ढिंच्यॅक पूजा बिग बॉसच्या घरातून बाहेर

मटा ऑनलाइन वृत्त । मुंबई

'सेल्फी मैने ले ली आज', 'स्वॅग वाली टोपी..', 'दिलों का शूटर हैं मेरा स्कूटर' अशा टुकार गाण्यांमुळं सोशल मीडियावर अल्पावधीतच लोकप्रिय झालेली ढिंच्यॅक पूजाला 'बिग बॉस' मधून बाहेर जावं लागलं आहे. बिग बॉसच्या घरात येउन एक महिनाही उलटत नाही तोच तिला बिग बॉसच्या सदस्यांनी बाहेरचा रस्ता दाखवला आहे.

'सब्यसाची सतपती' घरातून जाणार अशी शक्यता वर्तवली जात असताना ढिंच्यॅक पूजाचे नाव पुढे आले, ते ऐकून घरातल्या सदस्यांनी आश्चर्य व्यक्त केले. सूत्रांनी दिलेल्या माहितीनुसार, आज पहाटे ४ च्या दरम्यान बिग बॉसने पूजाच्या नावाची घोषणा केली आणि सगळ्याच सदस्यांनी आश्चर्य व्यक्त केले. बिग बॉसमधून गच्छंती होण्याची शक्यता असणाऱ्या आठ स्पर्धकांची नावे या आठवड्यात जाहीर केली होती.

पूजाचं घरात येणं बिगबॉसच्या स्पर्धकांना खटकलं होतं. पूजाला बिग बॉसवर आणि बिग बॉसच्या स्पर्धकांवर गाणं तयार करायलाही सांगितलं होतं, आणि तिने ते लिहलं देखील होतं. पूजाचे लव त्यागीसोबतही नाव जोडले गेले होते. बिगबॉसच्या सदस्यांनी पूजा आणि लवच्या हळदी समारंभाचा घाटदेखील घातला होता.ला होता.