मामि'कडून महोत्सवाच्या माहितीपत्रकामध्ये प्रसिद्ध करण्यात आली होती. राष्ट्रीय पुरस्कार विजेता मराठी सिनेमा पाहायला मिळणार असल्यानं सिनेरसिकांमध्ये त्याविषयी खूप उत्सुकता होती. परंतु, महोत्सवाच्या वेळापत्रकामध्ये मात्र 'भोंगा'चा उल्लेख नसल्यामुळे सर्वांच्याच भुवया उंचावल्या.
सिनेमा वगळण्याचं कारण आयोजकांकडून सांगण्यात आलेलं नाही. पण, याबाबत सूत्रांकडून मिळालेल्या माहितीनुसार, 'भोंगा' हा चित्रपट 'मामि'ला महोत्सवात प्रदर्शित करायचा होता. परंतु, स्क्रीनिंग करण्यातल्या काही तांत्रिक कारणामुळे हा सिनेमा प्रदर्शित होणार नाहीय. 'भोंगा' अद्याप चित्रपटगृहांमध्ये प्रदर्शित झालेला नाही. त्यामुळे सिनेमाची पायरसी होऊ नये यासाठी सिनेमाच्या स्क्रीनिंग कॉपीवर 'फॉर फेस्टिव्हल प्रीव्ह्यू' असा वॉटरमार्क दर्शवण्याचा आग्रह सिनेमाच्या टीमनं धरला आहे. पण, तसं करण्यास आयोजक तयार नाहीत असं कळतंय. त्यामुळे वॉटरमार्कच्या कारणास्तव सिनेमा 'मामि'मध्ये दिसणार नाही. याबाबत 'मामि'च्या टीमशी संपर्क साधला असता त्यांनी काहीही सांगण्यास नकार दिला.
आमचा सिनेमा व्यावसायिकदृष्ट्या अद्याप प्रदर्शित झालेला नाही. त्यामुळे सिनेमाची पायरसी होऊ शकते. जगभरातल्या फिल्म फेस्टिव्हलमध्ये सिनेमा पाठवताना त्यावर 'फॉर फेस्टिव्हल प्रीव्ह्यू' असा वॉटरमार्क असतो. जेणेकरून त्या सिनेमाची नक्कल होऊ नये. तसा वॉटरमार्क 'मामि'साठी पाठवण्यात येणाऱ्या माझ्या सिनेमावरदेखील असावा असा आमचा आग्रह होता. परंतु, 'मामि'च्या आयोजकांना असा वॉटरमार्क असलेला सिनेमा महोत्सवात प्रदर्शित करायचा नाही. कान फिल्म फेस्टिव्हलपासून 'इफ्फी'पर्यंत बहुतांश महोत्सवांना मी हा वॉटरमार्क असलेलाच सिनेमा पाठवला आहे.
- शिवाजी लोटन पाटील, दिग्दर्शक (भोंगा)