आयुष - आर्पिताच्या लग्नाची गोष्ट
सलमान खानची लाडकी बहिण अर्पिता खान विवाहबंधनात अडकणार म्हणजे चर्चा ही होणारच!.. झालं ही तसंच.अर्पिता आणि अभिनेता आयुष शर्मा काही महिन्यांपासून रिलेशनमध्ये होते. त्यांचं एकमेकांवर खूप प्रेम होत. प्रेमाचं रुपांतर लग्नात व्हावं यासाठी त्यांनी प्रयत्न करायला सुरूवात केली होती.त्यानंतर त्यांनी याविषयी घरी सांगितलं.अर्पितानं भाऊराया सल्लूच्या कानांवर ही गोष्ट घातली.इतकं सगळं झाल्यावर आयुषचे कुटुंबिय आणि संपूर्ण खान फॅमिली यांची एक औपचारिक भेट झाली.त्यात सगळी बोलणी पार पडली आणि त्यांनी या जोडप्याला हिरवा कंदिल दिला. आयुष एका चांगल्या आणि बड्या कुटुंबातला असल्यामुळे त्याच्याशी नातं जोडण्यास अर्पिताच्या घरच्यांपैकी कुणाचीच ना नाहीय. दोन्ही कुटुंबांची एकमेकांशी ओळख वाढावी, यासाठी सगळेजण सिमल्याला सुट्टीसाठी गेले होते. यानंतर घरच्यांकडून लग्नाला होकार मिळाला आणि विवावहसोबळा मोठ्या दिमाखात पार पडला.
अहिलचा जन्म
मलायका-आरबाजच्या काडीमोडामुळं काहीशा टेन्शनमध्ये असलेल्या खान कुटुंबीयांना गोड बातमी मिळाली होती ती म्हणजे अर्पिता खान-शर्मा हिला पुत्ररत्न झाल्याची. सलमान मामा झाला होता. मुंबईच्या सिटी हॉस्पिटलमध्ये अर्पितानं मुलाला जन्म दिला होता. बाळाचं नाव अहिल असं ठेवण्यात आलं .बाळाचे बाबा आयुष शर्मानं स्वत: सोशल मीडियावर ही बातमी शेअर केली होती. नव्या पाहुण्याच्या आगमनाचा आनंद खान आणि शर्मा कुटुंबीयांनी हॉस्पिटलमध्ये एकत्रितपणे साजरा होता. मामू झालेल्या सल्लूवरही बॉलिवूडमधून शुभेच्छांचा वर्षाव झाला होता.
अहिल नावाचा अर्थ
अहिलच्या नावात आणखी एक गोष्ट दडली आहे. आयुष एकदा काही कामानिमित्तानं लंडनला गेला होता. तिथं तो एका मुलाला भेटला. त्याचं नाव अहिल होतं.त्याला हे नाव प्रचंड आवडलं. त्यानंतर त्यानं मुलगा झालं तर त्याचं नाव अहिल असं ठेवायचं असं ठरवलं होतं. अहिल या नावाचा अर्थ 'प्रिन्स' म्हणजे राजकुमार असा आहे हे त्यानं जेव्हा अर्पिताला आणि घरातील इतरांना सांगितलं तेव्हा त्यांनाही नाव खूप आवडलं.
नावं ठरवून ठेवली
आयुष आणि अर्पिता या दोघांची नावं 'A'या इंग्रजी अक्षरानं सुरू होत असल्यानं दोघांनीही मुलांची नावं 'A'वरुन ठेवायची असं ठरवलं होतं. अर्पिता 'खान' कुटुंबात वाढलेली तर आयुष 'शर्मा' कुटुंबियांचा लेक...दोघांचे धर्म वेगळे असले तरी दोघांना एकमेकांच्या विचारांबदद्दल आणि धर्माबद्दल प्रचंड आदर आहे. त्यामुळं मुलांची नावं मुस्लिम ठेवण्याचा दोघांनी निर्णय घेतला. नावं मुस्लिम आणि आडनाव हिंदू असा वेगळा आदर्श त्यांना ठेवायचा होता.
मुळशी पॅटर्नचा हिंदी रिमेक
'लव्हयात्री'
आयुषच्या 'लव्हयात्री' या पहिल्या सिनेमाला फारसं यश मिळालं नाही. त्यानंतर त्याच्या दुसऱ्या चित्रपटाची तयारी सुरू झालीय. प्रवीण तरडेच्या 'मुळशी पॅटर्न' या मराठी चित्रपटाचा हिंदी रिमेक होत असून, त्यात तो चमकणार आहे. सिनेमाच्या स्क्रीप्टनुसार मराठी शिकणं आवश्यक असल्यानं तो सध्या मराठीचे धडे गिरवतोय. 'मराठी शिकण्यासाठी मी सध्या अनेक व्हिडिओ पाहतोय. त्याबरोबरच मराठी पुस्तकं वाचण्याचाही प्रयत्न करतोय', असं आयुष सांगतो.