National Film Awards :'गोष्ट एका पैठणीची' सर्वोत्कृष्ट मराठी चित्रपट

नवी दिल्ली: अत्यंत प्रतिष्ठेच्या मानल्या जाणाऱ्या राष्ट्रीय चित्रपट पुरस्कारांची घोषणा आज करण्यात आली. मराठी चित्रपट आणि कलाकारांनीही अनेक पुरस्कारांवर आपली नावं कोरली आहेत.

यंदाही राष्ट्रीय पुरस्कारांमध्ये मराठी चित्रपटांनी बाजी मारली आहे. अभिनेत्री सायली संजीव आणि अभिनेता शशांक केतकर याच्या भूमिका असेलल्या 'गोष्ट एका पैठणीची' चित्रपटाला सर्वोत्कृष्ट मराठी चित्रपटाचा पुसस्कार जाहीर झालाय. तर राहुल देशपांडे यांना 'मी वसंतराव' चित्रपटासाठी सर्वोत्कृष्ट गायकाचा पुरस्कार जाहीर झाला आहे.
बाळासाहेबांनी डोळ्यांचं ऑपरेशन झाल्यानंतर दिलेली खास भेट, डॉ. लहानेंनी सांगितली अमूल्य आठवण
अभिनेत्री नेह पेंडसे हिनं निर्मिती केलेल्या जून या मराठी सिनेमाला सर्वोत्कृष्ट फिचर चित्रपटाचा पुरस्कार जाहीर झालाय. तर गोदाकाठ आणि अवांछित या दोन चित्रपटांसाठी अभिनेते किशोर कदम यांना विशेष ज्युरीचा पुरस्कार जाहीर करण्यात आलाय.

नॉन फिचर्स फिल्म या विभागात कुंकूमार्चन या मराठी चित्रपटाला बेस्ट फिल्म ऑन फॅमिली व्हॅल्यूचा पुरस्कार जाहीर झालाय. तरसामाजिक विषयावरील सर्वोत्कृष्ट चित्रपटासाठी मराठी चित्रपट 'फनरल'ची निवड करण्यात आली.