Video: 'मी मुलाचं नाव राम कधी ठेऊ शकत नाही', आदिपुरुषच्या वादात व्हायरल होतंय सैफचं जुनं वक्तव्य

मुंबई- बॉलिवूड अभिनेता सैफ अली खान आणि प्रभासच्या 'आदिपुरुष' या चित्रपटाचा थ्रीडी टीझर जेव्हापासून रिलीज झाला आहे, तेव्हापासून या सिनेमावर टीका होत आहे. ओम राऊत दिग्दर्शित सिनेमाचा 2डी टीझर श्री राम नगरी अयोध्येत प्रदर्शित झाल्यापासून निर्मात्यांना सोशल मीडियावर टीकेचा सामना करावा लागत आहे. एवढंच नाही तर सिनेमाचं पोस्टर रिलीज झाल्यापासून प्रभास आणि सैफ अली खानच्या लूकला ट्रोल केलं जात आहे. असं काय आहे की सिनेमाचं पोस्टर आणि टीझर पाहून लोक 'आदिपुरुष'ला ट्रोल करत आहे. असं काय झालं की ५०० कोटींचा सिनेमा फ्लॉप होऊ शकतो आणि यामुळे प्रभासच्या फ्लॉपची हॅटट्रिक होऊ शकते.

जय श्रीराम! प्रभासच्या बरोबरीने चालतोय देवदत्त नागे, रामभक्त हनुमानाच्या भूमिकेत दिसला अभिनेता

VFX च्या नावावर फसवणूक

आदिपुरुषसाठी प्रेक्षक खूप उत्सुक होते. 'ब्रह्मास्त्र' रिलीज झाल्यानंतर प्रेक्षकांच्या या सिनेमाकडून अपेक्षा आणखी वाढल्या होत्या. पण, या चित्रपटाच्या टीझरने प्रेक्षकांची निराशा केली. याचं मुख्य कारण म्हणजे चित्रपटाचं व्हीएफएक्स. चित्रपटाचं VFX इतकं खराब आहे की त्याला VFX नव्हे तर फसवणूक म्हटलं जात आहे. हे कोणत्याही कार्टून किंवा अॅनिमेशन चित्रपटापेक्षा वाईट असल्याचं नेटकऱ्यांचं म्हणणं आहे.

सैफ अली खानचं वक्तव्य होतंय व्हायरल

दरम्यान, आता सैफ अली खानचं एक जुनं वक्तव्य सोशल मीडियावर व्हायरल होत आहे. या व्हिडिओमध्ये सैफ आपल्या मुलाचं नाव राम ठेवू शकत नाही असे म्हणताना दिसतो. तो म्हणाला की तैमूर किंवा अशा कोणत्याही पद्धतीचं नाव घेणं मला जास्त सोयीचं वाटेल. आदिपुरुषच्या रिलीजपूर्वी हे वक्तव्य आलं. पण, सोशल मीडिया युझर्स त्याचं हेच वाक्य मोठ्या प्रमाणात शेअर करून ट्रोल करत आहेत. यासोबतच सिनेमावर बहिष्कार घालण्याची मागणी करत आहेत.


प्रभासचा लूक

रामाचे पात्र साकारून अनेक स्टार्स अजरामर झाले. यामध्ये सर्वात मोठं नाव अरुण गोविल यांचं आहे, ज्यांच्यासमोर आजही जनता आदराने झुकते. पण प्रभासचा लूक आणि त्याचा अभिनय प्रेक्षकांचं मन जिंकू शकलेलं नाही. याच कारणामुळे त्याला सोशल मीडियावर ट्रोल केलं जात आहे.

राडा सुरू! आदिपुरुषमधील सैफच्या लुकवर सुरू झाला वाद, आता हिंदू महासभेने घेतला आक्षेप

सैफ अली खानचा रावण लूक

आदिपुरुषमधील सैफ अली खानचा लूक वादाचं मुख्य कारण ठरलं आहे. सोशल मीडियावर युझर्स रावणाच्या लूकवर प्रश्नचिन्ह उपस्थित करत आहेत. हा रावण नसून अलाउद्दीन खिलजी असल्याचं नेटिझन्सचं म्हणणं आहे.