फिल्मफेयर प्रि-अवॉर्ड पार्टीत स्टार्सची मैफल

मटा ऑनलाइन वृत्त । मुंबई

बॉलिवूडच्या सगळ्यात प्रतिष्ठित फिल्मफेयर पुरस्कार सोहळ्याची संपूर्ण बॉलिवूड वाट पाहात असते. यंदाचा हा ६२ वा जिओ फिल्मफेयर पुरस्कार सोहळा १४ जानेवारीला होत आहे. तत्पूर्वी सोमवारी रात्री या सोहळ्यापूर्वीची प्रि-अवॉर्ड पार्टी झाली. यात बॉलिवूडच्या अनेक तारे-तारकांनी हजेरी लावली.

या पार्टीला उपस्थित राहिलेल्या सेलिब्रिटीजनी सुप्रसिद्ध डिझायनर मनीष मल्होत्राच्या स्पेशल फॅशन शोचादेखील आनंद घेतला. तारे-तारकांव्यतिरिक्त बॉलिवूडचे प्रसिद्ध निर्माते-दिग्दर्शक, न्यूकमर्स, मॉडेल्सदेखील या पार्टीत उपस्थित होते.

२०१६ हे बॉलिवूडच्या टॅलेंटेड अभिनेत्रींनी गाजवले. ६२ व्या जिओ फिल्मफेयर अवॉर्ड्सच्या प्रि-पार्टीतदेखील या अभिनेत्रींचा जलवा पाहायला मिळाला. सोनम कपूर, सोनाक्षी सिन्हा, आलिया भट्ट या पार्टीचे आकर्षण केंद्र होती. स्वरा भास्कर, तमन्ना भाटिया, उर्वशी रौतेला, सैयामी खेर, श्वेता त्रिपाठी, डेजी शाह, नेहा धुपिया, गौहर खान, टिस्का चोप्रा यांचीदेखील या पार्टीतली उपस्थिती नजरेत भरणारी होती. एव्हरग्रीन श्रीदेवी आणि रवीना टंडन यांनी पार्टीत विशेष लक्ष वेधून घेतले होते.

अभिनेत्यांबाबत सांगायचे तर शाहरुख खानने पार्टीत रंग भरला होता. जॅकी श्रॉफ, मनोज बाजपेयी, कबीर बेदी, आर. माधवन, प्रतिक बब्बर आदि अभिनेत्यांसोबत करण जोहर, अनुराग कश्यप, राम माधवानी, शकुन बत्रा आदि दिग्दर्शकांनीही या पार्टीला हजेरी लावली होती.