ट्रोल करणाऱ्या नेटकऱ्यांना मलायका अरोराचं सडेतोड उत्तर, म्हणाली- 'मी मूर्ख नाही..'

मुंबई- मलायका अरोरा ही बॉलिवूडमधील स्टायलिश अभिनेत्रींपैकी एक आहे. तिच्या प्रत्येक लुकची चर्चा होत असते आणि त्यामुळेच तिला अनेकदा ट्रोलदेखील केलं जातं. मात्र ती अनेकदा या गोष्टींकडे दुर्लक्षच करते. पण आता जेव्हा परिस्थित हाताबाहेर गेली असं तिला वाटलं तेव्हा मलायकाने यावर आपली प्रतिक्रिया दिली आहे. तिने कपड्यांवरून बोलणाऱ्यांना खडे बोल सुनावले आहेत.

मलायकाने दिलेल्या एका मुलाखतीत सांगितलं की, 'महिलांच्या नेकलाइन आणि हेमलाइन्सवर नेहमीच टीका केली जाते. मला वाटतं की ड्रेसिंग ही वैयक्तिक निवड आहे. मी काय घालायचं हे इतरांनी सांगण्यापेक्षा, लोकांनी स्वतःचं आयुष्य जगावं आणि इतरांनाही त्यांचं आयुष्य जगू द्यावं.'


'मी लोकांनुसार जगू शकत नाही'

मलायका अरोरा म्हणाली, 'मी मूर्ख नाही. मला माहीत आहे की मला काय चांगलं दिसतं. जर का मला ते घालून आरामदायक वाटतं असेल तर इतरांनी स्वीकारलं पाहिजे. महिलांना नेहमी त्यांच्या स्कर्टची लांबी किंवा त्यांच्या नेकलाइनवरून जज केलं जातं. माझ्या हेमलाइन किंवा नेकलाइनबद्दल लोक काय म्हणतात त्यानुसार मी माझं आयुष्य जगू शकत नाही. ड्रेसिंग ही अतिशय वैयक्तिक निवड आहे. तुमची जशी विचारसरणी आहे तशी माझी नसेल. माझी वैयक्तिक निवड माझी असावी. तुम्ही बसून निर्णय घेऊ शकत नाही आणि म्हणू शकत नाही की अरे तू असे कपडे का घालतोस?'


'मी मूर्ख नाही, मला माहीत आहे मला काय जमतं आणि काय नाही'

मलायका पुढे म्हणाली, 'मला जर त्या कपड्यांमध्ये आरामदायक वाटतं असेल तर मी तेच घालणार आणि मी मूर्ख नाही. मला माहीत आहे की मला काय चांगलं दिसतं आणि काय नाही. ही माझी निवड आहे आणि मी काय घालावं हे मला सांगण्याचा अधिकार कोणालाही नाही. मी माझी त्वचा, माझं शरीर आणि माझं वय यांबाबत चोखंदळ आहे, तर ते तसंच राहू द्या. तुम्हाला ते स्वीकारावं लागेल, हे इतकं सोप्पं आहे.'


मलायकाने तिच्या करिअरची सुरुवात व्हीजे म्हणून केली. तिने अनेक सिनेमांमध्ये काम केलं. पण ती विशेष ओळखली जाते ते तिच्या आयटम नंबरसाठी. सध्या मलायका टीव्हीच्या दुनियेत सक्रिय आहे आणि रिअॅलिटी शोमध्ये परीक्षकांच्या भूमिकेत दिसत आहे.