रेखा यांच्या नवऱ्यानं संपवलं होतं आयुष्य, चिठ्ठीत लिहिलं होतं की, माझ्या संपत्तीतील...

मुंबई: बॉलिवूडच्या एव्हरग्रीन अभिनेत्री रेखा यांच्या नावातच एक वेगळी जादू आहे. त्यांच्या सौंदर्याचे आजही अनेकजण चाहते आहेत. त्यांचं सौंदर्य, त्याचे चित्रपट यांची चरर्चा तर नेहमीच होताना दिसते.पण त्याहून जास्त चर्चा होते, ती त्यांच्या खासगी आयुष्याची.

रेखा यांचं खासगी आयुष्य एखाद्या चित्रपटाच्या कथेप्रमाणं आहे. त्याचं प्रेम, लग्न, नवऱ्याची आत्महत्या असं बरंच काही त्यांच्या आयुष्यात घडून गेलं. अभिनेते अमिताभ बच्चन यांच्यासोबत नात्याची आजही चर्चा होते. असं म्हटलं गेलं होतं की, दोघंही नात्यात आहे. परंतु त्यांनी कधीही हे जाहिर केलं नव्हतं. अमिताभ यांनी जया यांच्यासोबत लग्न केल्यानंतर या चर्चा खांबल्या. त्यानंतर रेखा यांनी देखील त्यांच्या आयुष्यात पुढं जाण्याचा निर्णय घेतला.
चाहत्यांना खरेदी करता यणार श्रीदेवी यांनी नेसलेल्या साड्या, लवकरच होणार लिलाव

रेखा यांनी १९९० मध्ये उद्योगपती मुकेश अग्रवाल यांच्याशी लग्न केलं होतं. रेखा यांच्या लग्नाची चर्चा झाली नसती तरच नवल. पण लग्नाच्या काही दिवसानंतरच दोघांमध्ये वाद होऊ लागले.

लग्नानंतर मुकेश डिप्रेशनमध्ये गेल्याचं म्हटलं गेलं होतं. लग्नानंतर ११ महिन्यातच रेखा यांच्या ओढणीनं गळफास घेत त्यांनी आत्महत्या केली होती. आत्महत्या करताना त्यांनी एक चिठ्ठी लिहून ठेवली होती. यात त्यांनी रेखा यांच्याबद्दल अनेक गोष्टी लिहिून ठेवल्या होत्या. त्या पैकी एक म्हणजे, 'मी माझ्या संपत्तीतून रेखाला काहीही देऊ इच्छित नाही. ती हे सर्व स्वत: उभं करू शकते.

तेजस्विनी पंडित घेऊन आलीय शापित कुटुंबाची कथा, टीझर पाहून अंगावर येईल काटा
मुकेश यांच्या आत्महत्येनंतर रेखा यांच्यावर अतिशय गंभीर आरोप करण्यात आले होते.मुकेश यांच्या आत्महत्येला रेखा जबाबदार असल्याचा आरोप त्यांच्यावर करण्यात आला होता.

परंतु मुकेश अग्रवाल यांच्या भावाने एका मुलाखतीत रेखांवरील आरोप फेटाळले होते. रेखा यांनी मुकेशसोबत केवळ पैशांसाठी लग्न केलंय, असं ज्यांना वाटतय, त्यांंना मी सांगू इच्छितो की, रेखा यांनी कीधीही आमच्याकडं कोणत्याच गोष्टीची मागणी केली नव्हती.