मुंबई: अभिनेत्री दिशा पाटनी (Disha Patani Birthday) आणि महाराष्ट्र राज्याचे पर्यटन मंत्री आदित्य ठाकरे (Aditya Thackeray Birthday) या दोघांचाही योगायोगाने १३ जून रोजी एकाच दिवशी वाढदिवस असतो. बॉलिवूडची प्रसिद्ध अभिनेत्री दिशा पाटनी हिच्यावर तिच्या चाहत्यांकडून शुभेच्छांचा वर्षाव होत आहे. आदित्य ठाकरे यांना देखील सोशल मीडियाच्या माध्यमातून त्यांचे कार्यकर्ते-फॉलोअर्स वाढदिवसाच्या शुभेच्छा देत आहेत.
हे वाचा-दिशा पाटनी की पटानी? नेहमीच चुकीचं लिहिलं जातं अभिनेत्रीचं नाव
ज्यावेळी सुरुवातीला या दोघांचे फोटो समोर आले होते त्यावेळी दिशा आणि आदित्य या दोघांनाही नेटकऱ्यांनी ट्रोलही केले होते. या एकंदरित प्रकरणावर दोघांनीही मौन सोडले होते.
२०१९ मध्ये आयोजित करण्यात आलेल्या पत्रकार परिषदेत आदित्य ठाकरे यांना असा प्रश्न विचारण्यात आला होता की, ' वाढदिवसाला खास व्यक्तीकडून स्पेशल गिफ्ट मिळालं का?' या प्रश्नानंतर हसू आवरत त्यांनी पत्रकारांना कोपरापासून हात जोडून नमस्कार केला होता. त्यांना पुढील प्रश्न विचारण्यात आला होता की, 'वाढदिवसाचा डिनर मातोश्रीवर करणार की बाहेर?. त्यावर डिनर मातोश्रीवरच करणार असल्याचे आदित्य त्यांनी स्पष्ट केले होते. दरम्यान दिशा पाटनीने यावर स्पष्टपणेच उत्तर दिले होते.
हे वाचा-'धर्मवीर' पाहायचा राहिला? आता ओटीटीवर येणार आनंद दिघेंचं वादळ
दिशा पाटनी हिने रोखठोक उत्तर देत असं म्हटलं होतं की, 'आपण आपल्या मित्रासोबत लंच किंवा डिनरला जाऊ शकत नाही का? माझ्या मैत्रिणी आहेत त्याप्रमाणे मित्रदेखील आहेत आणि मी त्यांच्यासोबतही बाहेर जाते. मी मुलगा किंवा मुलगी पाहून मैत्री करत नाही. मला जी लोकं आपलीशी वाटतात त्यांच्याशी मी मैत्री करते. मी या क्षेत्रात येण्याआधीच मला माहीत होते की लोकांच्या नजरा सतत मी काय करते यावर असणार आहेत. पण, लोक काय म्हणतील या गोष्टीचा मला फरक पडत नाही.'