६० कोटींच्या बंगल्यासाठी अजय देवगणनं घेतलय तब्बल इतकं कर्ज

मुंबई: अलीकडे अनेक बॉलिवूड कलाकारांनी घरखरेदी केल्याचं दिसून आलं आहे. अनेक कलाकारांनंतर आता बॉलिवूडच्या सिंघमनेदेखील नवं घर खरेदी केलं आहे. अभिनेता अजय देवगणनं मुंबईतील जूहू परिसरात तब्बल ६० कोटींचा एक भव्य बंगला खरेदी केलाय.

अजयच्या सध्याच्या घराच्या परिसरातच त्यानं नवा बंगला विकत घेतला आहे. हा बंगला ५ हजार ३१० चौरस फूट इतका मोठा असल्याचं बोललं जातंय. गेल्या काही वर्षांपासून काजोल आणि अजय मुंबईमध्ये नव्या घराच्या शोधात होते. अजयने बंगल्याचा ताबा घेतला असून सध्या बंगल्याच्या नूतनीकरणाचं काम सुरू करण्यात आलंय.
अजय देवगणला मारहाणीचा व्हिडीओ खरा की खोटा? प्रवक्ते म्हणतात...
विशेष म्हणजे या बंगल्यासाठी अजयनं कर्ज घेतलं आहे. ६० कोटींच्या बंगल्यासाठी त्यानं तब्बल १९ कोटींचं कर्ज घेतल्याच्या चर्चा सुरू आहेत.अजयचा हा नवीन बंगला हृतिक रोशन, अमिताभ बच्चन, धर्मेंद्र आणि अक्षय कुमार यांच्या घरांच्या जवळ आहे.
चाललंय काय! आता अजय देवगणने विकत घेतला ६० कोटींचा बंगला, सेलिब्रिटींचा झाला सख्खा शेजारी

अजयच्या कामाबद्दस बोलायचं झालं तर त्याच्या‘रुद्र ः द एज ऑफ डार्कनेस’ या आगामी वेबसीरीजची चर्चा आहे. अजय देवगण या सीरीजमधून ओटीटीवर पदार्पण करणार आहे. या सीरीजचं चित्रीकरण लवकरच सुरू होणार आहे. ही सीरीज ‘लूथर’ या ब्रिटीश सायकोलॉजिकल क्राइम ड्रामा असलेल्या सीरीजचा अधिकृत रिमेक आहे.