अ‍ॅपशहर

Shweta Tiwari Statement: पुरती अडकली! वादग्रस्त वक्तव्य करणं श्वेता तिवारीला भोवलं, गृहमंत्र्यांनी दिले चौकशीचे आदेश

Shweta Tiwari Statement: भर पत्रकार परिषदेत केलेल्या वादग्रस्त विधान केल्यामुळे श्वेता तिवारी अडचणीत आली आहे. मध्य प्रदेशच्या गृहमंत्र्यांनी तिचा निषेध करत पोलिसांना याप्रकरणाची चौकशी करत अहवाल सादर करण्यास सांगितले आहे.

guest Amita-Bade | Lipi 27 Jan 2022, 5:31 pm
मुंबई : छोट्या पडद्यावरील लोकप्रिय अभिनेत्री श्वेता तिवारी ने भोपाळमध्ये एका कार्यक्रमात वादग्रस्त वक्तव्य केलं. श्वेताने केलेल्या वक्तव्यावरून तिच्यावर कडाडून टीका केली जात आहे. इतकेच नाही तर आता श्वेताच्या वादग्रस्त विधानाचा निषेध करत मध्यप्रदेशचे गृहमंत्री डॉ. नरोत्तम मिश्रा यांनी याप्रकरणाची सखोल चौकशी करण्याचे आदेश भोपाळ पोलिसांना दिले आहे. इतकेच नाही तर या प्रकरणाचा अहवाल पोलीस आयुक्तांना देण्यास सांगितला आहे. या सर्व वादाच्या पार्श्वभूमीवर श्वेता बुधवारी रात्रीच मुंबईला परतली.
महाराष्ट्र टाइम्स.कॉम after controversial statement shweta tiwari in trouble mp home minister asks for enquiry
Shweta Tiwari Statement: पुरती अडकली! वादग्रस्त वक्तव्य करणं श्वेता तिवारीला भोवलं, गृहमंत्र्यांनी दिले चौकशीचे आदेश


जीभ घसरली! माझ्या 'ब्रा'ची साईज देवच घेतो- श्वेता तिवारी

श्वेताच्या वक्तव्यामुळे धार्मिक भावना दुखावल्या

श्वेता तिच्या आगामी वेब सीरिजच्या प्रमोशनसाठी भोपाळला गेली होती. तिथे आयोजित केलेल्या पत्रकार परिषदेला या वेब सीरिजची संपूर्ण टीम उपस्थित होती. सर्वांशी गप्पा मारत असताना मस्करीमध्ये श्वेता म्हणाली की, 'माझ्या ब्राची साईज देव घेत आहे.' सार्वजनिक ठिकाणी अशा पद्धतीने श्वेताने वक्तव्य केल्यामुळे त्यावरून वाद निर्माण झाला आहे. सोशल मीडियावर तिच्यावर टीका करण्यात येत आहे. काही लोकांनी तर श्वेताने केलेल्या या वक्तव्यामुळे धार्मिका भावना दुखावल्याचा आरोप केला आहे. श्वेताचा हा व्हिडिओ सोशल मीडियावर खूप व्हायरल झाला आहे.

View this post on Instagram A post shared by Viral Alert! (@viralalert3)

गृहमंत्र्यांनी दिले चौकशीचे आदेश

भोपाळमध्ये झालेल्या कार्यक्रमात श्वेताने हे वादग्रस्त वक्तव्य केलं होतं. त्याची दखल आता मध्यप्रदेशचे गृहमंत्री डॉ. नरोत्तम मिश्रा यांनी घेतली आहे. गुरुवारी पत्रकाराशी बोलताना त्यांनी सांगितलं की, 'श्वेता तिवारी यांनी केलेले वक्तव्य मी ऐकले. मी तो व्हिडिओदेखील पाहिला. त्यांनी केलेल्या वक्तव्याचा तीव्र शब्दांत मी निषेध करतो. भोपाळच्या पोलीस आयुक्तांना या प्रकरणाची चौकशी करून त्याचा अहवाल थेट मला देण्याचे आदेश दिले आहेत. त्यानंतर याप्रकरणी योग्य ती कारवाई केली जाईल.'

View this post on Instagram A post shared by Shweta Tiwari (@shweta.tiwari)

भोपाळमध्ये होणार शो स्टॉपर्सचं चित्रीकरण


श्वेता तिवारीच्या आगामी शो स्टॉपर्स सीरिजचे चित्रीकरण भोपाळमध्ये होणार आहे. या वेब सीरिजचे दिग्दर्शन मनीष हरीशंकर करत आहे. या सीरिजमध्ये श्वेताबरोबर रोहित रॉय, कंवलजीत, सौरभ राज जैन देखील आहेत. श्वेता तिवारीवरून निर्माण झालेला हा पहिला वाद नाही. याआधीही श्वेताच्या व्यक्तिगत आयुष्यामुळे ती वादग्रस्त ठरली आहे. श्वेताचा पहिला नवरा राजा चौधरी आणि दुसरा नवरा अभिनव कोहली यांच्याबरोबरचे तिचे वाद खूपच गाजले होते.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज