दुबईत गोल्ड कॉफी ऑर्डर करून पुरती फसली संभावना सेठ, म्हणाली, फक्त पैसा....

मुंबई: बिग बॉसमुळं लोकांच्या लक्षात राहिलेली ठुमका गर्ल म्हणजे संभावना सेठ. येणारं नवीन वर्ष तिच्यासाठी एकदम धमाकेदार असणार आहे. सरत्यावर्षातही ती नवऱ्यासोबत दुबईत सुट्ट्या एन्जॉय करतेय. दुबई ट्रीपमध्ये केलेली धम्माल ती तिच्या व्लॉगमध्ये शेअर करतेय.नुकताच तिनं एक व्हिडिओ शेअर केलाय, त्यामध्ये ती दुबईतील फेमस गोल्ड कॉफी पिताना दिसतेय.

संभावना सेठ आणि तिचा नवरा अविनाश द्विवेदी युट्यूब व्लॉगच्या माध्यमातून छोटे-मोठे किस्से शेअर करत असतात. संभावना खूप दिवसांपासून दुबई ट्रीपचं प्लॅनिंग करत होती. त्यामुळं तिनं बर्थडे सेलिब्रेशनसाठी दुबई गाठलं. अविनाशनंही संभावनाचा बर्थडे खास व्हावा, यासाठी खूप काही केल्याचं पाहायला मिळालं. संभावना कॉफी प्रेमी असल्यानं अविनाश तिला एका खास ठिकाणी घेऊन गेला.

बायकोला खास सरप्राइज देण्यासाठी अविनाशवनं गोल्ड कॉफी ऑर्डर केली होती. सोन्याची कॉफी पाहून संभावना देखील खूपच एक्सायटेड झाली. गोल्ड कॉफीमध्ये असं काय वेगळं असतं हे पाहण्यासाठी ती देखील प्रचंड उत्सुक होती. टेबलावर कॉफी आल्यानंतर संभावना खूपच खूष झाली होती. त्यानंतर तिनं चाहत्यांसोबत अनुभव शेअर केला.

गोल्ड कॉफीबद्दल संभावना म्हणाली की, यावर फक्त सोन्याचं वर्क लावलंय. बाकी याची चव इतकी काही खास नाहीये. फक्त सोन्याचे पैसे घेतलेत. यापेक्षा तर ब्लॅक कॉफी चांगली लागते.
अविनाशला बसला धक्का
अविनाश म्हणाला की, एकदा ट्राय करायला हरकत नाही. ही गोल्ड कॉफी नेहमी नाही पिऊ शकत. गोल्ड कॉफी खूपच महाग आहे. किंमत खूपच जास्त असल्यानं आम्ही एकच कॉफी ऑर्डर केली आहे. एकच कॉफी दोघांनी शेअर केली. दुबईतील ही फेमस गोल्ड कॉफी पिऊन फसलो असं वाटतंय.