मॅन वर्सेस वाइल्डमध्ये आता अक्षय कुमारही!

कर्नाटक:
पंतप्रधान नरेंद्र मोदी, सुपरस्टार रजनीकांत यांच्यानंतर आता बेअर ग्रील्स याच्या मॅन वर्सेस वाइल्डमध्ये अभिनेता अक्षय कुमार दिसणार आहे. अक्षय कुमारचं शूटिंग म्हैसूर येथे होणार आहे.

गुरुवारी बंदीपूरमध्ये अक्षय कुमारसोबत बेअर ग्रील्स शूटिंग करणार आहे. रजनीकांत आणि अक्षय कुमार यांच्यावर दोन वेगवेगळे एपिसोड शूट केले जात आहेत. यासाठी रजनीकांत सोमवारीच चेन्नईहून म्हैसूरला रवाना झाले होते. मंगळवारी दिवसभर शूटिंग करून रात्री चेन्नईला परतले. या भागातलं बेअर ग्रील्सचं शूटिंग बुधवारी झालं. आता अक्षय कुमारचं शूटिंग गुरुवारी होणार आहे.


यापूर्वी पंतप्रधान नरेंद्र मोदी यांनी उत्तराखंड मधील जिम कॉर्बेट नॅशनल पार्कमध्ये मॅन वर्सेस वाइल्डचं शूटिंग केलं होतं. रजनीकांत आणि अक्षय कुमार दोघांचे मॅन वर्सेस वाइल्डचे एपिसोड कर्नाटकातील बंदीपूर येथे शूट होणार आहेत. आपल्या सिनेमांमधून लोकांची मने जिंकणारा रजनीकांत आता अॅडव्हेंचरच्या दुनियेतही या शोच्या निमित्ताने पाऊल ठेवत आहे. आता यानंतर अक्षय कुमारही या शोमध्ये दिसणार आहे. अक्षयला खतरों के खिलाडी म्हटलेच जाते, आता तो बेअर ग्रील्ससोबत कोणते खतरे म्हणजे धोके पत्करतो, ते पाहण्याची वाचकांना उत्सुकता आहे.

सीएए हा घर फोडणारा कायदा; पूजा भट्ट कडाडली!


कॉमेडिअन कुणाल कामरावर इंडिगोची सहा महिन्यांसाठी बंदी

मॅन वर्सेस वाइल्डच्या शूटिंगवेळी रजनीकांतना किरकोळ दुखापत